ភ្នំពេញៈ ក្រុម​ការងារ​ទទួល​ព័ត៌មាន​នៃ​អគ្គស្នងការដ្ឋាន​នគរបាល​ជាតិ​ បាន​ទទួល​ពាក្យ​បណ្តឹង​ចំនួន ២៣ ករណី​ពាក់ព័ន្ធ​នឹង​ការ​បាត់​ក្មេង​ និង​មនុស្ស​ពេញវ័យ ខណៈ​ដែល​មាន​ការ​ផ្សព្វផ្សាយ​តៗ​គ្នា​នៅ​តាម​បណ្តាញ​សង្គម ហ្វេសប៊ុក​ក្នុង​រយៈពេល​ជាច្រើន​សប្តាហ៍​មក​នេះ​ថា​មាន​ការ​ចាប់​ក្មេង​នៅ​តាម​សាលារៀន​ដើម្បី​យក​ទៅ​វះ​យក​ក្រលៀន ហើយ​សូម​ឲ្យ​ឪពុកម្តាយ និង​អាណាព្យាបាល​មាន​ការ​ប្រុងប្រយ័ត្ន​ចំពោះ​កូនៗ​របស់​ខ្លួន​។