កំពង់ចាមៈ បុរសម្នាក់ឈ្មោះ រុន រាជ អាយុ ២៤ឆ្នាំ កំពុងស្ថិតក្នុងការឃ្លាំមើលពីនគរបាលស្រុកកោះសូទិន ខេត្តកំពង់ចាម ព្រោះបានចាប់ ឆ្កែ ឆ្មានិងមាន់រស់ខាំជញ្ជក់ឈាមនិងស៊ី ដែលបានធ្វើឲ្យប្រជាពលរដ្ឋមានការបារម្ភពីសុវត្ថិភាពផ្ទាល់ខ្លួន។
លោក ជឹម បុប្ផា អធិការរងស្រុកកោះសូទិន ប្រាប់ភ្នំពេញបុស្ដិ៍ កាលពីម្សិលមិញ ថា សកម្មភាពរបស់បុរសរូបនេះ បានកើតឡើងកាលពីយប់ថ្ងៃទី ៨-៩ ខែកញ្ញា ឆ្នាំ ២០១៨ នេះ បន្ទាប់ពីផឹកស្រាស្រវឹងហើយបានចាប់កូនឆ្កែហែកស៊ីទាំងរស់ចំនួន ៣ក្បាល ស៊ីគីង្គក់អស់ ១ ក្បាល កូនឆ្មាទាំងរស់ ១ក្បាល និងចាប់មេមាន់ជញ្ជក់ឈាមរួចបោះចោល។
លោក បុប្ផា ថ្លែងថា៖«បច្ចុប្បន្ន សមត្ថកិច្ចនៅបន្ដឃ្លាំមើលបុរសរូបនេះនៅឡើយ ព្រោះប្រជាពលរដ្ឋបានស្នើសុំ ព្រោះខ្លាចគេបង្កបញ្ហា ដល់ប្រជាពលរដ្ឋក្នុងភូមិ»៕