ភ្នំពេញ៖ លោកនាយករដ្ឋមន្ត្រី ហ៊ុន សែន កាលពីព្រឹកមិញ បានប្រកាសបិទកាស៊ីណូ ដែលនឹងត្រូវអនុវត្តចាប់ពីថ្ងៃទី ១ ខែមេសា ហើយលោកក៏បានប្រកាសថានឹងបើកកិច្ចប្រជុំនៅថ្ងៃអង្គារស្អែកនេះ ដើម្បី
ពិនិត្យច្បាប់ដាក់ប្រទេសក្នុងគ្រាមានអាសន្ន។
លោកនាយករដ្ឋមន្ត្រី ហ៊ុន សែន បានប្រកាសជាថ្មីថា ច្បាប់សម្រាប់ដាក់ប្រទេសក្នុងគ្រាអាសន្នត្រូវបានរៀបចំរួចហើយ ហើយនឹងចូលជាធរមាននាពេលឆាប់ៗនេះ។ លោកនឹងដឹកនាំកិច្ចប្រជុំនៅថ្ងៃអង្គារស្អែកនេះដើម្បីពិនិត្យសេចក្ដីព្រាងច្បាប់នេះ មុននឹងកោះប្រជុំគណៈរដ្ឋមន្ត្រីនៅថ្ងៃសុក្រ។
ការប្រជុំនឹងធ្វើឡើងនៅថ្ងៃអង្គារនេះ ដឹកនាំដោយលោកនាយករដ្ឋមន្ត្រី និងចូលរួមដោយឧបនាយករដ្ឋមន្ត្រី។ ខ្លឹមសារនៃសេចក្ដីព្រាងច្បាប់នេះនឹងត្រូវបង្ហាញនៅថ្ងៃសុក្រ ក្នុងប្រជុំគណៈរដ្ឋមន្ត្រីនៅទីស្ដីការ ហើយនឹងបញ្ជូនទៅ រដ្ឋសភា ព្រឹទ្ធសភា និងថ្វាយទៅព្រះមហាក្សត្រ។ ច្បាប់នេះនឹងចាត់ទុកជាការប្រញាប់៕