ភ្នំពេញៈ លោក​នាយក​រដ្ឋមន្រ្តី ហ៊ុន សែន កាល​ពី​ម្សិល​មិញ​នេះ បាន​ស្នើ​ជា​សាធារណៈ​ទៅ​​ឧត្តម​ក្រុម​ប្រឹក្សា​នៃ​អង្គ​ចៅក្រម​ឲ្យ​ពិនិត្យ​លើ​សេចក្តី​សម្រេច​របស់​ចៅក្រម លី សុខលេង ដែល​ដាក់​ឲ្យ​ឪពុក​ម្តាយ​ឧកញ៉ា ​ថោង សារ៉ាត់ នៅ​ក្រៅ​ឃុំ​កាល​ពី​ថ្ងៃទី​៧ ខែ​មករា និង​បាន​ស្តី​​បន្ទោស​ជា​​ចំហ​ទៅ​លើ​ចៅ​ក្រម​សាលា​ដំបូង​រាជធានី ដែល​អះ​អាង​ថា​លោក ថោង សារ៉ាត់ មិន​ពាក់​ព័ន្ធ​នឹង​រឿង​ឃាតកម្ម​នេះ ទាំង​មិន​ទាន់​បាន​​កាត់​ទោស​នៅឡើយ។