ភ្នំពេញៈ លោក​នាយក​រដ្ឋមន្ត្រី ហ៊ុន សែន កាលពី​ម្សិលមិញ​បាន​បញ្ជា​ឱ្យ​លោក សៅ សុខា មេបញ្ជាការ​កងរាជ​អាវុធហត្ថ​លើ​​ផ្ទៃ​ប្រទេស និង​ជា​ប្រធាន​គណៈកម្មការ​បង្ក្រាប​ការ​កាប់​បំផ្លាញ​ព្រៃឈើ​បើក​ឧទ្ធម្ភាគចក្រ​ដោយ​ប្រើ​រ៉ុក្កែត​បាញ់​ឈ្មួញ​ដែល​កាប់​ឈើ​ខុស​ច្បាប់​ខណៈ​ដែល​​អ្នក​ស្រាវជ្រាវ​ និង​អ្នក​ឃ្លាំ​មើល​បរិស្ថាន​បាន​ចាត់​ទុក​វិធានការ​របស់​រដ្ឋាភិបាល​ក្នុង​ការ​បង្ក្រាប​បទល្មើស​ព្រៃឈើ​នេះ​ថា​គ្រាន់តែ​ជា​ឆាកល្ខោន​ដោយសារ​ពួកគេ​សង្កេត​ឃើញ​ថា​អ្នក​ផ្តល់​ការ​អនុញ្ញាត​ឲ្យ​កាប់​ឈើ និង​អ្នក​កាប់ឈើ​ព្រម​ទាំង​អ្នក​បង្ក្រាប​បទល្មើស​ព្រៃឈើ​ជា​ក្រុម​តែ​មួយ​នៅ​ជាមួយ​គ្នា។