.jpg)
សមត្ថកិច្ចដាក់រនាំងហាមឃាត់ប្រជាពលរដ្ឋមិនឱ្យធ្វើដំណើរឆ្លងពីខេត្ត ១ ទៅខេត្ត ១ នៅខណ្ឌជ្រោយចង្វារ។ ហុង មិនា
ភ្នំពេញ៖ លោកនាយករដ្ឋមន្រ្តី ហ៊ុន សែន នឹងធ្វើការពិចារណាទៅដល់ការពន្យារបន្ថែមទៅដល់ការបន្តការអនុវត្តនូវសេចក្តីសម្រេចស្តីពីការហាមឃាត់ការធ្វើដំណើរឆ្លងខេត្ត ក្នុងករណីដែលចំនួននៃអ្នកឆ្លងជំងឺកូវីដ ១៩ នៅតែបន្តកើនឡើង។
លោកបានថ្លែងក្នុងសារពិសេសនៅព្រឹកថ្ងៃសៅរ៍ ទី ១០ ខែមេសា នេះ ដោយលោកស្នើឱ្យអាជ្ញាធរថ្នាក់ក្រោមជាតិបន្តការត្រួតពិនិត្យបិទការធ្វើដំណើរឆ្លងខេត្ត ព្រោះមានព័ត៌មានថាមនុស្សដេកក្នុងទំនិញ ក្នុងករណីចាប់បានត្រូវផ្តន្ទាទោស ល្មើសនឹងបទប្បញ្ញត្តិមិនអាចលើកលែងបានទេ តែសុំមានការពិនិត្យយោគយល់ទៅលើភាពចាំបាច់ខ្លាំងរបស់ពលរដ្ឋ។
លោកបានមានប្រសាសន៍ថា៖ «យើងនឹងពិនិត្យមើលបើសិនជាជំងឺឆ្លងនេះមិនស្រាកស្រាន្ត បទបញ្ជាសេចក្តីសម្រេចពីការហាមឃាត់ការធ្វើដំណើរដែលផុតសុពលភាពថ្ងៃទី ២០ ខែមេសា ខ្ញុំនឹងពិចារណាជាក់ស្តែងពន្យារថែមទៀត បើមិនចឹងទេនឹងកក្រើកឡើងវិញ ហើយពីពេលនេះទៅដល់ថ្ងៃផុតសុពលភាពករណីនេះ អាចនឹងស្រាកស្រាន្តបាននោះទេ»។
លោក ហ៊ុន សែន បានបន្តថា មិនអាចកសាងច្បាប់ហើយទុកឱ្យនៅដដែលទេ ហើយកុំថាការបង្កើតច្បាប់គ្រាន់តែគំរាម៕
