The Phnom Penh Post Search

Search form




Logo of Phnom Penh Post newspaper Phnom Penh Post - នាយក​រដ្ឋ​មន្ត្រី​អនុញ្ញាត​ឲ្យ​សិស្ស​អ៊ិស្លាម​អាច​ស្លៀក​សម្លៀក​បំពាក់​ប្រពៃណី​ចូល​រៀន

នាយក​រដ្ឋ​មន្ត្រី​អនុញ្ញាត​ឲ្យ​សិស្ស​អ៊ិស្លាម​អាច​ស្លៀក​សម្លៀក​បំពាក់​ប្រពៃណី​ចូល​រៀន

នាយក​រដ្ឋ​មន្ត្រី​អនុញ្ញាត​ឲ្យ​សិស្ស​អ៊ិស្លាម​អាច​ស្លៀក​សម្លៀក​បំពាក់​ប្រពៃណី​ចូល​រៀន

ភ្នំពេញៈ លោក​នាយក​រដ្ឋ​មន្រ្តី ហ៊ុន សែន បាន​អនុញ្ញាត​ឲ្យ​សាសនិក​អ៊ិស្លាម​ដែល​កំពុង​តែ​រស់​នៅ​ក្នុង ប្រទេស​កម្ពុជា អាច​ប្រើ​ប្រាស់​សម្លៀក​បំពាក់​ប្រពៃណី​របស់​ខ្លួន​ចូល​រៀន​តាម​សាលា​រដ្ឋ​តាំង​ពី​ថ្នាក់​បឋម​សិក្សា​រហូត​ដល់​សាកល​វិទ្យាល័យ។

លោក ហ៊ុន សែន បាន​មាន​ប្រសាសន៍​កាល​ពី​ថ្ងៃ​សុក្រ​ក្នុង​ពិធី​អាហារ​ស្រាយ​បួស​ខែ រ៉ាម៉ាដាន របស់​សាសនា​អ៊ិស្លាម ដែល​ប្រារព្ធ​នៅ កោះ​ពេជ្រ ថា លោក​មាន​មោទនភាព​នូវ​គោល​នយោបាយ​ដែល​ខ្លួន​លោក​ផ្ទាល់​បាន​ដាក់​ចេញ​នោះ​គឺ​ការ​អនុញ្ញាត​ឲ្យ​សិស្ស​និស្សិត ដែល​ជា​សាសនិក​អ៊ិស្លាម​អាច​ស្លៀក​សម្លៀក​បំពាក់​របស់​ខ្លួន​ចូល​ទៅ​កាន់​សាលា​គ្រប់​កម្រិត​តាំង​ពី​បឋម​សិក្សា​រហូត​ដល់​សាកល​វិទ្យាល័យ។

លោក​បាន​ថ្លែង​ថា៖ «នៅ​ប្រទេស​មួយ​មិន​អនុញ្ញាត​ឲ្យ​សាសនិក​អ៊ិស្លាម​ស្លៀក​សម្លៀក​បំពាក់​តាម​បែប​សាសនា​ចូល​ទៅ​ក្នុង​សាលា​នោះ​ទេ ក៏​ប៉ុន្តែ​សម្រាប់​កម្ពុជា​ដោយ​មើល​ឃើញ​ថា មាន​ការ​ចាំបាច់​នូវ​ការ​គោរព​ប្រតិបត្តិ ជា​ពិសេស​គឺ​និស្សិត​ជា​ស្រ្តី»។

កញ្ញា ម៉ាត់ កូហ្វាស អាយុ ២៤​ឆ្នាំ ដែល​ជា​ជន​ជាតិ​អ៊ិស្លាម និង​កំពុង​បម្រើ​ក្នុង​ក្រុម​ហ៊ុន​ឯកជន​បាន​និយាយ​កាល​ពី​ថ្ងៃ​ម្សិល​មិញ​ថា កាល កញ្ញា នៅ​សិក្សា​នៅ​វិទ្យាល័យ គឺ​នាង​មិន​ត្រូវ​បាន​អនុញ្ញាត​ឲ្យ​ស្លៀក​ពាក់​តាម​បែប​ប្រពៃណី​របស់​សាសនា​នាង​ចូល​សាលា​រៀន​ទេ។

កញ្ញា​បាន​និយាយ​ថា៖ «ខ្ញុំ​គិត​ថា​វា​មិន​មាន​ការ​ប៉ះពាល់​ធ្ងន់​ធ្ងរ​ទេ ដោយ​សារ​យើង​ប្រើ​ប្រាស់​សម្លៀក​បំពាក់​វែងៗ អាវ​ដៃ​វែង និង​សំពត់​វែង»។

កញ្ញា ម៉ាត់ សាលី អាយុ ២៧​ឆ្នាំ ដែល​បាន​បញ្ចប់​ការ​សិក្សា​នៅ ឆ្នាំ​២០១៣ បាន​និយាយ​ថា វា​ជា​ការ​ល្អ​ដែល​បាន​ស្លៀក​ពាក់​សម្លៀក​បំពាក់​សាសនា​ខ្លួន​ឯង ប៉ុន្តែ​កញ្ញា​ត្រូវ​តែ​ធ្វើ​ទៅ​តាម​ច្បាប់​របស់​ប្រទេស​នេះ​ពី​ព្រោះ​កញ្ញា​រស់​នៅ​ក្នុង​ប្រទេស​ដែល​មាន​ច្បាប់​ទម្លាប់​ដែល​ប្រតិបត្តិ​ប្រពៃណី​ខុស​គ្នា៕

អត្ថបទគួរចាប់អារម្មណ៍