The Phnom Penh Post Search

Search form




Logo of Phnom Penh Post newspaper Phnom Penh Post - នាយ​ប៉ុស្តិ៍​ការ​ពារ​ព្រំ​ដែន​ម្នាក់ ត្រូវ​មន្ត្រី​ឧទ្យានុរក្ស​ប្តឹង រឿង​ឃុប​ឃិត​ឲ្យ​ឈ្មួញ​​ ​ចូល​កាប់​ឈើ​ ដឹក​ទៅ​វៀត​ណាម

នាយ​ប៉ុស្តិ៍​ការ​ពារ​ព្រំ​ដែន​ម្នាក់ ត្រូវ​មន្ត្រី​ឧទ្យានុរក្ស​ប្តឹង រឿង​ឃុប​ឃិត​ឲ្យ​ឈ្មួញ​​ ​ចូល​កាប់​ឈើ​ ដឹក​ទៅ​វៀត​ណាម

Content image - Phnom Penh Post
ឡាន​ដឹក​ឈើ​តាម​ច្រក​របៀង​ខ្លា​ធំ ក្នុង​ខេត្ត​រតនគិរី ទៅ​កាន់​ប្រទេស​វៀត​ណាម​កាល​ពី​ពេល​កន្លង​មក​ថ្នីៗ​នេះ។ រូប​ថត​ ប្រជា​សហគមន៍

នាយ​ប៉ុស្តិ៍​ការ​ពារ​ព្រំ​ដែន​ម្នាក់ ត្រូវ​មន្ត្រី​ឧទ្យានុរក្ស​ប្តឹង រឿង​ឃុប​ឃិត​ឲ្យ​ឈ្មួញ​​ ​ចូល​កាប់​ឈើ​ ដឹក​ទៅ​វៀត​ណាម

រតនគិរីៈ នាយ​នគរ​បាល​ប៉ុស្តិ៍​​ការពារ​ព្រំដែន​កម្ពុជា​-វៀត​ណាម​ម្នាក់ ត្រូវ​បាន​មន្ត្រី​ឧទ្យានុរក្ស ​នៃឧទ្យាន​ជាតិ​អូរយ៉ា​ដាវ ​ខេត្ត​រតនៈគិរី ប្ដឹង​ចោទ​ប្រកាន់​ថា​ បាន​ឃុបឃិត​ឲ្យ​ឈ្មួញ​ឈើ​កម្ពុជា និង វៀត​ណាម ចូល​កាប់​បំផ្លាញ​ព្រៃ​ឈើ និង​ដឹក​ជញ្ជូន​ចេញ​​ដោយ​ខុស​ច្បាប់ នៅក្នុង​តំបន់​ឧទ្យាន​ជាតិ​អូរយ៉ា​ដាវ ដើម្បី​នាំ​ទៅ​លក់​នៅ​ប្រទេស​វៀត​ណាម។ នេះ​បើតាម​សកម្មជន​ព្រៃ​ឈើ​ និង បរិស្ថាន​កាល​ពីម្សិល​មិញ។

លោក ហេង ស្រស់ សកម្មជន​ព្រៃ​ឈើ ​និង​បរិស្ថាន​ ប្រចាំ​ខេត្ត​ភាគឦ​សាន នៃ​ប្រទេស​កម្ពុជា ​បាន​ប្រាប់​ភ្នំពេញ​ប៉ុស្តិ៍​នៅ​ថ្ងៃ​​ទី ២៦ ខែ​វិច្ឆិកា​​ថា នាយនគរ​បាល​ប៉ុស្តិ៍​ការពារ​ព្រំដែន​ កម្ពុជា-វៀត​ណាម ដែល​រង​ការ​ចោទ​ប្រកាន់​ពីក្រុម​មន្ត្រី​ឧទ្យា​នុរក្សនៃ​ឧទ្យាន​ជាតិ​​​អូរ​យ៉ា​ដាវ ពាក់​ព័ន្ធការ​ឃុប​ឃិត​ឲ្យ​មាន​ការ​ប្រព្រឹត្តិ​បទ​ល្មើស​ព្រៃ​ឈើ​ខាង​លើ​នេះ​ឈ្មោះ​ មិន ផុន ​មាន​តួនាទី​ជា​មេប៉ុស្តិ៍​ខ្លាធំ​ (តំបន់​ព្រំដែ​នកម្ពុជា-វៀតណាម) ដែល​ចំណុះ​ឲ្យវរៈ​កាពារ​ព្រំដែន​លេខ​ ៦២៣​។

បើតាម​មន្ត្រី​ឧទ្យា​នុរក្ស​ម្នាក់​ នៃ​ឧទ្យាន​ជាតិ​អូរយ៉ាដាវ ដែល​ស្នើ​សុំមិន​បញ្ចេញ​ឈ្មោះ ប៉ុស្តិ៍​ ខ្លាធំ ដែលគ្រប់​គ្រង​ដោយ​លោក មិន ផុន គឺ​ជាច្រក​របៀង​មួយ ដែល​ក្រុម​ឈ្មួញ​ឈើ​ទាំងខ្មែរ​ និង​វៀត​ណាម ធ្វើ​សកម្មភាព​ចូល​លុក​លុយ​ ​កាប់​បំផ្លាញ​ព្រៃឈើ​ក្នុង​​តំបន់​ដែន​ជម្រក​សត្វ​ព្រៃ​លំផាត់ និង​តំបន់​ដែន​ជម្រក​មួយ​ចំនួន​ទៀត​ រួមទាំង​ព្រៃ​ឈើ​ក្នុង​តំបន់​ឧទ្យាន​ជាតិ​អូរយ៉ា​ដាវ ​ ហើយ​ដឹក​ជញ្ជូន​ឈើទាំង​នោះ ចេញ​ពី​កម្ពុជា​ដោយ​ខុស​ច្បាប់​ ចូល​ទៅ​ក្នុង​ប្រទេស​វៀត​ណាម​ យ៉ាង​សកម្ម។

មន្ត្រី​ដដែល​នោះ​ បាន​បញ្ជាក់​ថា​៖«ជាក់​ស្ដែង ក្នុង​អំឡុង​ពេល​ចុះ​ល្បាត​ព្រៃ​ជាប់​តំបន់​ព្រំដែន ​កម្ពុជា-វៀត​ណាម​ កាល​ពី​ពេល​ថ្មីៗ​នេះ ក្រុម​ការងារ​យើង​ បាន​ប្រទះ​ឃើញ​សកម្មភាព​ឈ្មួញ​ឈើ​វៀតណាម​ ប្រើ​ប្រាស់​រថយន្ត​ប៉ាកុង​ចំនួន​ ៥ គ្រឿង ដឹក​ ​ឈើ​ចេញ​ពីប្រទេស​កម្ពុជា​យើង​ ចូល​ទៅ​​ក្នុង​ទឹក​ដី​ប្រទេសវៀតណាម​ ដោយ​ឆ្លង​កាត់​តាម​ច្រក​របៀង​ខ្លាធំ​។ ករណី​នេះ​យើង​បាន​រាយ​ការណ៍​ប្រាប់​ទៅ​មន្ទីរ​បរិស្ថាន​ខេត្ត​រតន​គិរី និង ក្រសួង​បរិស្ថាន​រួច​ហើយ​»។

ជុំវិញ​ករណី​នេះ លោក ង៉ួន សុវណ្ណា ប្រធាន​អង្គភាព​វរៈ​ការពារ​ព្រំដែន​គោក​លេខ​ ៦២៣ បាន​ប្រាប់​ភ្នំ​ពេញ​ប៉ុស្តិ៍​នៅ​ថ្ងៃ​ទី ២៦ ​ខែ​វិច្ឆិកា​ថា នៅពេល​នេះ លោក មិន ផុន ត្រូវ​បាន​ដក​យក​មកបញ្ឈរ​ជើង​នៅក្នុង​អង្គភាព ដើម្បី​ធ្វើ​ការ​សាកសួរ​ និង ចាត់​វិធាន​ការ​ទៅ​តាម​ផ្លូវ​ច្បាប់ ។

លោក សុវណ្ណា បាន​និយាយ​ថា៖«​ករណី​នេះ អង្គភាព​យើង​ បាន​ចាត់វិធាន​ការ ​ដក​គាត់​ចេញ​ពីតំបន់​នោះ មក​ឈរ​ជើង​នៅ​ក្នុង​អង្គភាព​ជា​បណ្ដោះ​អាសន្ន ដើម្បី​ធ្វើ​ការ​សាក​សួរ និង​ស៊ើប​អង្កេត​បន្ត​ទៅ​តាម​នីតិវិធី​ច្បាប់។ គាត់​នឹង​ត្រូវ​ប្រឈម​ការ​ដាក់​​ពិន័យ​ទោស​ទៅ​តាម​ច្បាប់ ក្នុង​ករណី​រក​ឃើញ​ថា​ គាត់​ពិត​ជា​បាន​ប្រព្រឹត្តិ​កំហុស​ ដោយ​មាន​ការ​ឃុបឃិត ឬ​អនុញ្ញាត​ឲ្យ​មាន​​ការប្រព្រឹត្តិ​បទល្មើស​ កាប់​បំផ្លាញ​ព្រៃ​ឈើ និង​ដឹក​ជញ្ជូនឈើ​ដោយ​ខុស​ច្បាប់​ ពីក្នុង​ប្រទេសកម្ពុជា ចូលទៅក្នុង​ប្រទេស​​វៀត​ណាម​»។

សកម្មភាព​ដឹក​ជញ្ជូន​ឈើ​ដោយ​ខុស​ច្បាប់​ពីកម្ពុជា​ចូលទៅ​ក្នុង​ប្រទេស​វៀតណាម ដោយ​ឆ្លង​កាត់​តាមច្រក​របៀង​ខ្លាធំ ត្រូវ​បាន​គេ​រាយ​ការណ៍​ថា​ មិន​មែន​ទើប​តែកើត​មាន​ឡើង​ នៅក្នុង​ចុង​ឆ្នាំនេះ​ទេ ប៉ុន្តែវា​បាន​កើត​ឡើង​យ៉ាង​អណាធិប​តេយ្យ ​អស់​រយៈពេល​ជាច្រើន​ឆ្នាំ​មក​ហើយ។ ឈ្មួញ​ឈើ​ធំដែល​ដឹក​ឈើ​ចេញ​តាម​ច្រករបៀង​មួយ​នេះ ត្រូវ​បាន​គេរាយ​ការណ៍ថា ឈ្មោះ វ៉ាន ចាន្នី ហៅចែ​ច្រឹប ដែល​ជាភរិយា​របស់​លោក​ មិន ​ផុន មេប៉ុស្តិ៍​ខ្លាធំ ដែល​រងការ​ចោទ​ប្រកាន់​ពី​មន្ត្រី​ឧទ្យា​នុរក្ស​អូរយ៉ាដាវ តែម្ដង។

លោក មិន ផុន មិន​អាច​ទាក់​ទង​សុំការ​ពន្យល់​​ជុំវិញ​ករណី​នេះ​បាន​ទេ នៅ​ថ្ងៃ​ទី ២៦ ខែ​វិច្ឆិកា​៕

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។