The Phnom Penh Post Search

Search form




Logo of Phnom Penh Post newspaper Phnom Penh Post - នារីខ្មែរ​ ៨ នាក់​ ត្រូវ​បាន​សង្គ្រោះពី​ព្រំ​ដែន​វៀតណាម-ចិន ពេល​មេខ្យល់​កំ​ពុងនាំ​ឆ្លងដែន​




នារីខ្មែរ​ ៨ នាក់​ ត្រូវ​បាន​សង្គ្រោះពី​ព្រំ​ដែន​វៀតណាម-ចិន ពេល​មេខ្យល់​កំ​ពុងនាំ​ឆ្លងដែន​

Content image - Phnom Penh Post
នារី​ខ្មែរ​ទាំង ៨​ រូប ដែលចាញ់បោក​មេខ្យល់លួច​ឆ្លងដែន​ទៅកាន់​ប្រទេស​ចិន ដោយ​ឆ្លងកាត់​ប្រទេស​វៀតណាម ដោយ​ខុសច្បាប់​។ រូបថត Royal Embassy of Cambodia to Vietnam

នារីខ្មែរ​ ៨ នាក់​ ត្រូវ​បាន​សង្គ្រោះពី​ព្រំ​ដែន​វៀតណាម-ចិន ពេល​មេខ្យល់​កំ​ពុងនាំ​ឆ្លងដែន​

ភ្នំពេញ៖ ​ស្ថាន​ឯកអគ្គរាជទូត​នៃ​ព្រះរាជាណាចក្រ​កម្ពុជា​ប្រចាំ​ប្រទេស​វៀតណាម កាលពី​ថ្ងៃទី​ ២៥ ខែ វិច្ឆិកា ឆ្នាំ ​២០២០ ​បាន​សហការសម្របសម្រួល​ជាមួយ​អាជ្ញា​ខេត្ត​កាវ​បាង បញ្ជូន​នារី​ខ្មែរ​ ៨​ រូប ត្រឡប់មក​កម្ពុជា​វិញ បន្ទាប់ពី​ត្រូវបាន​ចាញ់បោក​មេខ្យល់លួច​ឆ្លងដែន​ទៅកាន់​ប្រទេស​ចិន ដោយ​ឆ្លងកាត់​ប្រទេស​វៀតណាម ដោយ​ខុសច្បាប់​។

យោងតាម​សេចក្ដីជូនដំណឹង​របស់​ស្ថាន​ឯកអគ្គរាជទូត​កម្ពុជា​ប្រចាំ​ប្រទេស​វៀតណាម ចុះ​ថ្ងៃទី​ ២៥ ខែ វិច្ឆិកា ឆ្នាំ​ ២០២០ ដែល​ ភ្នំពេញ​ ប៉ុស្តិ៍​ ទទួលបាន​កាលពី​ថ្ងៃទី​ ២៦​ វិច្ឆិកា​ ថា នារី​ខ្មែរ​ទាំង​ ៨​ នាក់​នោះ មាន​ទីលំនៅ​ក្នុង​ខេត្តកណ្ដាល កំពង់ចាម បន្ទាយមានជ័យ និង​រាជធានី​ភ្នំពេញ​។ ក្នុងចំណោម​នារី​ទាំង​ ៨ ​នាក់ មាន​ ៤ ​នាក់​ជា​អនីតិជន​។

សេចក្ដីជូនដំណឹង​នោះបាន​បញ្ជាក់ថា​៖ «​ពួកនាង​ត្រូវបាន​ឆបោក​នាំ​ពី​កម្ពុជា​» នៅ​ថ្ងៃទី​ ២៥ ខែតុលា និង​ថ្ងៃទី​ ០៧ ខែ វិច្ឆិកា ឆ្នាំ​ ២០២០ តាម​ផ្លូវលំ ក្បែរ​ច្រកទ្វារ​អន្តរជាតិ បាវិត​-​ម៉ុក​បាយ ឆ្ពោះទៅ​ព្រំដែន​វៀតណាម​-​ចិន នៃ​ខេត្ត​កាវ​បាង ហើយ​ត្រូវបាន​អាជ្ញាធរខេត្ត​កាវ​បាង ជួយសង្គ្រោះ​បាន​នៅ​ថ្ងៃទី​ ០៦ និង ថ្ងៃទី​ ១០ ខែ វិច្ឆិកា ឆ្នាំ ២០២០ នៅ​ចំណុច​ព្រំដែន​វៀតណាម​-​ចិន ដែលមាន​ចម្ងាយ​ប្រមាណ​ ៣៧០​ គីឡូម៉ែត្រ ពី​ទីប្រជុំជន​នៃ​ក្រុង​ហាណូយ​។​

ក្រោយពី​មាន​កិច្ច​អន្តរាគមន៍​សម្របសម្រួល​ពី​ស្ថាន​អគ្គរាជទូត​កម្ពុជា​ប្រចាំ​ប្រទេស​វៀតណាម អាជ្ញាធរខេត្ត​កាវ​បាង នៅ​ថ្ងៃទី​ ២៥ ខែ វិច្ឆិកា ឆ្នាំ ២០២០ បានសម្រេច​បញ្ជូន​ពួកនាង​តាម​រថភ្លើង​មកកាន់​ទីក្រុង​ហូជីមិញ ដែល​តាម​គម្រោង នៅវេលា​ម៉ោង​ ៥:០០ ​ព្រឹក ថ្ងៃទី​ ២៧ ខែ វិច្ឆិកា ឆ្នាំ​ ២០២០ ពួកនាង​នឹង​មកដល់​ទីក្រុង​ហូជីមិញ ជាទី​ដែលមាន​ស្ថាន​អគ្គ​កុងស៊ុល​កម្ពុជា រង់ចាំ​ដើម្បី​សម្របសម្រួល​ការធ្វើដំណើ​រ​បន្តទៅ​ច្រកទ្វារព្រំដែន​អន្តរជាតិ​បាវិត​-​ម៉ុក​បាយ​។

យ៉ាងណាក៏ដោយ នៅក្នុង​សេចក្ដីជូនដំណឹង​នោះ ស្ថាន​អគ្គរាជទូត​កម្ពុជា​ប្រចាំ​ប្រទេស​វៀតណាម មិនបាន​បញ្ជាក់​ឲ្យ​ច្បាស់​អំពី​ទិសដៅ​ពិតប្រាកដ​របស់​ពួកនាង​ដែល​ត្រូវ​ទៅនោះ​ទេ ហើយក៏​មិនបាន​បញ្ជាក់​ពី​មូលហេតុ ដែល​នាំ​ឲ្យ​ពួកនាង​ត្រូវបាន​គេ​បោក​បញ្ឆោត​ពី​កម្ពុជា​នោះដែរ​។

លោក កុយ គួ​ង អ្នកនាំពាក្យក្រសួងការបរទេស និងសហប្រតិបត្តិការ​អន្តរជាតិបាន​ប្រាប់​ ភ្នំពេញ ​ប៉ុស្ តិ៍​ថា គោលបំណង​របស់​ក្រុម​នារី​រងគ្រោះ គឺ​ទៅ​ប្រទេស​ចិន ដោយ​ឆ្លងកាត់​ប្រទេស​វៀតណាម​។

លោក​បាន​បន្តថា នៅពេលនេះ​អគ្គ​កុងស៊ុល​កម្ពុជា​ប្រចាំ​ក្រុង​ហូជីមិញ នឺង​សហការ​ជាមួយ​អាជ្ញាធរ​វៀតណាម ជួយ​សម្រួល​ស្ត្រី​រងគ្រោះ​ ដើម្បី​ឆ្លងកាត់​ព្រំដែន​មក​កម្ពុជា​វិញ ដោយមាន​មន្ត្រី​សង្គមកិច្ច​ខេត្តស្វាយរៀង​ចាំ​ទទួល​នៅ​ច្រកព្រំដែន និង​អនុវត្តតាម​វិធានការ​របស់​ក្រសួងសុខាភិបាល​។​

អ្នកស្រី ជូ ប៊ុន​អេង រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​អចិ​ន្រៃ្ត​យ​នៃ​គណៈកម្មាធិការ​ជាតិ​ប្រយុទ្ធប្រឆាំង​ការជួញដូរ​មនុស្ស បាន​ប្រាប់​ ភ្នំពេញ ​ប៉ុស្តិ៍​ ថា ​នៅ​ថ្ងៃទី ​២៦ ​ខែវិច្ឆិកា ​ថា ជាទូទៅ​ជនរងគ្រោះ​ដែល​ត្រូវបាន​ចាញ់បោក​មេខ្យល់​នាំ​ពី​កម្ពុជា​ទៅកាន់​ប្រទេស​វៀតណាម គោលដៅ​របស់​ពួកគេ​ភាគច្រើន ​គឺ​ទៅ​ប្រទេស​ចិន​។ ចំណែក​មូលហេតុ គឺ​ក្រុម​ជនរងគ្រោះ ជឿ​លង់ការ​បញ្ឆោត​របស់​ក្រុម​មេខ្យល់ តាមរយៈ​រូបភាព​រៀប​អាពាហ៍ពិពាហ៍​ក្លែងក្លាយ និងការធានា​ផ្ដល់​ការងារ​ធ្វើ​នៅតាម​ផ្ទះ ដែលមាន​ប្រាក់ខែ​ខ្ពស់​ជាដើម​។

អ្នកស្រី​បានបញ្ជាក់​ថា​៖ «​យោងតាម​របាយការណ៍​នៃ​ការសិក្សា​ស្រាវជ្រាវ ជនរងគ្រោះ​ជា​ស្ត្រី​កម្ពុជា ៦០​ នាក់​ ក្នុង​មួយឆ្នាំ ត្រូវបាន​រកឃើញថា ចាញ់បោក​មេខ្យល់​នាំយកទៅ​លក់​នៅ​ប្រទេស​ចិន ហើយ​ត្រូវបាន​អគ្គ​កុងស៊ុល​កម្ពុជា ប្រចាំ​ប្រទេស​ចិន សហការ​ជាមួយ​អាជ្ញាធរ​ចិន ជួយ​អន្តរាគមន៍​ប​ញ្ចូ​ន​មកកាន់​កម្ពុជា​វិញ​»​។

ចំពោះ​ករណី​នារី​ខ្មែរ​ទាំង​ ៨​ នាក់ ដែល​ត្រូវបាន​ចាញ់បោក​មេខ្យល់​នាំ​ពី​កម្ពុជា​ទៅកាន់​ព្រំដែន​វៀតណាម​-​ចិន​ នៃ​ខេត្ត​កាវ​បាង និងដែល​ត្រូវបាន​បញ្ជូន​ត្រឡប់​មកដល់​ច្រកទ្វារព្រំដែន​អន្តរជាតិ​បាវិត​-​ម៉ុក​បាយ នៅ​ព្រៃ​ថ្ងៃទី​ ២៧ ខែ វិច្ឆិកា ឆ្នាំ ២០២០​ នោះ ក្រុមការងារ​របស់​អ្នកស្រី កំពុង​សហការ​ជាមួយ​សមត្ថកិច្ច​ជំនាញ​នៃ​លេខាធិការដ្ឋាន​គណៈ​ក​ម្មា​ប្រយុទ្ធប្រឆាំង​ការជួញដូរ​មនុស្ស​ខេត្តស្វាយរៀង មន្ត្រី​ជំនាញ​ពី​ក្រសួង​សង្គមកិច្ច ក្រសួងសុខាភិបាល និងសមត្ថកិច្ច​នគរបាល​ប្រចាំ​ច្រកទ្វារព្រំដែន​អន្តរជាតិបាវិត​-​ម៉ុក​បាយ ដើម្បី​ទទួល​ពួកនាងយកទៅ​ធ្វើ​ច​ត្តា​ឡី​ស័ក្ដិ ១៤​ ​ថ្ងៃ​។

អ្នកស្រី​បញ្ជាក់ថា​៖ «​នៅពេល​ពួកគាត់​មកដល់មន្ទីរ​សុខាភិបាល នឹងដាក់​ឲ្យ​ធ្វើ​ច​ត្តា​ឡី​ស័ក​ ១៤​ ថ្ងៃ​សិន​។ ក្រោយពី​បញ្ចប់​ការធ្វើ​ច​ត្តា​ឡី​ស័ក្តិ ទើប​ក្រុមការងារ​យើងខ្ញុំ អាច​ដំណើរការ​សាកសួរ​ពួកនាង នូវ​ព័ត៌មាន​ផ្សេងៗ​មួយចំនួន​បាន​»៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ