ភ្នំពេញៈ តំណាង​រាស្ត្រ​គណបក្ស​ប្រជាជន​កម្ពុជា និង​សង្គ្រោះ​ជាតិ បាន​ប្តេជ្ញា​ចិត្ត​រួម​គ្នា​នៅ​ចំពោះ​មុខ​ប្រជា​ពលរដ្ឋ​ដែល​រងគ្រោះ​ដោយ​សារ​ការ​បណ្តេញ​ចេញ​ពី​លំនៅឋាន​ដោយ​បង្ខំ​ប្រមាណ​ជា ៥០ សហគមន៍​ថា នឹង​ដោះ​ស្រាយ​បញ្ហា​ជម្លោះ​ដីធ្លី​ឲ្យ​មាន​ប្រសិទ្ធភាព​ជាង​អាណត្តិ​មុនៗ បន្ទាប់​ពី​ចេញ​ទទួល​ញតិ្ត​ពី​ពលរដ្ឋ​ដែល​បាន​ប្រារព្ធ​ធ្វើ​ទិវា​លំនៅឋាន​ពិភពលោក​លើក ទី២៩ កាល​ពី​ម្សិល​មិញ។