The Phnom Penh Post Search

Search form




Logo of Phnom Penh Post newspaper Phnom Penh Post - បញ្ជូន​មនុស្ស​ ៣ ​នាក់​ទៅ​តុលាការ ​ព្រោះ​រក​រ៉ែ​មាស​ខុសច្បាប់




បញ្ជូន​មនុស្ស​ ៣ ​នាក់​ទៅ​តុលាការ ​ព្រោះ​រក​រ៉ែ​មាស​ខុសច្បាប់

Content image - Phnom Penh Post
សមត្ថកិច្ច​បង្ហាញ​ទីតាំង​រក​រ៉ែ​មាស​ដោយ​ខុសច្បាប់​។ រូបថត សហការី

បញ្ជូន​មនុស្ស​ ៣ ​នាក់​ទៅ​តុលាការ ​ព្រោះ​រក​រ៉ែ​មាស​ខុសច្បាប់

ក្រចេះ: មន្ត្រី​ជំនាញ​នៃ​កងរាជ​អាវុធហត្ថ​បាន​បញ្ជូន​មនុស្ស​ ៣ ​នាក់​ ទៅ​សាលាដំបូង​ខេត្តក្រចេះ​កាលពី​ម្សិលមិញ ២ ​ថ្ងៃ​ ក្រោយ​ការឃាត់ខ្លួន​ពួកគេ​ដែល​កំពុង​ធ្វើ​សកម្មភាព​ជីក​រក​រ៉ែ​មាស​ដោយ​ខុសច្បាប់​ក្នុង​តំបន់​មួយកន្លែង ស្ថិតនៅ​ក្នុងភូមិ​ថ្នល់ ឃុំ​ស្វាយជ្រះ ស្រុក​ស្នួល ខេត្ត​ក្រចេះ​។

លោក សាន្ត ប៊ុនថាន មេបញ្ជាការ​កងរាជ​អាវុធហត្ថ​ខេត្តក្រចេះ​បាន​ថ្លែង​ឲ្យ​ដឹង​កាលពី​ម្សិលមិញ​ថា សមត្ថកិច្ច​ជំនាញ​នៃ​កងរាជអាវុធហត្ថ​ខេត្តក្រចេះ បាន​បញ្ជូន​ជនសង្ស័យ​ចំនួន ៣ ​នាក់​ ទៅ​សាលាដំបូង​ខេត្តក្រចេះ​នៅ​ថ្ងៃទី​ ៣ ខែមិថុនា​ នេះ ដើម្បី​ឲ្យ​តុលាការ​ចាត់ចែង​តាម​នីតិវិធី​ច្បាប់​។

លោក​អះអាង​ថា ជនសង្ស័យ​ទាំងនោះ​ឈ្មោះ ឡាច គឹមហេង អាយុ​ ៥៧ ​ឆ្នាំ​, ឈ្មោះ ឡាច គឹមហ៊ង អាយុ​ ៤៧ ​ឆ្នាំ និង​ឈ្មោះ អឿង សេង អាយុ ៥៣ ​ឆ្នាំ ដោយ​ពួកគាត់​រស់នៅ​ភូមិ​ថ្នល់ ឃុំ​ស្វាយជ្រះ ស្រុក​ស្នួល ខេត្ត​ក្រចេះ​ជាមួយ​គ្នា​។

លោក ប៊ុនថាន ថ្លែងថា​៖ «​យើង​បញ្ជូន​ទៅ​តុលាការ​ខេត្តក្រចេះ​ថ្ងៃទី​ ៣ ខែមិថុនា ហើយ​ព្រោះ​មន្ត្រី​ជំនាញ​ខ្ញុំ​គាត់​សួរនាំ​រួចរាល់ អ៊ីចឹង​យើង​បញ្ជូន​ទៅ​តែម្ដង ហើយ​តុលាការ​គេ​បន្ត​នីតិវិធី​បែបណា​ទៀត ខ្ញុំ​អត់​ដឹង​ទេ​។ យើង​ទុក​ឲ្យ​តុលាការ​គាត់​ចាត់ចែង​តាម​នីតិវិធី​របស់គាត់​ទៅ​»​។

លោក គង់ គឹមនី អភិបាលស្រុក​ស្នួល​បាន​ថ្លែង​ពី​ម្សិលមិញ​ថា ការឃាត់ខ្លួន​ជនសង្ស័យ ៣ ​នាក់​ ធ្វើ​ទៅ​តាម​នីតិវិធី​ច្បាប់​ក្នុង​ករណី​គ្រប់គ្រង និង​ធ្វើ​អាជីវកម្ម​ធនធាន​រ៉ែ​មាស​ខុសច្បាប់​នៅ​ភូមិ​ថ្នល់ ឃុំ​ស្វាយជ្រះ ស្រុក​ស្នួល ខេត្តក្រចេះ​។ មុន​ការចាប់​ខ្លួន​ជនសង្ស័យ​ទាំង ៣ ​នាក់​នោះ​ អាជ្ញាធរ​មូលដ្ឋាន​ធ្លាប់បាន​ព្រមាន​ជាច្រើនលើក​ច្រើនសា តែ​ពួកគេ​មិន​ស្ដាប់​។

លោក​ថ្លែង​ថា​៖ «​យើង​បាន​ប្រាប់​គាត់​ហើយ​ថា បើ​ចង់​ធ្វើ​អាជីវកម្ម​ទៅសុំ​ច្បាប់ បើ​អត់​សុំច្បាប់​ធ្វើ អាហ្នឹង​វា​ខុសច្បាប់ ហើយ​យើង​ទុកពេល​ឲ្យ​គាត់​រុះរើ​អីវ៉ាន់​គាត់​ចេញ ហើយ​គាត់​នៅ​តែ​មិន​ព្រមស្ដាប់​តាម​ការណែនាំ​របស់​អាជ្ញាធរ ដូច្នេះ​យើង​ត្រូវតែ​បង្ក្រាប​»៕

អត្ថបទគួរចាប់អារម្មណ៍

  • ព្រះសីហនុៈ រដ្ឋបាលខេត្ត​ព្រះសីហនុ​កំពុង​ចាក់​ខ្សាច់​ថ្មី​បំពេញ​នៅតាម​កន្លែង​ជ្រលង​ទឹកហូរ​ដែលមាន​ខ្សាច់​ទាប និង​ខ្សាច់​ខ្មៅ​នៅ​ចំណុច​ឆ្នេរ​អូរឈើទាល​ក្នុង​សង្កាត់​លេខ​ ៤ ក្រុងព្រះសីហនុ ដើម្បី​កែលម្អ​សោភណភាព​ឆ្នេរ​ខ្សាច់ ក៏ប៉ុន្តែ​មន្ត្រីខេត្ត​នៅ​មិន​អាច​ប៉ាន់ប្រមាណ​ថា​នឹង​ត្រូវ​ប្រើ​ខ្សាច់​ប៉ុន្មាន​រថយន្ត​នោះទេ​។

  • ភ្នំពេញៈ ប្រទេស​ជប៉ុន​ ផ្តល់​ជំនួយ​ឥតសំណង​ដល់​កម្ពុជា​ចំនួន ១ ១៣២ ​លាន​យ៉េន​ (១០,៨ ​លាន​ដុល្លារ​) ​សម្រាប់​អនុវត្ត​គម្រោង​អភិវឌ្ឍន៍​ចរាចរណ៍​នាវា​នៅ​កំពង់ផែ​ស្វយ័ត​ក្រុងព្រះសីហនុ​ដើម្បី ​ធ្វើឱ្យ​ប្រសើរ​ឡើង​នូវ​សុវត្ថិភាព​ផ្លូវ​សមុទ្រ​។ នេះ​បើតាម​ស្ថានទូត​ជប៉ុន​ប្រចាំ​នៅ​កម្ពុជា​។

  • ភ្នំពេញ៖ កីឡាការិនី​កូន​ខ្មែរ​កាត់​បារាំង វ័យ ១៧ ឆ្នាំ ម៉ា រីយ៉ាន មាន​ចំណង់​ចំណូលចិត្ត​ខ្លាំង​ទៅ​លើ​ប្រភេទ​កីឡា​ប្រយុទ្ធ ពិសេស​ការ​ប្រណាំង​ម៉ូតូ​ហោះ ហើយ​កញ្ញា​បាន​អះអាង​ថា នឹង​មិន​បោះបង់​ចោល​ជំនាញ​នេះ​ឡើយ បើ​ទោះបី​ជា​ប្រភេទ​កីឡា​នេះ មាន​ផល​ប៉ះពាល់ និង​ធ្លាប់​ជួប​ឧបសគ្គ​គ្រោះ​ថ្នាក់​ធំ​​ក៏​ដោយ។

  • ភ្នំពេញៈ តម្លៃ​ពោត​ក្នុង​រដូវ​ប្រមូលផល​ឆ្នាំនេះ​បាន​ស្ទុះ​ឡើង ដោយសារ​តែ​ការកើនឡើង​នៃ​តម្រូវការ​សម្រាប់​ការផលិត​ចំណី​សត្វ​ក្នុងស្រុក​។ ការប្រមូលផល​ពោតក្រហម​នៅក្នុង​ខេត្ត​ត្បូងឃ្មុំ​ពេលនេះ​សម្រេច​បាន​ប្រមាណ ៥០ ​ភាគរយ​ហើយ​ដោយ​តម្លៃ​គ្រាប់ពោត​ស្ងួត​បាន​កើនឡើង​ជិត ២០ ​ភាគរយ​ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន

  • កោះកុងៈ ដី​គម្រប​ព្រៃឈើ​របស់​រដ្ឋ​រាប់ពាន់​ម៉ែត្រការ៉េ​ក្នុង​ទំហំ​ដី​បម្រុង​របស់​រដ្ឋ​ទំហំ​ប្រមាណ​ ១១ ​ហិកតា ស្ថិតនៅ​ភូមិ​កោះស្តេច ឃុំ​កោះ​ស្តេច ស្រុក​គិរីសាគរ ខេត្តកោះកុង​ត្រូវបាន​ជន​មិន​ស្គាល់​អត្តសញ្ញាណ​ចាប់ផ្ដើម​លួច​បោះបង្គោល​ថ្ម និង​ឈើ​ទន្ទ្រាន​យក​ដោយ​ខុសច្បាប់​។

  • កំពង់ស្ពឺៈ ពលរដ្ឋ​ជាង​ ៥០០ ​គ្រួសារ ​រស់នៅក្នុង​ឃុំ​ទួល​អម្ពិល​ស្រុក​បសេដ្ឋ ខេត្តកំពង់ស្ពឺ​បាន​បង្ហាញ​ក្ដីបារម្ភ​ពី​ការខ្វះ​ទឹក​សម្រាប់​ស្រោចស្រព​ស្រែចម្ការ និង​ដំណាំ​ផ្សេងៗ ខណៈ​បច្ចុប្បន្ន​មាន​ឈ្មួញ​យក​ម៉ាស៊ីន​ទៅ​បូមទឹក​ទាំងយប់​ទាំង​ថ្ងៃ​នៅក្នុង​ទំនប់​បុរាណ​ព្រៃពាយ​ដែល​ពួកគាត់​កំពុង​ប្រើប្រាស់​ជាប្រចាំ​។