The Phnom Penh Post Search

Search form




Logo of Phnom Penh Post newspaper Phnom Penh Post - បញ្ជូន​ក្រុម​អ្នក ពាក់ព័ន្ធ​នឹង​ថ្នាំ​ញៀន ៥ នាក់​ទៅ​តុលាការ




បញ្ជូន​ក្រុម​អ្នក ពាក់ព័ន្ធ​នឹង​ថ្នាំ​ញៀន ៥ នាក់​ទៅ​តុលាការ

បញ្ជូន​ក្រុម​អ្នក ពាក់ព័ន្ធ​នឹង​ថ្នាំ​ញៀន ៥ នាក់​ទៅ​តុលាការ

បន្ទាយមានជ័យៈ ជន​សង្ស័យ​៥នាក់​ដែល​សមត្ថកិច្ច​នគរបាល​ស្រុក​ថ្ម​ពួក ឃាត់​ខ្លួន​ពាក់​ព័ន្ធ​នឹង​ការ​ប្រើ​ប្រាស់​និង​ចែក​ចាយ​គ្រឿង​ញៀន ត្រូវ​ស្នង​ការ​នគរបាល​ខេត្ត​បញ្ជូន​ទៅ​សាលា​ដំបូង​ខេត្ត​កាល​ពី​ថ្ងៃ​ទី២៣ ខែ​កុម្ភៈ ជាមួយ​នឹង​ថ្នាំ​ញៀន​W.Y ចំនួន​៥៨​គ្រាប់។

លោក យ៉ត រ៉ាយ អធិការ​នគរបាល​ស្រុក​ថ្ម​ពួក​ឲ្យ​ដឹង​ថា ជន​សង្ស័យ​ចំនួន​៥​នាក់​ត្រូវ​ស្នង​ការ​នគរបាល​ខេត្ត​បន្ទាយ​មាន​ជ័យ បញ្ជូន​ទៅ​សាលា​ដំបូង​ខេត្ត​ដើម្បី​ស៊ើប​សួរ​និង​ចោទ​ប្រកាន់​កាល​ពី ថ្ងៃទី​២៣ កុម្ភៈ ពាក់​ព័ន្ធ​នឹង​ការ​ចែក​ចាយ​និង​ប្រើ​គ្រឿង​ញៀន។

លោកថា លោក​មិន​ចាំ​ឈ្មោះ​ពួកគេ​ទេ តែ​លោក​ដឹង​ថា ក្នុង​នោះ​មាន​ស្រី​២នាក់ និង​មាន​អាយុ​ពី២០​ឆ្នាំ ដល់​ជាង​៤0ឆ្នាំ។

លោកអធិការ​ថ្លែង​ថា៖«ពួកគេ​ជា​មនុស្ស​ធ្លាប់​ប្រើ​ប្រាស់​និង​ចែក​ចាយ គ្រឿង​ញៀន​យ៉ាង​សកម្ម​ក្នុង​នោះ មាន​ម្នាក់​ធ្លាប់​បាន​អង្គការ​អភិវឌ្ឍន៍​សហគមន៍​មួយ​យក​ទៅ​អប់រំ​បន្សាប គ្រឿង​ញៀន​ផង​តែ​ជន​នៅមិន​រាង​ចាល»។

លោក​រំឭកប្រាប់ថា មុន​ឈាន​ដល់​ការ​ឃាត់​ខ្លួន​អ្នកទាំង​៥នាក់​សមត្ថកិច្ច​ចាប់​បាន​អ្នក ប្រើប្រាស់​ហើយ​ស្រាវ​ជ្រាវ​រក​មុខ​សញ្ញាបន្ត​រហូត​ចាប់​ពួកគេ​បាន​តែ​ម្តង​ជាមួយ​នឹង​វត្ថុ​តាង​ជាក់​ស្តែង​ដែល​សមត្ថកិច្ច​រឹប​អូស​បាន មាន​ថ្នាំ​ញៀន​គ្រាប់​ពណ៌ទឹក​ក្រូច​និង​មាន​អក្សរ W.Y ចំនួន​៥៨គ្រាប់។

លោបន្ត​ថា ទី​តាំង​ចាប់​ខ្លួន​ក្រុមគ្រឿង​ញៀន​នោះ នៅ​ក្បែរ​អង្គការ​អភិវឌ្ឍន៍​សហគមន៍​ដែល​ធ្វើការ​ពាក់​ព័ន្ធ​នឹង​អ្នក​ញៀន​ថ្នាំ តែ​ខាង​លោក​មិន​ទទួល​របាយការណ៍​ពី​អង្គការ​នេះ​ទេ ព្រោះ​គេ​មិន​សហការ​ជាមួយ។

លោក​បន្ត​ថា ជន​សង្ស័យ​ទាំង ៥​នាក់​ ដែល​សមត្ថកិច្ច​ឃាត់​ខ្លួន​ក្នុង​នោះ​មាន​ម្នាក់​ធ្លាប់​ប្រើ​ប្រាស់​គ្រឿង​ញៀន ហើយ​អង្គការ​មួយ​នេះ​ធ្លាប់​យក​ទៅ​អប់រំ​ទៀត​ផង​ប៉ុន្តែ​សមត្ថកិច្ច លោក​មិន​បាន​ប្រគល់​ឲ្យ​ទៅ​អង្គការ​នេះវិញ​ទេ៕

អត្ថបទគួរចាប់អារម្មណ៍