The Phnom Penh Post Search

Search form




Logo of Phnom Penh Post newspaper Phnom Penh Post - បណ្តាញ​សង្ឃ​ឯករាជ្យ​ទាមទារ​ឲ្យ​បង្ហាញ​កិច្ច​ព្រម​ព្រៀង​ពុទ្ធ​សាសន​បណ្ឌិត្យ​និង​ណាហ្គា

បណ្តាញ​សង្ឃ​ឯករាជ្យ​ទាមទារ​ឲ្យ​បង្ហាញ​កិច្ច​ព្រម​ព្រៀង​ពុទ្ធ​សាសន​បណ្ឌិត្យ​និង​ណាហ្គា

តេជគុណ ​ប៊ុត ប៊ុន​តិញ ធ្វើ​សន្និ​សីទកាសែត​ម្សិលមិញ​​​។
តេជគុណ ​ប៊ុត ប៊ុន​តិញ ធ្វើ​សន្និ​សីទកាសែត​ម្សិលមិញ​​​។ ហេង ជីវ័ន

បណ្តាញ​សង្ឃ​ឯករាជ្យ​ទាមទារ​ឲ្យ​បង្ហាញ​កិច្ច​ព្រម​ព្រៀង​ពុទ្ធ​សាសន​បណ្ឌិត្យ​និង​ណាហ្គា

ភ្នំពេញៈ ក្រុម​សកម្មជន​ដែល​មាន​ឈ្មោះ​បណ្តាញ​ព្រះសង្ឃ​ឯករាជ្យ​បាន​អំពាវនាវ​ឲ្យ​ក្រសួង​ធម្មការ​និង​សាសនា​ចេញ​ឯកសារ​បង្ហាញ​ថា ក្រុមហ៊ុន Naga Corp ពិត​ជា​មាន​ការ​ចុះ​កិច្ច​ព្រម​ព្រៀង​ដើម្បី​ជួយ​សាង​សង់​អនុស្ថានីយ​អគ្គិសនី​នៅ​ក្នុង​វិទ្យាស្ថាន​ពុទ្ធ​សាសន​បណ្ឌិត្យ​និង​ពុំ​មាន​ការ​លក់​ដី​ណា​មួយ​របស់​វិទ្យាស្ថាន​ពុទ្ធ​សាសន​បណ្ឌិត្យ ទៅ​ក្រុមហ៊ុន​កាស៊ីណូ​នេះ។

ក្រសួង​ធម្មការ​និង​សាសនា បាន​អះអាង​ជា​ដដែលៗ​ថា ក្រសួង​មិន​បាន​លក់​ផ្នែក​ណា​មួយ​នៃ​ដី​របស់​វិទ្យាស្ថាន​ពុទ្ធ​សាសន​បណ្ឌិត្យ​ទៅ​ក្រុមហ៊ុន Naga Corp ទេ ហើយ​អះអាង​ថា ក្រុមហ៊ុន​នេះ​គ្រាន់​តែ​កំពុង​ជួយ​រាជ​រដ្ឋាភិបាល​សាងសង់​អនុ​ស្ថានីយ​អគ្គិសនី​ដែល​នឹង​ប្រើ​ដើម្បី​ផ្តល់​អគ្គិសនី​ទៅ​កាស៊ីណូ​ណាហ្គា ទី២ ថ្មី​នៅ​ផ្លូវ​ម្ខាង​ទៀត។

ប៉ុន្តែ​កាល​ម្សិលមិញ​មេ​ដឹក​នាំ​បណ្តាញ​ព្រះ​សង្ឃ​ឯករាជ្យ​ព្រះ​តេជគុណ ប៊ុត ប៊ុនតិញ បាន​អំពាវនាវ​ឲ្យ​ក្រសួង​ធម្មការ​បង្ហាញ​ឯកសារ​ពេញ​លេញ​អំពី​កិច្ច​ព្រម​ព្រៀង និង​បាន​មាន​សង្ឃ​ដីកា​ថា ក្រុម​ព្រះសង្ឃ​ឯករាជ្យ​នឹង​ដាក់​ញត្តិ​ទៅ​ព្រះ​មហាក្សត្រ ព្រះ​បាទ នរោត្តម សីហមុនី ដើម្បី​សុំ​ព្រះ​រាជ​អន្តរាគមន៍​ពី​ព្រះអង្គ។

ព្រះ​តេជគុណ​បាន​បន្ត​ថា៖ «បន្ទាប់​ពី​យើង​ដាក់​ញត្តិ​ទៅ​ព្រះ​មហាក្សត្រ​យើង​នឹង​យក​ញត្តិ​នោះ ទៅ​អង្គភាព​ប្រឆាំង​អំពើ​ពុក​រលួយ​ដើម្បី​វិធានការ​ឬ​ធ្វើ​ការ​ស៊ើប​អង្កេត​ទៅ​លើ​ក្រសួង​ធម្មការ​និង​សាសនា ពីព្រោះ​អាត្មា​បាន​ឮ​ថា ក្រសួង​នេះ​ពិត​ជា​ពុក​រលួយ​ខ្លាំង​ណាស់»។

អ្នក​នាំ​ពាក្យ​របស់​ក្រសួង​ធម្មការ​និង​សាសនា លោក សេង សុមុនី មិន​អាច​ទាក់​ទង​សុំ​អត្ថាធិប្បាយ​បាន​ទេ កាល​ពី​ម្សិលមិញ៕

អត្ថបទគួរចាប់អារម្មណ៍