The Phnom Penh Post Search

Search form




Logo of Phnom Penh Post newspaper Phnom Penh Post - បន្លំ​ដាំ​កញ្ឆា​លាយ​ដំណាំ​ផ្សេង​ត្រូវ​បាន​សមត្ថកិច្ច​បំផ្លាញ

បន្លំ​ដាំ​កញ្ឆា​លាយ​ដំណាំ​ផ្សេង​ត្រូវ​បាន​សមត្ថកិច្ច​បំផ្លាញ

បន្លំ​ដាំ​កញ្ឆា​លាយ​ដំណាំ​ផ្សេង​ត្រូវ​បាន​សមត្ថកិច្ច​បំផ្លាញ

កំពង់ស្ពឺៈ សមត្ថកិច្ច​ស្រុក​ភ្នំស្រួច​ខេត្ដ​កំពង់ស្ពឺ​សហការ​ជាមួយ​កម្លាំង​ស្នងការដ្ឋាន​ចុះ​ប្រតិបត្តិការ​ដក​ដើម​កញ្ឆា​ជាង ១៧០ ដើម​ដែល​គេ​ដាំ​លាយ​នឹង​ដំណាំ​ផ្សេងៗ​ទៀត​ក្នុង​ចម្ការ​នៅ​ភូមិ​ជើងរាស់ ឃុំ​ដំបូង ហើយ​សមត្ថកិច្ច​កំពុង​តែ​តាម​រក​ម្ចាស់​ដើម្បី​ឃាត់​ខ្លួន​ផង​ដែរ។

លោក ពៅ នឿន អធិការរង​ស្រុក​ភ្នំស្រួច​បាន​ឲ្យ​ដឹង​កាលពី​ថ្ងៃ​ម្សិលមិញ​ថា កញ្ឆា ១៧១ ដើម​ត្រូវ​បាន​សមត្ថកិច្ច​ដក​យក​មក​ទុក​នៅ​អធិការដ្ឋាន​ស្រុក​ពី​ថ្ងៃ​សៅរ៍​ដើម្បី​បំផ្លាញ​ចោល។

លោក​ថ្លែង​ថា៖ «យើង​បាន​ចុះ​ទៅ​ដក​ដើម​កញ្ឆា​ទាំងនោះ​បន្ទាប់ពី​មាន​ការ​រាយការណ៍​ពី​ករណី​លួច​ដាំ​ដោយ​បង្កប់​ជាមួយ​ដំណាំ​ផ្សេងៗ​ទៀត ប៉ុន្តែ​យើង​មិន​បាន​ឃាត់​ម្ចាស់​ទេ​ដោយសារ​ម្ចាស់​នៅ​ខេត្ត​តាកែវ ប៉ុន្តែ​គាត់​បាន​មក​ទិញ​ដី​ធ្វើ​ចម្ការ​នៅក្នុង​ស្រុក​ភ្នំស្រួច​នេះ»។

លោក​អធិការរង​រូប​នេះ​បាន​បន្ត​ថា​សមត្ថកិច្ច​នឹង​កសាង​សំណុំ​រឿង​ដើម្បី​ចាត់​វិធានការ​តាម​ច្បាប់ ប៉ុន្តែ​មិន​អាច​ប្រាប់​លម្អិត​ពី​ការងារ​នេះ​ទេ។

លោក​បាន​បញ្ជាក់​ថា៖ «ការ​បង្រ្កាប​នេះ​ជា​ផែនការ​របស់​ថ្នាក់​ស្រុក​ និង​ខេត្ត​យើង​ហើយ​ក្នុង​ឆ្នាំ​កន្លង​មក​យើង​តែង​ចុះ​ទៅ​បង្រ្កាប និង​បំផ្លាញ​ចោល​ឲ្យ​តែ​ទទួល​បាន​ព័ត៌មាន​ស្ដីពី​ការ​ដាំ​ដំណាំ​ខុស​ច្បាប់​នេះ។

កាលពី​ដើម​ខែ​មិថុនា​អាជ្ញាធរ​ខេត្ដ​ពោធិ៍សាត់​បាន​ដុត​កម្ទេច​ចោល​ដំណាំ​កញ្ឆា​នេះ​អស់​ប្រមាណ​ជា​ ៨០០០ ដើម​ផង​ដែរ៕

អត្ថបទគួរចាប់អារម្មណ៍