The Phnom Penh Post Search

Search form




Logo of Phnom Penh Post newspaper Phnom Penh Post - បរ​គោ​យន្ត​ដឹក​ស្រូវ​ធ្លាក់​កូន​អាយុ​១២​ឆ្នាំ កិន​ស្លាប់​ភ្លាម




បរ​គោ​យន្ត​ដឹក​ស្រូវ​ធ្លាក់​កូន​អាយុ​១២​ឆ្នាំ កិន​ស្លាប់​ភ្លាម

បរ​គោ​យន្ត​ដឹក​ស្រូវ​ធ្លាក់​កូន​អាយុ​១២​ឆ្នាំ កិន​ស្លាប់​ភ្លាម

បន្ទាយមានជ័យៈ​អធិការរង​ស្រុក​ស្វាយចេក​លោក ជា ស្លូញ បាន​ប្រាប់​ថា កុមារា​ម្នាក់​បាន​រអិល​ធ្លាក់​ពី​លើ​គោ​យន្ត ហើយ​ត្រូវ​កិន​ស្លាប់ ខណៈ​ដែល​ឪពុក​កំពុង​បរ​ដឹក​ស្រូវ​តាម​ផ្លូវ​នៅ​ឃុំ​ទ្រាស ស្រុក​ស្វាយចេក កាលពី​ថ្ងៃ​ចន្ទ។ លោក​ថា ក្មេង​ប្រុស​រងគ្រោះ​មាន​ឈ្មោះ ឆូយ បឿក អាយុ​១២​ឆ្នាំ​មាន​ឪពុក​ឈ្មោះ ឆូយ បត់ អាយុ​៣១​ឆ្នាំ ម្តាយ​ឈ្មោះ គី រឿយ អាយុ​៣០​ឆ្នាំ ជា​កូន​ច្បង​ក្នុង​ចំណោម​បង​ប្អូន​៤​នាក់។ ហេតុការណ៍​គ្រោះថ្នាក់​នេះ ដោយ​សារ​ម្តាយ​ឲ្យ​កូន​យក​ពិល​ទៅ​ឲ្យ​ឪពុក​ទុក​បំភ្លឺ​ផ្លូវ​ពេល​បរ​ពី​ដឹក​កណ្តាប់​ស្រូវ​មក​វិញ ប៉ុន្តែ​កូន​បាន​តាម​ឪពុក​ទៅ​ជាមួយ។ តាម​សម្តី​ឪពុក ពេល​បរ​គោយន្ត​ត្រឡប់​មក​ផ្ទះ​វិញ​នៅ​៥០​ម៉ែត្រ​ទៀត​ដល់​ភូមិ គោ​យន្ត​ធ្លាក់​ជង្ហុក​កូន​ក៏​រអិល​ធ្លាក់​មក​ដី គាត់​ចាប់ ហ្វ្រាំង​មិន​ទាន់​ត្រូវ​កង់​រ៉ឺម៉ក​ក្រោយ​កិន​ចំក្បាល​ធ្លាយ​ខួរ​ស្លាប់​ភ្លាម។ គាត់​ថា៖ «វា​រអិល​ធ្លាក់​ពី​កណ្តាប់​ស្រូវ ក៏​ត្រូវ​គោយន្ត​កិន​បណ្តោយ​ខ្លួន តាំង​ពី​ចុង​ជើង​ទៅ​ដល់​ក្បាល ស្លាប់​ភ្លាម»៕

អត្ថបទគួរចាប់អារម្មណ៍