The Phnom Penh Post Search

Search form




Logo of Phnom Penh Post newspaper Phnom Penh Post - បុរស​ម្នាក់​ត្រូវ​បាន​បញ្ជូន​ទៅ​តុលាការ​ ពាក់ព័ន្ធ​ករណី​លួងលោម​ក្មេង​ស្រី​​​រួម​ភេទ​បាន​សម្រេច​ជា​ច្រើន​លើក​

បុរស​ម្នាក់​ត្រូវ​បាន​បញ្ជូន​ទៅ​តុលាការ​ ពាក់ព័ន្ធ​ករណី​លួងលោម​ក្មេង​ស្រី​​​រួម​ភេទ​បាន​សម្រេច​ជា​ច្រើន​លើក​

Content image - Phnom Penh Post
ជនសង្ស័យត្រូវបានសមត្ថកិច្ចបញ្ជូនទៅតុលាការ ករណីលួងលោម​ក្មេង​ស្រី​​​រួម​ភេទ​បាន​សម្រេច​ជា​ច្រើន​លើក​។ រូបថត ប៉ូលិស

បុរស​ម្នាក់​ត្រូវ​បាន​បញ្ជូន​ទៅ​តុលាការ​ ពាក់ព័ន្ធ​ករណី​លួងលោម​ក្មេង​ស្រី​​​រួម​ភេទ​បាន​សម្រេច​ជា​ច្រើន​លើក​

បាត់ដំបង៖ សមត្ថកិច្ច​នៃ​អធិការដ្ឋាន​នគរបាល​ស្រុក​ភ្នំព្រឹក នៅ​ថ្ងៃ​ទី ៦ ​ខែ​ឧសភា​នេះ បាន​បញ្ជូន​ជនសង្ស័យ​ម្នាក់​ពាក់ព័ន្ធ​នឹង​ករណី​លួងលោម​ក្មេង​ស្រី​រួម​ភេទ​បាន​សម្រេច​ជា​ច្រើន​លើក​ ទៅ​តុលាការ​ខេត្តបាត់​ដំបង​ ដើម្បី​ចាត់​ការ​ទៅ​តាម​នីតិវិធី​ច្បាប់។

លោក ហេង បារំាង អធិការ​នគរបាល​ស្រុក​ភ្នំព្រឹក​ប្រាប់ ភ្នំពេញ ប៉ុស្តិ៍ នៅ​ថ្ងៃទី ៦ ខែ​ឧសភា​នេះ​ថា សមត្ថកិច្ច​បាន​បញ្ជូន​ជនសង្ស័យ​នេះ​មក​ដល់​ការិយាល័យ​ជំនាញ ដើម្បី​កសាង​សំណុំ​រឿង​រួច​ក៏​បញ្ជូន​ទៅ​តុលាការ​នៅ​ថ្ងៃទី ៦ ខែ​មេសា​នេះ។

លោក ហេង បារំាង មិន​បាន​ធ្វើ​អត្ថាធិប្បាយ​លម្អិត​ទេ ជុំវិញ​ករណី​នេះ ប៉ុន្តែ​តាម​ការ​ចុះផ្សាយ​របស់​អគ្គស្នងការដ្ឋាន​នគរបាលជាតិ​ជនង្ស័យ​មាន​ឈ្មោះ ពៅ ទូច ហៅ ពៀញ អាយុ ៣១ ឆ្នាំ មាន​ទីលំនៅ ភូមិ​ស្ពានទំនាប ឃុំ​បួរ ស្រុក​ភ្នំព្រឹក។

ការ​ឃាត់​ខ្លួន​នេះ ធ្វើ​ឡើង​តាម​ពាក្យ​បណ្តឹង​របស់​ឈ្មោះ សុខ សារី ភេទ​ស្រី អាយុ ៦៨ ឆ្នាំ មាន​ទីលំនៅ​ភូមិ​ស្ពានទំនាប ឃុំ​បួរ ស្រុក​ភ្នំព្រឹក ខេត្ត​បាត់ដំបង បាន​ប្តឹង​ជនសង្ស័យ​ខាង​លើ ដែល​ធ្វើ​សកម្មភាព​លួងលោម​​ទៅ​លើ​កូន​ស្រី​បង្កើត​របស់​គាត់​ឈ្មោះ ស.សរ អាយុ ១៥ ឆ្នាំ ដើម្បី​រួម​ភេទ​បាន​សម្រេច​ជា​ច្រើន​ដង។

លោក បូ បុល មេ​ប៉ុស្តិ៍​នគរបាល​រដ្ឋបាល​បួរ បាន​ថ្លែង​ថា ជន​សង្ស័យ​ឈ្មោះ ពៅ ទូច ​ត្រូវ​បាន​ឃាត់​ខ្លួន​កាល​ពី​ថ្ងៃទី ៤​ ខែ​ ឧសភា ​ឆ្នាំ ២០២១ បន្ទាប់​ពី​ម្តាយ​ជន​រងគ្រោះ​បាន​ដាក់​ពាក្យ​បណ្តឹង​មក​កម្លាំង​សមត្ថកិច្ច។

ជនសង្ស័យ​រូប​នេះ គឺ​ជា​អ្នក​រស់នៅ​ក្នុង​ភូមិ​ឃុំ​ជាមួយ​នឹង​ជន​រងគ្រោះ៕

អត្ថបទគួរចាប់អារម្មណ៍