.jpg)
បុរសម្នាក់ត្រូវបានសមត្ថកិច្ចចាប់ឃាត់ខ្លួន ករណីបេីកបរម៉ូតូបុកប៉ារ៉ាស់បិទខ្ទប់ នៅគោលដៅរង្វង់មូលតាព្រហ្ម ខណ្ឌជ្រោយចង្វារនៅព្រឹកថ្ងៃ២០ ខែមេសា ឆ្នាំ២០២១។ រូបថត ប៉ូលិស
ភ្នំពេញ៖ សមត្ថកិច្ចនគរបាលខណ្ឌជ្រោយចង្វារ នៅព្រឹកថ្ងៃទី ២០ ខែមេសានេះ បានឃាត់ខ្លួនបុរសម្នាក់ឈ្មោះ ខៀវ ចាន់សុភក្ត្រា អាយុ ៣១ ឆ្នាំ ជាមន្ត្រីយោធា រស់នៅខណ្ឌទួលគោក រាជធានីភ្នំពេញ។
យោងតាមការផ្សព្វផ្សាយនៅលើទំព័រហ្វេសប៊ុករបស់លោក ស ថេត ស្នងការនគរបាលរាជធានីភ្នំពេញបញ្ជាក់ថា បុរសរូបនេះបានបើកបរម៉ូតូបុកប៉ារ៉ាស់បិទខ្ទប់ នៅគោលដៅរង្វង់មូលតាព្រហ្ម ខណ្ឌជ្រោយចង្វារ និងបានជេរប្រមាថមើលងាយ និងបង្ករបួសស្នាមទៅលើសមត្ថកិច្ចទៀតផង។
បើតាមប្រភពដដែលបញ្ជាក់ថា៖ «ពេលនេះ សមត្ថកិច្ចកំពុងតែនាំខ្លួនជននេះ មកអធិការដ្ឋានខណ្ឌ ដើម្បីធ្វើការសាកសួរ និងរៀបចំសំណុំរឿងបញ្ជូនទៅសាលាដំបូងរាជធានីភ្នំពេញ»៕
