The Phnom Penh Post Search

Search form




Logo of Phnom Penh Post newspaper Phnom Penh Post - បុរស​ ២២ ​នាក់​ត្រូវ​តុលាការ​ចោទប្រកាន់​ និង​បញ្ជូនទៅ​ឃុំ​ពាក់ព័ន្ធ​គ្រឿងញៀន​ជិត​ ៤ ​គីឡូ




បុរស​ ២២ ​នាក់​ត្រូវ​តុលាការ​ចោទប្រកាន់​ និង​បញ្ជូនទៅ​ឃុំ​ពាក់ព័ន្ធ​គ្រឿងញៀន​ជិត​ ៤ ​គីឡូ

Content image - Phnom Penh Post
សមត្ថកិច្ច​ចាប់​ខ្លួន​​បុរស​ ២ ​នាក់​ពាក់ព័ន្ធ​ការជួញដូរ​គ្រឿងញៀន​មេតំហ្វេតាមីន​ជិត​ ៤ ​គីឡូក្រាម។ រូបថត ប៉ូលិស

បុរស​ ២២ ​នាក់​ត្រូវ​តុលាការ​ចោទប្រកាន់​ និង​បញ្ជូនទៅ​ឃុំ​ពាក់ព័ន្ធ​គ្រឿងញៀន​ជិត​ ៤ ​គីឡូ

ភ្នំពេញ/កំពង់ឆ្នាំងៈ សាលាដំបូង​រាជធានី​ភ្នំពេញ​បានសម្រេច​ឃុំខ្លួន​បុរស​ ២ ​នាក់​ដាក់​ពន្ធនាគារ​ព្រៃស​កាលពី​ថ្ងៃទី ២៣ ខែឧសភា ពាក់ព័ន្ធ​ការជួញដូរ​គ្រឿងញៀន​មេតំហ្វេតាមីន​ជិត​ ៤ ​គីឡូក្រាម ខណៈ​សាលាដំបូង​ខេត្ត​កំពង់ឆ្នាំង​ក៏​ឃុំខ្លួន​បុរស​ចំនួន​ ២០ ​នាក់​នៅ​ពន្ធនាគារ​ពាក់ព័ន្ធ​នឹង​គ្រឿងញៀន​ ៣ ​កញ្ចប់​តូច​។

លោក​ឧត្តមសេនីយ៍ អ៊ិន សុង នាយករង​នៃ​មន្ទីរ​ប្រឆាំង​គ្រឿងញៀន​ថ្លែង​ពី​ម្សិលមិញ​ថា ឈ្មោះ ហេង សុថានិត ភេទ​ប្រុស អាយុ​ ២៨ ​ឆ្នាំ និង​ សេង ជែមជីមី ភេទ​ប្រុស អាយុ​ ២៤ ​ឆ្នាំ​ត្រូវ​អយ្យការ​អម​សាលាដំបូង​រាជធានី​ចោទប្រកាន់​ និង​ឃុំខ្លួន​នៅ​ពន្ធនាគារ​ព្រៃស​។ ជន​ទាំង​ ២ ​នាក់​ត្រូវ​ចោទ​ពាក់ព័ន្ធ​នឹង​អំពើ​ជួញដូរ​គ្រឿងញៀន​ជិត​ ៤ ​គីឡូក្រាម​ «​តាម​បញ្ញត្តិ​មាត្រា​ ៤០ ​នៃ​ច្បាប់​ស្តីពី​ការត្រួតពិនិត្យ​គ្រឿងញៀន​»​។

បើ​តាម​លោក អ៊ិន សុង ការចាប់ខ្លួន​ជន​ទាំង​ ២ ​នាក់​ធ្វើ​ឡើង​នៅ​ ៣ ​ទីតាំង​ដោយ​ទីតាំង​ទី ១ ​នៅ​ចំណុច​ផ្លូវជាតិ​លេខ ៤ ក្នុង​ភូមិ​ចំបក់ ឃុំ​វល្លិ ស ស្រុក​សំរោងទង​កាលពី​ថ្ងៃទី​ ១៨ ខែ​ឧសភា ដោយ​រឹបអូស​បាន​គ្រឿងញៀន​ប្រភេទ​មេតំហ្វេតាមីន​ ៤១១,៥៦ ​ក្រាម​។ ទីតាំង​ទី​ ២ ​ធ្វើ​ឡើង​ម៉ោង ១៧ និង​ ១០ ​នាទី ថ្ងៃទី​ ២០ ខែឧសភា នៅ​ចំណុច​ផ្ទះ​គ្មាន​លេខ ក្នុង​ភូមិ​បុរីកម្មករ សង្កាត់​ច្បារមន ក្រុង​ច្បារមន​ដោយ​ឃាត់ខ្លួន​ជនសង្ស័យ​ សេង ជែមជីមី និង​ដកហូត​បាន​ថ្នាំញៀន​មេតំហ្វេតាមីន​ (ICE) ​ទម្ងន់ ៣,២៦៧០៦ ក្រាម​អ៊ិចស្តាស៊ី (MDMA) ​ទម្ងន់​ ១៧,៥០ ក្រាម​ព្រមទាំង​ឧបករណ៍​គាប​ថង់​ថ្នាំញៀន​ ១ ​គ្រឿង និង​ថង់​សម្រាប់​ច្រក​ថ្នាំញៀន​មួយចំនួន​ទៀត​។ ទីតាំង​ទី​ ៣ ​ធ្វើ​ឡើង​កាលពី​ថ្ងៃទី​ ២២ ខែឧសភា​ដោយ​សមត្ថកិច្ច​បាន​នាំខ្លួន​ពួកគេ មក​ចង្អុលបង្ហាញ​គ្រឿងញៀន​នៅ​ទីតាំង​មួយ​ផ្សេងទៀត​នៅ​ភ្នំពេញ​ដោយ​រឹបអូស​បាន​ថ្នាំញៀន​ប្រភេទ​មេតំហ្វេតាមីន​ (ICE) ​ចំនួន​ ២៥១,៦៨ ​ក្រាម​បន្ថែមទៀត​។ សរុប​ទាំង​ ៣ ​គោលដៅ សមត្ថកិច្ច​ចាប់​បាន​ជនសង្ស័យ​ ២ ​នាក់ និង​ដកហូត​បាន​គ្រឿងញៀន​សរុប ៣ គីឡូក្រាម និង ៥៣៦,២៤ ​ក្រាម​។

រឿង​ដាច់​ដោយ​ឡែក​មួយទៀត​លោក​ ឃឹម សុជាតិ នាយរង​ការិយាល័យ​ប្រឆាំង​គ្រឿងញៀន ខេត្ត​កំពង់ឆ្នាំង​ឲ្យ​ដឹង​ពី​ម្សិលមិញ​ដែរ​ថា ជន​ ២០ ​នាក់​ដែល​សមត្ថកិច្ច​របស់​លោក​ចាប់ខ្លួន​បាន​កាលពី​ថ្ងៃទី​ ២២ ​ឧសភា​ត្រូវបាន​អយ្យការ​អម​សាលាដំបូង​ខេត្តកំពង់ឆ្នាំង ចោទប្រកាន់​ និង​ឃុំខ្លួន​ពួកគេ​នៅ​ពន្ធនាគារ​ខេត្ត​កាលពី​ថ្ងៃទី​ ២៣ ខែ​ឧសភា​។ ពួកគេ​សុទ្ធតែ​មនុស្ស​ប្រុស ហើយ​ត្រូវ​ព្រះរាជអាជ្ញា​ចោទ​ពី​បទ​ប្រើប្រាស់ និង​ជួញដូរ​គ្រឿងញៀន​តាម​មាត្រា ៤០ ច្បាប់​ស្តីពី​ការត្រួតពិនិត្យ​គ្រឿងញៀន ហើយ​បន្ទាប់មក​ចៅក្រម​ឯកភាព និង​បញ្ជា​ឲ្យ​បញ្ជូន​ទៅ​ឃុំខ្លួន​តែម្តង​។

លោក​ថ្លែង​ថា​៖ «​ខ្ញុំ​មិនដឹងថា ពួកគេ​ប៉ុន្មាន​នាក់​ត្រូវ​ចោទ​ពី​បទជួញដូរ និង​ប៉ុន្មាន​នាក់​ត្រូវ​ចោទ​ពីបទ​ប្រើប្រាស់​គ្រឿងញៀន​ទេ​។ តែ​ខ្ញុំ​ដឹងថា ពួកគេ​ត្រូវ​តុលាការ​ឃុំខ្លួន​ក្នុង​ពន្ធនាគារ​អស់ហើយ​»​។

ជន​ទាំងនេះ​ត្រូវ​បាន​ចាប់​ឃាត់ខ្លួន​កាលពី​ថ្ងៃទី​ ២០ និង​ ២២ ឧសភា នៅ​ស្រុក​សាមគ្គី​មានជ័យ​ខេត្តកំពង់ឆ្នាំង​ដោយ​រឹបអូស​គ្រឿងញៀន​មេតំហ្វេតាមីន​ ៣ ​កញ្ចប់​តូច​៕

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។