.jpg)
លោក ស៊ុយ សារ៉េត រងអំពើរហឹង្សារ ដោយគេគប់ដុំថ្មដាក់នៅក្នុងគ្រោះថ្នាក់ចរាចរណ៍កាលពីដើមឆ្នាំ២០១៨។ រូបថត FN
ភ្នំពេញៈ ចៅក្រមសាលាដំបូង រាជធានីភ្នំពេញ កាលពីថ្ងៃសុក្រ បានប្រកាសសាលក្រមសម្រេច ផ្តន្ទាទោសបុរសបីនាក់ជាប់ពន្ធនាគារ៣ឆ្នាំ និង ពិន័យជាប្រាក់ ៤ លានរៀល ដោយបានបង្ករហឹង្សានៅក្នុងគ្រោះថ្នាក់ចរាចរណ៍ក្នុងទីក្រុងភ្នំពេញ កាលពីដើមឆ្នាំនេះ ខណៈអ្នកពាក់ព័ន្ធផ្សេងទៀតនិងមេក្លោងផ្សេងទៀតមិនទាន់ចាប់បាននៅឡើយ។ នេះបើយោងតាមន្ត្រីតុលារក្រុងភ្នំពេញ។
លោក សួស វិទ្យារ៉ាន់ឌី អ្នកនាំពាក្យតុលាការក្រុងបានថ្លែងប្រាប់ការសែតភ្នំពេញប៉ុស្តិ៍ បុរសបីនាក់ដែលបានវាយទៅលើ លោកប ស៊ុយ សារ៉េត គ្រូបង្រៀននៅសាកលវិទ្យាល័យជាតិគ្រប់គ្រង កាលពីខែមិនាឆ្នាំ២០១៨ ជាប់ចោទពីបទហឹង្សាដោយចេតនាមានស្ថានទម្ងន់ទោស និងខូចខាតដោយយចេតនាដោយមានស្ថាន ទម្ងន់ទោសតាមមាត្រា ២១៨ និង ៤១១ នៃក្រមព្រហ្មទណ្ឌ។
លោក ថ្លែងថា៖«គាត់ត្រូវបានផ្តន្ទាទោស៣ឆ្នាំនិងពិន័យជាប្រាក់ក្នុងម្នាក់៤លានរៀលដោយក្រោមបទចោទ ហឹង្សាដោយចេតនាមានស្ថានទម្ងន់ទោសនិងខូចខាតដោយចេតនាដោយមានស្ថាន ទម្ងន់ទោស»។
បុរសទាំងបីនាក់ ឈ្មោះ អាន ផល្លី ភេទប្រុស អាយុ៣៤ឆ្នាំ ស្នាក់នៅ សង្កាត់ច្រាំងចំរេះ ខណ្ឌឫស្សីកែវ រាជធានី ភ្នំពេញ ឈ្មោះ យាត ទិត្យា ប្រុស អាយុ២១ឆ្នាំ ស្នាក់នៅ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ, ឈ្មោះ អាន វិនទី ភេទប្រុស អាយុ២១ឆ្នាំ ស្នាក់នៅ សង្កាត់ផ្សាដេប៉ូ១ ខណ្ឌទួលគោក។
លោកមេធាវី ឈី សម្បត្តិ បានឲ្យដឹងថាលោកនឹងពិភាក្សាការប្រកាសសាលក្រមសម្រេច ផ្តន្ទាទោសរបស់ ចៅក្រមសាលា ដំបូងរាជធានីភ្នំពេញ ជាមួយក្រុមគ្រួសាររបស់ លោក បណ្ឌិត ស៊ុយ សារ៉េតថាតើអាចទទួលយកបានដែរឬទេហើយ លោកបានក៍បានស្នើរសុំឲ្យអាជ្ញាធរបន្តស្វែករកជនសង្ស័យផ្សេងទៀតមកផ្តន្ទាទោសតាមច្បាប់។
លោកបានថ្លែងថា៖ «កម្រិតទោសនិងសំណង ខ្ញុំនឹងប្រស្រ័យទាក់ទងក្រុមគ្រួសារជាមួយលោកបណ្ឌិត ស៊ុយ សារ៉េតថា តើគាត់អាចទទួលយកបានឬអត់ចំពោះការសម្រេចរបស់តុលាការ (កាដាក់ទោសនិងពិន័យ) ហើយបើគាត់មិនអាចទទួល យកបានទេខ្ញុំនឹងចាត់ចែងប្ដឹងឧទ្ធរណ៍ ហើយបើក្រុមគ្រួសារអាចទទួលយកបានខ្ញុំនឹងមិនប្ដឹងឧទ្ធរណ៍ទេ»។
គួរបញ្ជាក់ថា វីដេអូមួយបានលេចឡើងនៅលើប្រព័ន្ធផ្សព្វផ្សាយសង្គមកាលពីខែមិនាឆ្នាំ២០១៨ បានបង្ហាញលោក ផល្លី និងលោក វិនទី ខណៈកំពុងនិយាយទៅកាន់ប្រព័ន្ធផ្សព្វផ្សាយពីមុនពេលយកទៅកាន់តុលាការ។
លោក ផល្លី បានសារភាពថា បានគប់ដុំថ្មចូលក្នុងរថយន្ត ហើយអះអាងថា លោកមិនដឹងច្បាស់ថា តើដុំថ្មនោះត្រូវចំលោក សារ៉េត ឬអត់នោះទេខណៈពេលដែលលោក វិនទី បានថ្លែងថា លោកបានប្រើមួកការពារសុវត្ថិភាពវាយទៅលើរថយន្ត បន្ទាប់ពីលោកសាស្ត្រាចារ្យជិះប៊ិះបុកខ្លួន។
លោក ជួន សុវណ្ណ អតីតស្នងការក្រុងធ្លាប់បានថ្លែងថា អាជ្ញាធរកំពុងស្វែងរកជនសង្ស័យ៨នាក់បន្ថែមទៀតក្នុងនោះរួមមាន ភាជ គឹមហាក់ ជាអតីតសន្តិសុខខណ្ឌដូនពេញ ដែលបានជាប់ ពាក់ព័ន្ធ ករណី ប្រើហិង្សា លើលោក ស៊ុយ សារ៉េត គ្រូបង្រៀននៅសាកលវិទ្យាល័យជាតិគ្រប់គ្រង នៅហេតុការណ៍ គ្រោះថ្នាក់ចរាចរណ៍ នៅក្បែរមន្ទីរពេទ្យលោកសង្ឃ កាលពីកាលពីល្ងាចថ្ងៃទី ១១ ខែមីនា ឆ្នាំ ២០១៨៕
