.jpg)
ប៉ូលិសសក្តិបួនកន្លះ ទាត់ធាក់ប៉ូលិសចរាចរ ត្រូវបានចាប់ខ្លួនកាលពីល្ងាចម្សិលមិញ។ រូបថត BTV ហ្វេសប៊ុក
ភ្នំពេញៈ ប៉ូលិសសក្តិបួន ដែលបានទាត់ធាក់នគរបាលចរាចរ នៅម្តុំស្តុបត្រឡោកបែក ខណ្ឌសែនសុខ ត្រូវបានឃាត់ខ្លួន ហើយសមត្ថកិច្ចកំពុងរៀបចំសំណុំរឿងបញ្ជូនទៅសាលាដំបូងរាជធានីភ្នំពេញនាថ្ងៃនេះ។
លោក អេង សោភា នាយការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ប៉ូលិសឈ្មោះ សៅ បញ្ញា អាយុ ៣៣ឆ្នាំ ត្រូវបានសមត្ថកិច្ចឃាត់ខ្លួនកាលពីល្ងាចម្សិលមិញ បន្ទាប់ពីមានវីដេអូឃ្លីបចែកចាយតាមបណ្តាញសង្គម ដោយឃើញប៉ូលីសរូបនេះ បានប្រើហិង្សាទៅលើមន្ត្រីនគរបាលចរាចរម្នាក់ ដែលបានចាប់ឃាត់រថយន្តរបស់គាត់។
លោក សៅ បញ្ញា ជាមន្ត្រីនគរបាលផ្នែកនាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ ត្រូវបានគេឃើញនៅក្នុងវីដេអូ ដែលបង្ហោះនោះថា លោកបានចុះពីលើរថយន្ត ដែលប៉ូលិសចរាចរឃាត់ ហើយបាននិយាយជាមួយមន្ត្រីនោះ។ ក្រោយមកក៏ទាត់ធាក់មន្ត្រីនោះផងដែរ។
វីដេអូ នោះត្រូវបានចែកចាយ ហើយត្រូវបានទទួលរងនូវការរិះគន់ពីទង្វើរបស់មន្ត្រីសក្តិបួន ដែលប្រើហិង្សាទាត់ធាក់នគរបាលចរាចរ។
លោក អេង សោភា ថ្លែងថា ៖ «ឥឡូវនេះ យើងកំពុងរៀបចំសំណុំរឿងបញ្ជូនទៅតុលាការ អាចរសៀលនេះ។ យើងឃាត់ខ្លួនពីបទប្រើហិង្សាដោយចេតនា»។
សូមរង់ចាំអានព័ត៌មានពិស្តារ
