The Phnom Penh Post Search

Search form




Logo of Phnom Penh Post newspaper Phnom Penh Post - ប្រតិភូ​បក្ស​ប្រឆាំង​ចូល​គាល់​ព្រះ​មហាក្សត្រ




ប្រតិភូ​បក្ស​ប្រឆាំង​ចូល​គាល់​ព្រះ​មហាក្សត្រ

ប្រតិភូ​បក្ស​ប្រឆាំង​ចូល​គាល់​ព្រះ​មហាក្សត្រ

130802_07
លោក សម រង្ស៊ី ពេលដឹកនាំប្រតិភូចូលគាល់ព្រះមហាក្សត្រពីថ្ងៃព្រហស្បតិ៍ ម៉ៃ វីរៈ

ភ្នំពេញៈ មេ​ដឹក​នាំ​គណបក្ស​ប្រឆាំង​លោក សម រង្ស៊ី បាន​ដឹក​នាំ​គណៈ​ប្រតិភូ​មួយ​ក្រុម​ចូល​គាល់​ព្រះ​មហាក្សត្រ​កាល​ពី​ម្សិលមិញ ហើយ​លោក​បាន​សម្តែង​និង​បញ្ជាក់​ពី​ការ​គាំទ្រ​របស់​លោក​ចំពោះ ព្រះ​មហាក្សត្រ ប៉ុន្តែ​មិន​បាន​និយាយ​អំពី​ការ​បោះឆ្នោត​ទេ​។ នេះ​បើ​តាម​មន្រ្តី​គណបក្ស​ថ្លែង​ឲ្យ​ដឹង​កាល​ពី​ម្សិលមិញ។

លោក​ស្រី ជូឡុង សូមូរ៉ា តំណាង​រាស្រ្ត​គណបក្ស​សង្គ្រោះ​ជាតិ​បាន​ថ្លែង​ពី​យប់​មិញ​ថា នេះ​គឺ​ជា​ការ​ចូល​គាល់​លើក​ទី១ របស់​លោក សម រង្ស៊ី ជាមួយ​ព្រះ​មហាក្សត្រ​នរោត្តម សីហមុនី ចាប់​តាំង​ពី​ព្រះអង្គ​និង​លោក សម រង្ស៊ី បាន​ជួប​គ្នា​នៅ​ទីក្រុង ប៉េកាំង ប្រទេស ចិន ប្រហែល ២ឆ្នាំ​កន្លង​ទៅ។

លោក​ស្រី សូមូរ៉ា បាន​ថ្លែង​ថា​៖ «បញ្ហា​ចម្បង គឺ​ការ​ថ្លែង​អំណរគុណ​ព្រះ​មហាក្សត្រ​ចំពោះ​ការ​លើក​លែង​ទោស​និង សង្កត់​ធ្ងន់​ពី​ជំហរ​របស់​គណបក្ស​ថា រាជបល្ល័ង្ក​គឺជា​និមិត្ត​រូប​នៃ​ការ​រួបរួម​ជាតិ​»។ លោក​ស្រី​បន្ថែម​ថា ក្រុម​ប្រតិភូ​ក៏​បាន​ចូល​គោរព​វិញ្ញាណក្ខន្ធ​សម្តេច​ឪ​ព្រះបាទ នរោត្តម សីហនុ ផង​ដែរ។

លោក​ស្រី​បន្ថែម​ថា គណៈ​ប្រតិភូ​ដែល​រួម​មាន​អនុ​ប្រធាន​គណបក្ស​សង្គ្រោះ​ជាតិ លោក កឹម សុខា តំណាង​រាស្រ្ត​លោក​ស្រី មូរ សុខហួរ និង​លោក សុន ឆ័យ ផង​នោះ​បាន​សម្តែង​ទៅ​ព្រះ​មហាក្សត្រ​និង​សម្តេច​ម៉ែ នរោត្តម មុនីនាថ សីហនុ ថា​លោក​ជឿ​ថា រាជាធិបតេយ្យ​គួរ​ត្រូវ​ពង្រឹង។

លោក​ស្រី​បន្ត​ថា​៖ «រាជាធិបតេយ្យ​កាន់​តែ​ខ្លាំង វា​នឹង​កាន់​តែ​ធ្វើ​ឲ្យ​មាន​ស្ថិរភាព​ប្រទេស​កាន់​តែ​ប្រសើរ​ឡើង»។

មន្រ្តី​ជាន់​ខ្ពស់​របស់​គណបក្ស​សង្គ្រោះ​ជាតិ លោក ហូរ វ៉ាន់ ដែល​បាន​ចូល​រួម​ជាមួយ​គណៈ​ប្រតិភូ​នេះ​ផង​នោះ​បាន​ថ្លែង​ថា គណៈ​ប្រតិភូ​មិន​បាន​ជជែក​អំពី​ការ​បោះឆ្នោត​ដែល​ខ្លួន​គិត​ថា ឈ្នះ​នោះ​ទេ ប៉ុន្តែ លោក កឹម សុខា បាន​ទូល​ព្រះ​មហាក្សត្រ និង​សម្តេច​ម៉ែ​ថា គណបក្ស​មាន​ការ​គាំទ្រ​ដ៏​ធំ។

លោក​បន្ថែម​ថា​៖«លោក​ប្រធាន [សម រង្ស៊ី] ក៏​បាន​ទូល​ព្រះ​មហាក្សត្រ​ថា លោក​ប្តេជ្ញា​ចិត្ត​ការពារ​រាជ​បល្ល័ង្ក​ដែល​ជា​និមិត្តរូប​និង​ដួង​ព្រលឹង​នៃ​ជាតិ​របស់​យើង​និង​ប្តេជ្ញា​ចិត្ត​ការពារ​ទឹក​ដី ដើម្បី​ធានា​នូវ​សន្តិភាព ហើយ​ជួយ​ប្រជាជន​ឲ្យ​រស់​នៅ​ដោយ​មាន​ភាព​រីករាយ​និង​សុភមង្គល»។

ការ​លើក​ឡើង​របស់​គណបក្ស​សង្គ្រោះ​ជាតិ គឺ​ដូចគ្នា​ទៅ​នឹង​ការ​អំពាវនាវ​របស់​លោក​នាយក​រដ្ឋ​មន្រ្តី ហ៊ុន សែន ដែល​សុំ​ឲ្យ​មាន​សន្តិភាព​និង​ភាព​ស្ងប់ស្ងៀម​កាល​ពី​ថ្ងៃ​ពុធ ពេល​លោក​ស្វាគមន៍​ចំពោះ​ការ​បង្កើត​គណៈកម្មាធិការ​ចម្រុះ​ស៊ើប​អង្កេត​ចំពោះ​ភាព​មិន​ប្រក្រតី​នៃ​ការ​បោះឆ្នោត​ក្នុង​អំឡុង​ការ​បោះឆ្នោត​កាល​ពី​ថ្ងៃ​អាទិត្យ ដែល​គណបក្ស​ប្រជាជន​កម្ពុជា​បាន​អះអាង​ថា បាន​ឈ្នះ​ចំនួន ៦៨ អាសនៈ​ទល់​នឹង ៥៥។

ការ​ចូល​គាល់ ព្រះ​មហាក្សត្រ​ក៏​លើក​ឡើង​នូវ​សំណួរ​ថា តើ​ជា​អ្វី ប្រសិន​បើ​មាន​ជា​តួនាទី​ព្រះ​មហាក្សត្រ​ក្នុង​ការ​សម្រប​សម្រួល​ឲ្យ​មាន​ការ​ព្រមព្រៀង​រវាង​គណបក្ស​ទាំង​ពីរ បើ​សិន​ភាព​ជាប់​គាំង​នយោបាយ​នៅ​តែ​បន្ត​មាន​ក្នុង​អំឡុង​ឬ​ក្រោយ​ការ​ស៊ើប​អង្កេត​រួម​ដែល​អំពាវនាវ​ឲ្យ​មាន​នោះ។

កាល​ពី​មុន​នេះ លោក ស៊ឺន ស៊ូប៊ែរ្តិ៍ ទីប្រឹក្សា​ព្រះ​មហាក្សត្រ នរោត្តម សីហមុនី និង​ជា​ប្រធាន​គណបក្ស​សិទ្ធិ​មនុស្ស បាន​បដិសេធ​ចំពោះ​ការ​ចូល​រួម​ពាក់​ព័ន្ធ​របស់​ព្រះ​មហាក្សត្រ​នៅ​ក្នុង​ការ​ស៊ើប​អង្កេត​ឡើង​វិញ​នៃ​ភាព​មិន​ប្រក្រតី​នៃ​ការ​បោះឆ្នោត។

លោក​ប្រាប់​ភ្នំពេញ ប៉ុស្តិ៍​ថា៖ «ខ្ញុំ​គិត​ថា តាម​រដ្ឋធម្មនុញ្ញ​វា​មិន​មែន​តួនាទី​ព្រះ​មហាក្សត្រ​ទេ»។ ព្រះអង្គ​អាច​អន្តរាគមន៍​ប្រសិន​បើ​មាន​បញ្ហា​ជាមួយ​សន្តិសុខ ប៉ុន្តែ​វា​មិន​មែន​ជា​តួនាទី​របស់​ព្រះអង្គ​នៅ​ក្នុង​បញ្ហា​នេះ​ទេ»។

លោក​បន្ត​ថា ៖ «ខ្ញុំ​គិត​ថា គណបក្ស​ទាំង​ពីរ​ត្រូវ​តែ​ស្វែង​រក​ដំណោះស្រាយ ពីព្រោះ​គណបក្ស​សង្គ្រោះ​ជាតិ​បាន​ស្នើ​សុំ​ឲ្យ​មាន​ការ​ពិនិត្យ​ឡើង​វិញ ហើយ​ប្រជាជន​មិន​សប្បាយ​ចិត្ត​»។

ប៉ុន្តែ​អ្នក​វិភាគ​ឯករាជ្យ លោក កែម ឡី បាន​បង្ហាញ​ថា ព្រះបាទ​នរោត្តម សីហនុ បាន​ដើរ​តួ​ជា​គំរូ​ព្រះ​មហាក្សត្រ ក្នុង​ការ​សម្រប​សម្រួល​ឲ្យ​មាន​សន្ធិ​សញ្ញា​សន្តិភាព ហើយ​មិន​មែន​ថា មិន​អាច​ទៅ​រួច​នោះ​ទេ ដែល​ថា​ព្រះ​រាជបុត្រ​របស់​ព្រះអង្គ​មិន​អាច​ដើរ​តួ​ស្រដៀង​គ្នា​បាន។

លោក​បន្ត​ថា​៖«ព្រះអង្គ​តែង​ដើរ​តួ​សម្រប​សម្រួល​នយោបាយ។ ដូច្នេះ​ជំហាន​ទី១ [នៅ​ក្នុង​ករណី​នេះ​] នឹង​ត្រូវ​ស្វែង​រក​ភាព​មិន​ប្រក្រតី​ទាំង​នេះ [តាម​រយៈ​គណៈកម្មការ​មួយ] ហើយ​គណបក្ស​ទាំង​ពីរ​សម្រុះ​សម្រួល​ប្រសិន​បើ​មិន​អាច​សម្រុះ​សម្រួល​ពួក​គេ​ទាំង​ពីរ​ចាំ​បាច់​ត្រូវ​សុំ​ការ​ចូល​រួម​ពី​ព្រះ​មហាក្សត្រ»៕ PS

រាយការណ៍​បន្ថែមៈ David Boyle

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។