ភ្នំពេញៈ លោកស្រី ហ៊ុន ស៊ីណាត ប្អូនស្រី​បង្កើត​របស់​លោក​នាយក​រដ្ឋមន្ត្រី ហ៊ុន សែន បាន​ធ្វើការ​រិះគន់​លោក ប៉ា សុជាតិវង្ស អភិបាល​រាជធានី​ភ្នំពេញ​ថា​កំពុង​ហែក​សន្លឹក​ឆ្នោត​របស់​គណបក្ស​ប្រជាជន​ចោល បន្ទាប់ពី​អភិបាល​ក្រុង​រូប​នេះ​បាន​ថ្លែង​ពី​គម្រោង​ចង់​ផ្លាស់ប្តូរ​យានដ្ឋាន​ជួសជុល​យានយន្ត និង​ឃ្លាំង​ស្តុក​ទំនិញ​ធំៗ​ពី​កណ្តាល​ក្រុង​ឲ្យ​ចេញ​ទៅ​ក្រៅ​ក្រុង​ដើម្បី​កាត់​បន្ថយ​ដល់​ការ​កកស្ទះ​ចរាចរណ៍​ក្នុង​ក្រុង​។