The Phnom Penh Post Search

Search form

Logo of Phnom Penh Post newspaper Phnom Penh Post - ផ្ទុះ​អំពើ​ហិង្សា​​ជា​ថ្មី​នៅ​រោង​ចក្រ​ SL ធ្វើ​ឲ្យ​របួស​កម្មករ ១០នាក់​

ផ្ទុះ​អំពើ​ហិង្សា​​ជា​ថ្មី​នៅ​រោង​ចក្រ​ SL ធ្វើ​ឲ្យ​របួស​កម្មករ ១០នាក់​

ផ្ទុះ​អំពើ​ហិង្សា​​ជា​ថ្មី​នៅ​រោង​ចក្រ​ SL ធ្វើ​ឲ្យ​របួស​កម្មករ ១០នាក់​

130923_02b
កម្មករនៅរោងចក្រ SL ធ្វើការតវ៉ាដើរចេញពីរោងចក្រ កាលពីចុងខែមុន ផា លីណា

ភ្នំពេញៈ កូដកម្ម​​ប៉ុន្មាន​សប្តា​ហ៍​​​ បាន​ក្លាយ​ជា​អំពើ​ហិង្សា កាល​ពី​រសៀល​ថ្ងៃ​សៅរ៍ ដោយ​កង​រាជ​អាវុធ​ហត្ថ​​ ដែល​គេ​ជួល​ឲ្យ​មក​យាម​​រោង​ចក្រ​កាត់​ដេរ បាន​បាញ់​កាំ​ភ្លើង​​​​ខាង​ក្នុង​អគារ និង​បង្ក​របួស​ធ្ងន់​ធ្ងរ ​ដល់​បុរស​ម្នាក់​ និង​កម្មករ​ប្រមាណ ១០​ នាក់​ផ្សេង​ទៀត​។

​​​នៅ​ពេល​ ដែល​​កម្ម​ករ​ប្រហែល ២ ពាន់​នាក់​ ធ្វើ​កូដ​កម្ម​នៅ​រោង​ចក្រ SL ​​កា​ល​ពី​​រសៀល​ថ្ងៃ​សៅរ៍ ​​​​​ដោយ​ខ្លះ​រាំង​ស្ទះ​ផ្លូវ​ នៅ​ខា​ង​ក្រៅ​ និង​ខ្លះ​ទៀត​ធ្វើ​បាតុកម្ម​ ក្នុង​រោង​ចក្រ ​​​​​អ្នក​យាម​បាន​បាញ់​កាំភ្លើង​បង្ហើ​​លើ​ក្បាល​​កម្ម​ករ។ នេះ​បើ​តាម​លោក គង់​ អាទិត្យ ​អនុ​ប្រធានសម្ព័ន្ធ​​​សហ​ជីព​ប្រជាធិបតេយ្យ​កម្ម​​​​ករ​​កាត់​ដេរ​ កម្ពុជា ដែល​តំណាង​ឲ្យ​កម្មក​រ​​នៅ​រោង​ចក្រ SL។

​លោក សេង បាន​និយាយ​ក្នុង​វីដេអូ​ឃ្លីប ដែល​បង្ហោះ​នៅ​លើ​វេប​សាយ​​​សហ​ភាព​កម្ម​ករ​កម្ពុជា​ថា ​ពេល​លោក ស៊ុន សេង អាយុ ៥០ ឆ្នាំ ព្យា​យាម​បំបែក​ការ​ឈ្លោះ​ប្រកែក​គ្នា ​រវាង​កម្ម​ករ​ធ្វើ​កូដ​កម្ម និង​អ្នក​ដែល​វិល​ត្រឡប់​ចូល​ធ្វើ​ការ​វិញ ​អ្នក​យាម​បានចាប់​ទាញ​គាត់ ហើយ​បាន​វាយ​ដំ​លើ​គាត់​ដោយ​គ្មាន​ត្រាប្រណី។

​តំណាង​កម្ម​ករ​​រោង​ចក្រ SL  ម្នាក់​ បាន​ថ្លែង​ថា លោក សេង ត្រូវ​បាន​នាំ​ទៅ​ពេទ្យ​កាល់​ម៉ែត​ជា​កន្លែង​ដែល​លោក​បាន​សម្រា​ក​ព្យា​បាល​​​ កាល​ពី​រសៀល​ម្សិល​មិញ។

​ លោក សៅ​ ឈិន អ្នកគ្រប់គ្រង​រដ្ឋ​បាល​របស់​រោង​ចក្រ បាន​ថ្លែង​ថា កម្ម​ករ ​គឺ​ជា​អ្នក​​​បង្ក​អំពើ​ហិង្សា​ ហើយ​​បាន​ឲ្យ​ដឹង​​ថា ​​​យ៉ាង​ហោច​ណាស់កម្ម​ករ ១០ នាក់​បាន​រង​របួស។ កម្មករ​រោង​ចក្រ​ SL បាន​ធ្វើ​​ការ​តវ៉ា​​ជាង​មួយ​ខែ​មក​​ហើយ​៕ TK

អត្ថបទគួរចាប់អារម្មណ៍