The Phnom Penh Post Search

Search form

Logo of Phnom Penh Post newspaper Phnom Penh Post - ផ្នែក​នៃ​រថភ្លើង​ដឹក​ទំនិញ​ពី​ខេត្ត​ ព្រះសីហនុ​ បាន​ធ្លាក់​ផ្លូវ

ផ្នែក​នៃ​រថភ្លើង​ដឹក​ទំនិញ​ពី​ខេត្ត​ ព្រះសីហនុ​ បាន​ធ្លាក់​ផ្លូវ

Content image - Phnom Penh Post

ផ្នែក​នៃ​រថភ្លើង​ដឹក​ទំនិញ​ពី​ខេត្ត​ ព្រះសីហនុ​ បាន​ធ្លាក់​ផ្លូវ

កណ្តាលៈ ផ្នែក​នៃ​រថភ្លើង​ដឹក​ទំនិញ​ពី​ខេត្ត​ព្រះសីហនុ​ឆ្ពោះ​មក​រាជធានី​ភ្នំពេញ​បាន​ធ្លាក់​ផ្លូវ​កាលពី​ព្រឹក​ម្សិលមិញ​ក្នុង​ស្រុក​កណ្តាល​ស្ទឹង​ខណៈ​អ្នក​ជំនាញ​បាន​អំពាវនាវ​ឲ្យ​មាន​ការ​ដាក់​បទប្បញ្ញត្តិ និង​តាមដាន​ខ្លាំង​ជាង​មុន​ទៅ​លើ​ប្រព័ន្ធ​ផ្លូវដែក​នេះ។

គ្រោះថ្នាក់​នេះ​បាន​កើតឡើង​នៅ​វេលា​ម៉ោង ៥ ព្រឹក​នៅ​ពេល​ផ្នែក​នៃ​រថភ្លើង​ដឹក​ទំនិញ​របស់​ក្រុមហ៊ុន Royal Railways បាន​ធ្លាក់​ផ្លូវ​ខណៈ​កំពុង​ឆ្លងកាត់​ឃុំ​ត្បែង។ មិន​មាន​អ្នក​រងរបួស​ទេ​នៅ​ក្នុង​ឧប្បត្តិ​ហេតុ​នេះ។

លោក John Guiry អគ្គនាយក​នៃ​ក្រុមហ៊ុន Royal Railways បាន​ថ្លែង​ថា​ក្រុមហ៊ុន​នៅ​កំពុង​ស៊ើបអង្កេត​អំពី​មូលហេតុ​នៃ​គ្រោះថ្នាក់​នេះ។

ក្រុមហ៊ុន Royal Railways គឺជា​ក្រុមហ៊ុន​តែ​មួយ​ដែល​ទទួល​បាន​សម្បទាន​សម្រាប់​ខ្សែរ​ថភ្លើង​ពី​ភ្នំពេញ​ទៅ​ខេត្ត​ព្រះសីហនុ​ដោយ​ប្រតិបត្តិការ​រថភ្លើង​ដឹក​ទំនិញ​ដូចជា​ធ្យូងថ្ម ប្រេង និង​ថ្ម​ព្រម​ទំាង​សេវា​ដឹក​អ្នក​ដំណើរ​រវាង​ទីក្រុង​ទាំង​ពីរ។

បន្ទាប់​ពី​ដំណើរការ​សាកល្បង​ក្នុង​អំឡុង​ចូល​ឆ្នាំ​ខ្មែរ​ក្រុមហ៊ុន Royal មាន​រថភ្លើង​ដឹក​អ្នក​ដំណើរ​ពី​ថ្ងៃ​សុក្រ​ដល់​ថ្ងៃ​សៅរ៍ និង​នៅ​ថ្ងៃ​បុណ្យ​ជាតិ​សំខាន់ៗ។

នាយ​ប៉ុស្តិ៍​ឃុំ​ត្បែង លោក ប៊ុត សុគន្ធា ថ្លែង​ថា​បុគ្គលិក​ម្នាក់​របស់​ក្រុមហ៊ុន Royal Railways បាន​ប្រាប់​លោក​ថា​ផ្លូវ​នោះ​ផុង​គឺ​ដោយសារ​ដី​ទន់​នៅ​កន្លែង​ឆ្លង​កាត់​នោះ។ «ផ្នែក​ខាង​មុខ​នៃ​រថភ្លើង​បាន​ឆ្លង​ផុត​គ្មាន​បញ្ហា​ប៉ុន្តែ​នៅ​ពេល​ផ្នែក​កណ្តាល​ឆ្លងកាត់​វា​ធ្លាក់»។

ការ​ធ្លាក់​ផ្លូវ​កាលពី​ម្សិលមិញ​មិនមែន​ជា​គ្រោះថ្នាក់​លើក​ទី​មួយ​ទេ​ខណៈ​គ្រោះថ្នាក់​ដទៃៗ​បាន​កើតឡើង​ដូចជា​ការ​បុក​គ្នា​ជាមួយ​រថយន្ត។ កាលពី​ខែ​មិថុនា​រថយន្ត​ដឹក​ស៊ីម៉ងត៍​បាន​បុក​រថភ្លើង​នៅ​ក្នុង​ខេត្ត​កំពត​នៅ​ពេល​អ្នក​បើកបរ​ប៉ុនប៉ង​ឆ្លង​កាត់​ផ្លូវ​រថភ្លើង។ ជាង​នេះ​ផង​ដែរ​រថយន្ត​ពីរ​បាន​បុក​រថភ្លើង​ដដែល​នៅ​ក្នុង​ឧប្បត្ដិហេតុ​ពីរ​ផ្សេង​គ្នា​កាលពី​ខែ​កញ្ញា។

លោក ហូ វណ្ឌី អគ្គលេខាធិការ​នៃ​សម្ព័ន្ធ​ទេសចរណ៍​ជាតិ​កម្ពុជា​ថ្លែង​ថា​វា​ជា​សំណាង​ល្អ​ដែល​គ្រោះថ្នាក់​នេះ​មិនមែន​ជា​គ្រោះថ្នាក់​នៃ​រថភ្លើង​ដឹក​អ្នក​ដំណើរ​បើ​មិន​ដូច្នោះ​ទេ​វា​នឹង​ប៉ះពាល់​យ៉ាង​ខ្លាំង​ទៅ​លើ​ទំនុក​ចិត្ត​របស់​អ្នក​ធ្វើ​ដំណើរ​នៅ​ក្នុង​សេវា​នេះ។

លោក​ថា​ ភាគី​ពាក់ព័ន្ធ​ទាំង​បី​រួម​មាន​ក្រសួង​សាធារណការ​ក្រុមហ៊ុន Royal Railways និង​អាជ្ញាធរ​មូលដ្ឋាន​នៅ​តែ​ត្រូវ​ធានា​នូវ​ស្តង់ដារ​សុវត្ថិភាព​ប្រសិន​បើ​ពួកគេ​ចង់​បន្ត​ទាក់ទាញ​អ្នក​ទេសចរ។ «នេះ​ជា​ព័ត៌មាន​អាក្រក់​ដែល​អាច​ប៉ះពាល់​ប្រតិបត្តិការ​នា​ពេល​អនាគត»៕ PS

អត្ថបទគួរចាប់អារម្មណ៍