The Phnom Penh Post Search

Search form




Logo of Phnom Penh Post newspaper Phnom Penh Post - ពលរដ្ឋ​ខ្មែរ​​ ២៣០​ នាក់​ទៀត​ត្រូវ​បាន​គេ​ជួយ​សង្គ្រោះ​ពី​ទូក​នេសាទ​ថៃ

ពលរដ្ឋ​ខ្មែរ​​ ២៣០​ នាក់​ទៀត​ត្រូវ​បាន​គេ​ជួយ​សង្គ្រោះ​ពី​ទូក​នេសាទ​ថៃ

Content image - Phnom Penh Post
ពលរដ្ឋ​ខ្មែររងគ្រោះ​មួយ​ក្រុម​ទៀត​ទើប​មក​ដល់​ពី​ថ្ងៃ​អង្គារ។ ម៉ៃ វីរៈ

ពលរដ្ឋ​ខ្មែរ​​ ២៣០​ នាក់​ទៀត​ត្រូវ​បាន​គេ​ជួយ​សង្គ្រោះ​ពី​ទូក​នេសាទ​ថៃ

ភ្នំពេញៈ ក្រសួងការបរទេស​បាន​បញ្ជាក់​ក្នុង​សេចក្តី​ថ្លែងការណ៍ ដែល​ចេញ​ផ្សាយ​កាល​ពី​ម្សិលមិញ​ថា អ្នក​នេសាទ​កម្ពុជា​មួយ​ក្រុម​ចំនួន ២៣០ នាក់ ដែល​ត្រូវ​បាន​គេ​ជួញ​ដូរ ឲ្យ​ទៅ​ធ្វើ​ការ​នៅ​ទូក​នេសាទ​ថៃ នៅ​ប្រទេស​ឥណ្ឌូនេស៊ី ត្រូវ​បាន​រក​ឃើញ​កាល​ពី​សប្តាហ៍​មុន។

ក្រសួង​បាន​បញ្ជាក់​ថា​បន្ទាប់​ពី​ការ​ស៊ើប​អង្កេត​ដោយ​អាជ្ញាធរ​ឥណ្ឌូនេស៊ី​ព្រម​ទាំង​បុគ្គលិក​ស្ថានទូត​កម្ពុជា អ្នក​នេសាទ​មួយ​ក្រុម​មាន​គ្នា​ ៣១​ នាក់​ទៀត ត្រូវ​បាន​សង្គ្រោះ​ពី​កោះ Ambon កាល​ពី​ពីរ​សប្តាហ៍​មុន​ដោយ​បន្ថែម​ចំនួន​រក​ឃើញ​ដល់​ ១៩៩ នាក់ កាល​ពី​ថ្ងៃ​សុក្រ។

បុរស​ទាំង​នោះ​ត្រូវ​បាន​គេ​រាយការណ៍​ថា ត្រូវ​បាន​ជួញ​ដូរ​ទៅ​ធ្វើ​ការ​នៅ​លើ​ទូក​នេសាទ​ថៃ អស់​ជា​ច្រើន​ឆ្នាំ មុន​ពេល​អាជ្ញាធរ​ឥណ្ឌូនេស៊ី​ជួយ​សង្គ្រោះ​ពួក​គេ។

លោក កុយ គួង អ្នក​នាំ​ពាក្យ​ក្រសួងការបរទេស បាន​ថ្លែង​ថា មន្ត្រី​កម្ពុជា​បាន​ទៅ​កោះ​នោះ​កាល​ពី​ថ្ងៃ​ទី ៣០ ខែ ឧសភា ដល់​ថ្ងៃទី ៣ ខែមិថុនា ដើម្បី​ឆែក​ស្ថានភាព​របស់​បុរស​ទាំង​នោះ ដោយ​លោក​បាន​បន្ថែម​ថា ម្ចាស់​ទូក​នេសាទ​បាន​យល់​ព្រម​បង់​ប្រាក់​ខែ​ដល់​ពួក​គេ ហើយ​យល់​ព្រម​បង់​ថ្លៃ​យន្តហោះ​ពី​កោះ Ambon មក​ភ្នំពេញ។

លោក​បាន​បន្ថែម​ថា៖ «ពួក​គេ​បាន​ព្រម​ព្រៀង​ជា​គោលការណ៍ ហើយ​ឥឡូវ​នេះ ពួក​គេ​កំពុង​ពិនិត្យ​នីតិវិធី​ដើម្បី​ធានា​ថា ប្រជាជន​ទាំង​នេះ​វិល​ត្រឡប់​មក​វិញ ក្នុង​ខែ​នេះ»។

លោក Paul Dillon អ្នក​គ្រប់​គ្រង​គម្រោង​នៃ​អង្គការ​ទេសន្តរប្រវេសន៍ បាន​ថ្លែង​ថា បុគ្គលិក​អង្គការ​កំពុង​តែ​ធ្វើ​ការ​លើ​ករណី​នេះ។

លោក​បាន​បញ្ជាក់​ថា៖ «បុគ្គលិក​អង្គការ​ជា​ច្រើន​នាក់​បាន​ចូល​រួម​ក្នុង​បេសកកម្ម​ដ៏​តូច​មួយ​ពី​ក្រសួង​ជលផល និង​សមុទ្រ (ថ្ងៃ​ព្រហស្បតិ៍) តាម​សំណើ​របស់​រដ្ឋាភិបាល​ឥណ្ឌូនេស៊ី ដើម្បី​ស្វែង​រក​ការ​ពិត​នៅ​លើ​កោះ Ambon ក្នុង​ខេត្ត Maluku ដើម្បី​កំណត់​ពី​មូលហេតុ​ជួញ​ដូរ​មនុស្ស ដែល​ពាក់ព័ន្ធ​នឹង​ប្រជា​នេសាទ ដែល​គេ​ជឿ​ជាក់​ថា កំពុង​រស់​នៅ​ក្នុង​តំបន់​នោះ»៕ TK

អត្ថបទគួរចាប់អារម្មណ៍