The Phnom Penh Post Search

Search form




Logo of Phnom Penh Post newspaper Phnom Penh Post - ពលរដ្ឋ​តវ៉ា​សុំ​កាត់​ដី​ចេញ​ពី​​ គម្រោង​អភិវឌ្ឍន៍​ឯកជន

ពលរដ្ឋ​តវ៉ា​សុំ​កាត់​ដី​ចេញ​ពី​​ គម្រោង​អភិវឌ្ឍន៍​ឯកជន

Content image - Phnom Penh Post
កុមារ​ទាំង​នេះ​ពេល​មក​ចូលរួម​តវ៉ា​ជាមួយ​ឪពុក​ម្ដាយ​ពួកគេ​មកពី​ខណ្ឌ​មានជ័យ​ និង​ខណ្ឌ​ដង្កោ​នៅ​មុខ​ក្រសួង​រៀបចំ​​ដែនដី​នគរូបនីយកម្ម​​​ និង​សំណង់​ពី​ថ្ងៃ​ម្សិលមិញ​ដើម្បី​ទាមទារ​សើ្នសុំ​កាត់​ដី​ពលរដ្ឋ​ពី​គម្រោង​អភិវឌ្ឍន៍​។ ហុង មិនា

ពលរដ្ឋ​តវ៉ា​សុំ​កាត់​ដី​ចេញ​ពី​​ គម្រោង​អភិវឌ្ឍន៍​ឯកជន

ភ្នំពេញ: ប្រជាពលរដ្ឋ​ប្រមាណ​ជា ១៣០ នាក់​បូករួម​នឹង​ក្មេងៗ​ប្រមាណ​ជា ២០ នាក់​មក​ភូមិ​ព្រែកតាគង់ ១ និង​ភូមិ​ខ្វាស្ថិត​នៅ​ខណ្ឌ​មានជ័យ និង​ដង្កោ​បាន​នាំ​គ្នា​មក​តវ៉ា និង​លើក​បដា​នៅ​មុខ​ក្រសួង​ដែនដី​ដើម្បី​ទាមទារ​ស្នើសុំ​កាត់​ដី​ប្រជាពលរដ្ឋ​ពី​គម្រោង​អភិវឌ្ឍន៍​ទីក្រុង​រណប​ថ្មី​ពី​ក្រុមហ៊ុន​អាយអិនជី។

យោង​តាម​លិខិត​ស្នើសុំ​របស់​អ្នក​តវ៉ា​ទាំង​នេះ​ឲ្យ​ដឹង​ថា​ប្រជាពលរដ្ឋ​ចំនួន ៣៨៦ គ្រួសារ​បាន​ស្នើសុំ​ទៅ​ក្រសួង​ដែនដី​ពិភាក្សា​ដើម្បី​កាត់ដី​ដែល​ពួកគេ​កំពុង​រស់នៅ​ចេញ​ពី​គម្រោង​អភិវឌ្ឍន៍​ទីក្រុង​រណប​របស់​ក្រុមហ៊ុន​អាន​អិនជីហូលឌីង​នៅ​ក្នុង​បឹងទំពុន និង​បឹង​ជើងឯក​ និង​ផ្តល់​ប័ណ្ណ​កម្មសិទ្ធិ​ដល់​ពួកគេ។

តំណាង​ពលរដ្ឋ​សហគមន៍​ព្រែក​តាគង់ ១ លោក អ៊ុំណារី បាន​ឲ្យ​ដឹង​ថា​ក្រុមហ៊ុន​មាន​គម្រោង​អភិវឌ្ឍន៍​តំបន់​នោះ​ជាង ២ ពាន់​ហិកតា​ក្នុង​នោះ​ពលរដ្ឋ​ទាមទារ​កាត់​ដី​ចេញ​ពី​គម្រោង​ត្រឹម ២៦ ទៅ ២៧ ហិកតា​ទេ។

លោក​ថ្លែង​ថា​ពលរដ្ឋ​មិនមែន​ប្រឆាំង​ការ​អភិវឌ្ឍ​របស់​ក្រុមហ៊ុន​ទេ​គ្រាន់​តែ​ចង់​កាត់​ដី​ខ្លះ​ពី​ផ្នែក​នៃ​គម្រោង​អភិវឌ្ឍន៍​ ដើម្បី​ឲ្យ​ពលរដ្ឋ​បន្ត​រស់នៅ​ដូច​សព្វ​ថ្ងៃ។ ពលរដ្ឋ​មាន​ការ​ព្រួយបារម្ភ និង​ការ​បណ្តេញ​ចេញ​ពី​ទីតាំង​ចាស់​ទើប​នាំ​គ្នា​តវ៉ា៕

អត្ថបទគួរចាប់អារម្មណ៍