The Phnom Penh Post Search

Search form

Logo of Phnom Penh Post newspaper Phnom Penh Post - ពលរដ្ឋ​តវ៉ា​សុំ​សិទ្ធិ​រស់នៅ​ក្នុង​ភូមិ​ដែល​មាន​ជម្លោះ

ពលរដ្ឋ​តវ៉ា​សុំ​សិទ្ធិ​រស់នៅ​ក្នុង​ភូមិ​ដែល​មាន​ជម្លោះ

Content image - Phnom Penh Post
តំណាង​ពលរដ្ឋ​ក្នុង​ភូមិ​តវ៉ា​នៅ​មុខ​ក្រសួង​មហាផ្ទៃ។ ហុង មិនា

ពលរដ្ឋ​តវ៉ា​សុំ​សិទ្ធិ​រស់នៅ​ក្នុង​ភូមិ​ដែល​មាន​ជម្លោះ

ភ្នំពេញ: អ្នក​មាន​ជម្លោះ​ដីធ្លី​ដ៏រ៉ាំរ៉ៃ​ប្រមាណ ៥០ នាក់​តំណាង​ឱ្យ ២៥៣ គ្រួសារ​រស់នៅ​ភូមិ​ស្វាយជ្រំ ឃុំ​កន្ទួត ស្រុក​ជាំក្សាន្ត ខេត្ត​ព្រះវិហារ​ដែល​មាន​ជម្លោះ​ជាមួយ​អាជ្ញាធរ​ខេត្ត​ព្រះវិហារ និង​តំណាង​រាស្ត្រ​គណបក្ស​ប្រជាជន​កម្ពុជា​កាល​ពី​ម្សិលមិញ​បាន​ដាក់​ញត្តិ​ជាថ្មី​ស្នើ​រដ្ឋមន្ត្រី​ក្រសួង​មហា​ផ្ទៃ​ជួយ​អន្តរាគមន៍​ពន្លឿន​ការ​ដោះស្រាយ​បញ្ហា​ដីធ្លី​ដើម្បី​ឲ្យ​ពួក​គាត់​បាន​ត្រឡប់​ទៅ​រស់នៅ​ក្នុង​ភូមិ​ឃុំ​របស់​ពួកគាត់​វិញ​ឲ្យ​បាន​ឆាប់។

តំណាង​ប្រជាពលរដ្ឋ​លោក ផាន់ ធឿន បាន​ថ្លែង​ថា​នេះ​ជា​លើក​ទី ២ ហើយ​ដែល​ពួកគាត់​បាន​ដាក់​ញត្តិ​ទៅ​ក្រសួង​មហាផ្ទៃ​ដើម្បី​សុំ​កិច្ចអន្តរាគមន៍​ឲ្យ​ពួកគាត់​បាន​ត្រឡប់​ទៅ​រស់នៅ​លើ​ដី​ភូមិឋាន​ទំហំ ៣៣៥៣ ហិកតា​របស់​ពួកគាត់​វិញ​បន្ទាប់​ពី​អាជ្ញាធរ​ឃុបឃិត​គ្នា​រឹបអូស​យក និង​បណ្តេញ​ចេញ​កាលពី​ឆ្នាំ ២០១២ មក។

លោក​ថា៖ «មន្ត្រី​ទទួល​ញត្តិ​ថា​នឹង​មាន​ការ​ដោះស្រាយ​ប៉ុន្តែ​ចាំ​ឱ្យ​ខេត្ត​ឆ្លើយតប​នឹង​សំណើ​សិន​ចាំ​គាត់​ហៅ​មក​ដោះស្រាយ»។

កាល​ពី​ដើម​ឆ្នាំ ២០១៦ នេះ​រដ្ឋមន្ត្រី​ក្រសួង​មហាផ្ទៃ​លោក​ឧបនាយក​រដ្ឋមន្ត្រី ស ខេង ធ្លាប់​បាន​ផ្ញើ​លិខិត​ជូន​អាជ្ញាធរ​ជាតិ​ដោះស្រាយ​ទំនាស់​ដីធ្លី​ឲ្យ​ពិនិត្យ​ និង​ដោះស្រាយ​ចំពោះ​សំណើ​របស់​ប្រជាពលរដ្ឋ។

ក្រោយ​ទទួល​បាន​លិខិត​នេះ​ពលរដ្ឋ​ទាំង​នោះ​ក៏​បាន​ត្រឡប់​ទៅ​ភូមិឋាន​គាត់​វិញ​តែ​ត្រូវ​បាន​អាជ្ញាធរ​ហាម​ឃាត់​ហើយ​ពួកគាត់​ក៏​បាន​ឡើង​មក​រាជធានី​ភ្នំពេញ​ដើម្បី​ស្វែងរក​កិច្ចអន្តរាគមន៍​ពី​ស្ថាប័ន​ពាក់ព័ន្ធ​ជាថ្មី​ទៀត​នេះ។

មន្ត្រី ADHOC ប្រចាំ​ខេត្ត​ព្រះវិហារ​លោក ឡោ ចាន់ គាំទ្រ​ឲ្យ​មាន​ដំណោះស្រាយ​ជូន​ពលរដ្ឋ៕

អត្ថបទគួរចាប់អារម្មណ៍