The Phnom Penh Post Search

Search form




Logo of Phnom Penh Post newspaper Phnom Penh Post - ពលរដ្ឋ​នៅ​សងខាងផ្លូវ​រថភ្លើង​ជិត ​២០០ ​នាក់​ដាក់​ញត្តិ​ទៅ​ ៣​ ស្ថា​ប័ន​ ​រក​ដំណោះ​ស្រាយបញ្ហា​ដីធ្លី

ពលរដ្ឋ​នៅ​សងខាងផ្លូវ​រថភ្លើង​ជិត ​២០០ ​នាក់​ដាក់​ញត្តិ​ទៅ​ ៣​ ស្ថា​ប័ន​ ​រក​ដំណោះ​ស្រាយបញ្ហា​ដីធ្លី

Content image - Phnom Penh Post
ក្រុមពលរដ្ឋរស់នៅតាមផ្លូវរថភ្លើងពេលយកញត្តិមកដាក់នៅក្រសួងដែនដី កាលពីព្រឹកមិញ ។ ហុង មិនា

ពលរដ្ឋ​នៅ​សងខាងផ្លូវ​រថភ្លើង​ជិត ​២០០ ​នាក់​ដាក់​ញត្តិ​ទៅ​ ៣​ ស្ថា​ប័ន​ ​រក​ដំណោះ​ស្រាយបញ្ហា​ដីធ្លី

ភ្នំពេញៈ ពលរដ្ឋ​ប្រមាណ​ជិត ២០០​ នាក់ ក្នុង​ចំណោម​ច្រើន​គ្រួសារ​រស់នៅ​អម​សង​ខាង​ផ្លូវ​រថ​ភ្លើង នៅ​ព្រឹក​ថ្ងៃទី​ ២១ ​ខែ​មីនា ​នេះ​ បាន​នាំ​គ្នាដាក់​ញត្តិ​នៅ ​សា​លា​រាជ​ធានី​ភ្នំពេញ ខុទ្ទ​កា​ល័យ​លោក​នាយក​រដ្ឋ​មន្ត្រី ហ៊ុន សែន និង​ ក្រសួង​រៀបចំ​ដែន​ដី​ នគរូប​នីយកម្ម ​និង ​សំណង់ ដើម្បី​តវ៉ានឹង​គម្រោង​អភិ​វ​ឌ្ឍន៍​ដែល​ត្រូវ​កាត់​ដី​ពីពួកគេ​ប្រវែង ​៣០​ ម៉ែត្រ​ ដោយ​យក ១៥ ម៉ែត្រ​ធ្វើ​ផ្លូវ​ចាក់​បេតុងនិង​ ១៥​ ម៉ែត្រ​ទៀត ​ប្រគល់​ឲ្យ​អ្នក​​រស់​នៅ​អនា​ធិប​តេយ្យ​។

លោក កេង ណា​រុន តំណាង​ពលរដ្ឋ​នៅ​ចំណុច​គីឡូ​ម៉ែត្រ​លេខ ៦ បាន​ថ្លែងថា ក្រុម​ពលរដ្ឋ​ទាំង​នេះ មិន​ពេញ​ចិត្ត​នឹង​គម្រោង​អភិ​វ​ឌ្ឍន៍​ផ្លូវ​នេះ​ទេ ព្រោះ​ផ្លូវ​នេះ​នឹងត្រូវ​កាត់​យក​ចំណី​ផ្លូវ​ ៣០ ម៉ែត្រ​ ហើយ​ស្ថាប​នា​ជា​ផ្លូវ​បេតុង​តែ​ម្ខាង​ ១៥ ​ម៉ែត្រ ហើយ ១៥​ ម៉ែត្រ​ទៀត ​ត្រូវ​ដក​ហូត​ទៅ​ប្រគល់​ឲ្យ​អតីត​ពល​រដ្ឋ​ដែល​រស់​នៅ​លើ​ផ្លូវ​រថភ្លើង​ចាស់​ដែល​មិន​ស្រប​ច្បាប់​។

លោក​បញ្ជាក់​ថា៖​«ពួក​ខ្ញុំ​មិន​ពេញ​ចិត្ត​នឹង​ចំណាត់​ការ​នេះ​ទេ ប៉ុន្ដែ​ពួក​យើង​យល់​ព្រម​ប្រគល់​ដី​ប្រវែង​១០​ម៉ែត្រ​ជូន​សា​លា​ក្រុង​ធ្វើ​ផ្លូវ ហើយ​​រឿង​ដែល​ចង់យក​ដី​ពី​ពួក​ខ្ញុំ​ទៅ​ឲ្យ​អ្នកផ្សេង​ពួក​ខ្ញុំ​មិន​គាំទ្រ​ទេ។ប៉ុន្ដែ​យើង​នៅ​ចាំមើល​អាជ្ញាធរ​ទាំង៣ស្ថាប័ន​នេះ គេ​ថានឹង​យក​ទៅ​ពិនិត្យ ហើយ​រយៈ​ពេល​មួយ​សប្ដាហ៍​នឹង​ទទួល​លទ្ធ​ផល»។

តាម​ខ្លឹម​ក្នុង​ញត្តិ​នោះ​បង្ហាញ​ថា៖«យើង​ខ្ញុំ​ទាំង​អស់​គ្នា​សូម​សំណូម​ពរ​ដល់​សម្ដេច​ប្រមុខ​រដ្ឋាភិបាល​ជួយ​អន្ត​រាគមន៍​​តាម​គោល​នយោ​បាយ​ឈ្នះ ឈ្នះ ទៅ​ឯកឧ​ត្តម​អភិបាល ​នៃ​គណៈ​អភិ​បាល​រាជធានី​ភ្នំពេញ​ ព្រោះ​ពលរដ្ឋ​សុំ​កាត់​ដី​ពី​អ័ក្ស​ផ្លូវ​ម្ខាង​ត្រឹមតែ ១០ ម៉ែត្រ ដើម្បី​កាត់​បន្ថយ​ផល​ប៉ះ​ពាល់​ឲ្យ​នៅ​កម្រិត​អប្ប​បរមា។ សុំ​កុំ​យក​ដី​កម្ម​សិទ្ធិនិង​ដី​ចំណីផ្លូវ​មុខផ្ទះ​របស់​យើងខ្ញុំ​ដែល​កំពុង​រស់នៅ​ទៅ​បែង​ចែក​ឲ្យ​អ្នក​ផ្សេងៗ (ពួក​សំណង់​មិន​រៀបរ​យ) និង​ សុំ​ផ្ដល់​ប័ណ្ណ​កម្ម​សិទ្ធិ (ប្លង់រឹង) ឲ្យ​យើងខ្ញុំ​ទាំង​អស់​គ្នា​បាន​ឆាប់រ​ហ័សផង»​។

លោក ឃួ​ង ស្រេង អភិ​បាល​រាជធានី​ភ្នំពេញ ​កាលពី​ថ្ងៃទី១ ​ខែមី​នា ឆ្នាំនេះ បាន​ដឹកនាំ​ប្រតិភូ​ចុះ​ត្រួត​ពិនិត្យ​ការដ្ឋាន​ស្ថាបនា​ផ្លូវ​បេតុង និង​សួរ​សុខ​ទុក្ខ​ពលរដ្ឋ​នៅ​ចំណុច​ខាងលើនេះ ដោយ​បាន​ប្រាប់​ពលរដ្ឋ​ថា ផ្លូវ​រថភ្លើង​នេះ ត្រូវ​កាត់​ចេញ​ ៣០ ​ម៉ែត្រ​ ដោយ​ស្ថាប​នា​ចាក់​ជា​ផ្លូវ​បេ​តុង៕

អត្ថបទគួរចាប់អារម្មណ៍

  • កីឡារាំ​ រក​ឃើញ​ជោគជ័យ​កាន់​តែ​ធំ មុន​ទៅ​ស៊ីហ្គេម

    ភ្នំពេញ៖ ​ក្រុម​កីឡាករ កីឡាការិនី​រាំ​​របស់​កម្ពុជា ដណ្តើម​បាន​មេដាយ​មាស​រហូត​ដល់ ៨ ព្រម​ទាំង​មេដាយ​ប្រាក់ ​៧​ និង​មេដាយ​សំរឹទ្ធ​ ​៦ ពី​ការ​ប្រកួត​កីឡារាំ​ជើងឯក​​អាស៊ី ADSF Asian Youth Single Dance Championship និង ADSF Asain Hong Kong Open 2019 នៅ​ទីក្រុង​ហុងកុង

  • ខុនដូ​គម្រោង Phnom Penh Harbour ចាប់ផ្តើម​សាងសង់

    ភ្នំពេញៈ អគារ​ខុនដូ​ចំនួន ២ ដែល​មាន​កម្ពស់​ ៤៦ ​ជាន់ ​ក្នុង​គម្រោង​អភិវឌ្ឍន៍ Phnom Penh Harbour ឬ The City Gate របស់​ក្រុមហ៊ុន Yuetai Group បានចាប់ផ្តើម​បុកគ្រឹះ​សាងសង់​ហើយ​កាលពី​ចុងខែ​តុលា​កន្លងមក ​ដោយ​គ្រោង​បញ្ចប់​ការសាងសង់​នៅ​ចុង​ឆ្នាំ​ ២០២២​។

  • បញ្ជូន​បុរស​វៀតណាម​ទៅ​តុលាការ​ រឿង​លួច​រថយន្ត​ដោយ​ផ្ដាច់​ GPS

    ភ្នំពេញៈ ​បុរស​ជនជាតិ​វៀតណាម​ម្នាក់​ត្រូវបាន​នគរបាល​ព្រហ្មទណ្ឌ​ក្រសួង​មហាផ្ទៃ​បញ្ជូនទៅ​សាលាដំបូង​រាជធានី-ភ្នំពេញ​កាលពី​ម្សិលមិញ បន្ទាប់ពី​ឃាត់ខ្លួន​ពាក់ព័ន្ធ​នឹង​ការ​លួច​រថយន្ត​ ១ ​គ្រឿង​ ដោយ​ប្រើល្បិច​ផ្តាច់​ប្រព័ន្ធ​ GPS ​កាលពី​ថ្ងៃទី​ ១១ ​វិច្ឆិកា​ នៅ​សង្កាត់​ច្រាំងចំរេះ​ ១ ខណ្ឌ​ឫស្សីកែវ រាជធានី​ភ្នំពេញ​។

  • អង្គការ TCO ជួយ​ជំរុញ​​ជីវភាព​ពលរដ្ឋ​រស់នៅ​ជនបទ ​តាមរយៈ​វិស័យ​កសិកម្ម​លក្ខណៈ​គ្រួសារ​

    សៀមរាប៖ អង្គការ​អ្នក​ត្រួសត្រាយ​កម្ពុជា (TCO) ​កំពុង​អនុវត្ត​គម្រោង​សំខាន់​ចំនួន ​៤ ដោយ​ផ្អែក​លើ​យុទ្ធសាស្រ្ត​ស្នូល​ចំនួន ​៥ ​​ដើម្បី​កែ​លម្អ​ជីវិត​​ពលរដ្ឋ​កម្ពុជា​នៅ​តាម​ជនបទ​។