The Phnom Penh Post Search

Search form




Logo of Phnom Penh Post newspaper Phnom Penh Post - ពលរដ្ឋ​បោះឆ្នោត​ឲ្យ​បក្ស​ប្រឆាំង​បារម្ភ​ខ្លាច​ក្រែង​មាន​ការ​សងសឹក




ពលរដ្ឋ​បោះឆ្នោត​ឲ្យ​បក្ស​ប្រឆាំង​បារម្ភ​ខ្លាច​ក្រែង​មាន​ការ​សងសឹក

ពលរដ្ឋ​បោះឆ្នោត​ឲ្យ​បក្ស​ប្រឆាំង​បារម្ភ​ខ្លាច​ក្រែង​មាន​ការ​សងសឹក

130808_07b
អ្នកគាំទ្រគណបក្សសង្គ្រោះជាតិ នៅទីលានប្រជាធិបតេយ្យ កាលពីថ្ងៃអង្គារ

ភ្នំពេញៈ ចាប់​តាំង​ពី​ថ្ងៃ​បោះឆ្នោត​រហូត​មក​ដល់​ពេល​នេះ​ការ​ប្រកាស​លទ្ធផល​ផ្លូវ​ការ នៃ​ការ​បោះឆ្នោត​កាន់​តែ​ខិត​ជិត​មក​ដល់​ខណៈ​ដែល​ប្រជាជន​មួយ​ចំនួន បាន​ប្តឹង​ថា មន្រ្តី​គណបក្ស​ប្រជាជន​និង​ក្រុម​អ្នក​គាំទ្រ​គណបក្ស​ប្រជាជន ដែល​ប្រឆាំង​នឹង​ពួក​គេ​កំពុង​តែ​ព្យាយាម​ធ្វើ​ការ​សងសឹក ចំពោះ​អ្វី​ដែល​ពួក​គេ​មិន​បាន​បោះឆ្នោត​គាំទ្រ​លោក​នាយក​រដ្ឋ​មន្រ្តី ហ៊ុន សែន។

នៅ​ក្នុង​សេចក្តី​ថ្លែងការណ៍​រួម​មួយ​ចេញ​កាល​ពី​ថ្ងៃចន្ទ សម្ព័ន្ធ​អង្គការ​ក្រៅ​រដ្ឋាភិបាល រួម​ទាំង​គណៈកម្មាធិការ​ប្រព្រឹត្តិកម្ម នៃ​អង្គការ​សមាគម​ការពារ​សិទ្ធិ​មនុស្ស​កម្ពុជា អង្គការ អាដហុក និង​អង្គការ​សម្រាប់​ការ​បោះឆ្នោត​ដោយ​សេរី និង​យុត្តិធម៌​នៅ​កម្ពុជា បាន​នាំ​គ្នា​ធ្វើ​ការ​ប្រកាស​ប្រឆាំង​ទៅ​នឹង​អំពើ​បំភិត​បំភ័យ​ដែល​បាន​កើត​ឡើង​នៅ​តាម​បណ្តាល​ខេត្ត​មួយ​ចំនួន។

សេចក្តី​ថ្ងែង​ការណ៍​សរសេរ​ថា៖ «យើង​មាន​ក្តី​បារម្ភ​យ៉ាង​ខ្លាំង​ក្លា ពាក់​ព័ន្ធ​ទៅ​នឹង​ករណី​នៃ​ការ​បំភិត​បំភ័យ​ការ​សង​សឹក និង​ការ​គំរាម​កំហែង ទៅ​លើ​ប្រជាជន​មួយ​ចំនួន​ពី​សំណាក់​ក្រុម​គាំទ្រ​គណបក្ស​នយោបាយ​មួយ​ទៅ​លើ​ក្រុម​មួយ​ទៀត»។ «ក្រុម​សង្គម​ស៊ីវិល បាន​សង្កេត​ឃើញ​ថា ប្រជាជន​មូលដ្ឋាន​មួយ​ចំនួន នៅ​ក្នុង​សហគមន៍​តូចៗ​មួយ​ចំនួន​បាន​និង​កំពុង​ប្រឈម​មុខ​នឹង​ការ​បំភិត​បំភ័យ​និង​ការ​គំរាម​កំហែង ពី​អាជ្ញាធរ​មូលដ្ឋាន ចំពោះ​ការ​ដែល​មិន​បោះឆ្នោត​គាំទ្រ​គណបក្ស​ប្រជាជន»។ អង្គការ​ក្រៅ​រដ្ឋាភិបាល សូម​ជំរុញ​ទាំង​គណបក្ស​ប្រជាជន និង​គណបក្ស​សង្គ្រោះ​ជាតិ ត្រូវ​អនុវត្ត​វិធានការ​ដែល​មាន​ស្រាប់ ធ្វើ​ការ​ដោះស្រាយ​ទៅ​លើ​ក្រុម​អ្នក​គាំទ្រ និង​អាជ្ញាធរ ដែល​ពាក់​ព័ន្ធ​នៅ​ក្នុង​ករណី​បំភិត​បំភ័យ​ទាំង​នោះ។

លោក ផៃ ស៊ីផាន អ្នក​នាំ​ពាក្យ​ទីស្តីការ​គណៈ​រដ្ឋ​មន្រ្តី បាន​ថ្លែង​ថា ការ​លើក​ឡើង​អំពី​ករណី​ថា មាន​មន្រ្តី​រដ្ឋាភិបាល​ធ្វើ​ការ​គំរាម​កំហែង ទៅ​ដល់​ប្រជាជន​គឺជា «ពាក្យ​ចចាម​អារ៉ាម» ប៉ុន្តែ​លោក​បាន​ជំរុញ​ឲ្យ​ប្រជាជន​ណា​ក៏​ដោយ​ដែល​ប្តឹង​អំពី​ករណី​គំរាម​កំហែង​នោះ ត្រូវ​ធ្វើ​របាយ​ការណ៍​ជា​ផ្លូវ​ការ​។

លោក ផៃ ស៊ីផាន បាន​ថ្លែង​បន្ត​ថា៖ «អ្នក​បាន​ឮ​តែ​ពី​ម្ខាង​តែ​ប៉ុណ្ណោះ។ ពី​ខាង​គណបក្ស​ប្រជាជន យើង​សូម​ឲ្យ​អ្នក​គាំទ្រ​គណបក្ស​របស់​យើង​ទាំង​អស់ ត្រូវ​អត់ធ្មត់​ពី​អំពើ​បង្ក​រឿង​និង​ហិង្សា​»។ លោក ផៃ ស៊ីផាន បាន​ថ្លែង​បន្ត​ទៀត​ថា មេ​ដឹក​នាំ​គណបក្ស​សង្គ្រោះ​ជាតិ លោក សម រង្ស៊ី និង​លោក កឹម សុខា «កំពុង​ធ្វើ​ការ​ញុះញង់» អ្នក​គាំទ្រ​របស់​ខ្លួន​ឲ្យ «ក្រោក​ឈរ​ប្រឆាំង​នឹង​គណបក្ស​ប្រជាជន»៕ PS

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។