ហ្វេស ប៊ុក​គឺជា​ប្រព័ន្ធ​អ៊ីនធឺណិត​បណ្តាញ​សង្គម​ ដ៏​មាន​ប្រជាប្រិយ​បំផុត ហើយ​រហូត​ដល់​ខែ​កញ្ញា​ ឆ្នាំ​២០១២​  អ្នក​ប្រើប្រាស់​និង​លេង​ហ្វេសប៊ុក គឺ​មាន​ចំនួន​១ពាន់​លាន​នាក់​ ហើយ​ប្រាក់​ចំណូល​នៅ​ក្នុង​ត្រី​មាស​ទី​បី​ឆ្នាំ​២០១២ ​គឺ​មាន​ចំនួន​សរុប​ ១,២​៦​ ពាន់​លាន​ដុល្លារ​ កើន​ឡើង ៣២​ ភាគរយ​ពី​ឆ្នាំ​២០១១។ ​ហ្វេសប៊ុក​ត្រូវ​បាន​ចាត់​ទុក​ថា ជា​ឧបករណ៍​សម្រាប់​ទំនាក់​ទំនង​ផ្ទាល់​ខ្លួន និង​សម្រាប់​អាជីវកម្ម​។ ចាប់​តាំង​ពី​ការ​បង្កើត​ឡើង​ក្នុង​ឆ្នាំ​២០០៤​ ហ្វេសប៊ុក​បាន​ផ្លាស់​ប្តូរ​ឲ្យ​ប្រសើរ​ឡើង​នូវ​វិធី​មួយ​ចំនួន​របស់ ខ្លួន សម្រាប់​បម្រើ​ឲ្យ​ការ​ប្រាស្រ័យ​ទាក់ទង និង​ចែក​រំលែក​ព័ត៌មាន​គ្នា។