.jpg)
ព្រះមហាក្សត្រ ព្រះបាទ សម្តេចព្រះ បរមនាថ នរោត្តម សីហមុនី ក្នុងព្រះរាជពិធីមួយកន្លងមក។ ហុង មិនា
ភ្នំពេញៈ យោងតាមសេចក្តីជូនដំណឹង របស់អគ្គលេខាធិការដ្ឋានព្រឹទ្ធសភា ចុះថ្ងៃទី ១៧ ខែមេសាឆ្នាំ ២០១៨ បានឲ្យដឹងថា ព្រះមហាក្សត្រ សម្តេចព្រះបរមនាថ នរោត្តម សីហមុនី បានត្រាស់បង្គាប់ឲ្យសមាជិកព្រឹទ្ធសភា នីតិកាលទី ៤ ចាត់តាំងដោយព្រះមហាក្សត្រ និងជ្រើសតាំងដោយរដ្ឋសភា ព្រមទាំងបេក្ខជនជាប់ឆ្នោត ជាសមាជិកព្រឹទ្ធសភានីតិកាលទី ៤ ចូលរួមក្នុងសម័យប្រជុំដំបូង នៃព្រឹទ្ធសភានីតិកាលទី ៤ ដែលនឹងប្រព្រឹត្តទៅនៅថ្ងៃទី ២៣ ខែមេសា ឆ្នាំ ២០១៨ នៅវេលាម៉ោង ៩ ព្រឹក នៅវិមានព្រឹទ្ធសភា។
សូមបញ្ជាក់ថា ព្រឹទ្ធសភានីតិកាលទី ៤ នេះ មានសមាជិកសរុបចំនួន ៦២ រូប ដែលក្នុងនោះ មានពីររូបត្រូវបានជ្រើសតាំង ដោយព្រះមហាក្សត្រ និងពីររូបទៀត ត្រូវបានជ្រើសតាំង ដោយរដ្ឋសភា ចំណែក ៥៨ រូបផ្សេងទៀតបានមកពីការបោះឆ្នោត អសកល ដែលត្រូវបានរៀបចំធ្វើឡើង កាលពីថ្ងៃទី ២៥ កុម្ភះឆ្នាំ ២០១៨។
គណបក្សប្រជាជនកម្ពុជា បានឈ្នះអាសនៈព្រឹទ្ធសភាទាំងអស់ ចំនួន ៥៨ ដោយសារតែអវត្តមានរបស់អតីតគណបក្សសង្គ្រោះជាតិ ដែលជាគូរប្រជែង៕
