The Phnom Penh Post Search

Search form




Logo of Phnom Penh Post newspaper Phnom Penh Post - ព្រះមហាក្សត្រ តែងតាំង​ជនជាតិ​អៀរឡង់​ជា​សហព្រះរាជអាជ្ញា​អន្តរជាតិ​បម្រុង​ថ្មី​នៃ​ ECCC




ព្រះមហាក្សត្រ តែងតាំង​ជនជាតិ​អៀរឡង់​ជា​សហព្រះរាជអាជ្ញា​អន្តរជាតិ​បម្រុង​ថ្មី​នៃ​ ECCC

Content image - Phnom Penh Post
លោក Fergal Gaynor ដែលជា​ជនជាតិ​អៀរឡង់ ត្រូវបានតែងតាំងឲ្យ​ធ្វើជា​សហព្រះរាជអាជ្ញា​អន្តរជាតិ​បម្រុង​ថ្មី​នៃ​សាលា​ក្តី​ខ្មែរក្រហម​ (ECCC)។ រូបថត សហការី

ព្រះមហាក្សត្រ តែងតាំង​ជនជាតិ​អៀរឡង់​ជា​សហព្រះរាជអាជ្ញា​អន្តរជាតិ​បម្រុង​ថ្មី​នៃ​ ECCC

ភ្នំពេញៈ ព្រះមហាក្សត្រ​នៃ​កម្ពុជា ព្រះករុណា សម្តេចព្រះបរមនាថ នរោត្តម សីហមុនី ទ្រង់​បាន​តែងតាំង​លោក Fergal Gaynor ដែលជា​ជនជាតិ​អៀរឡង់ ឲ្យ​ធ្វើជា​សហព្រះរាជអាជ្ញា​អន្តរជាតិ​បម្រុង​ថ្មី​នៃ​សាលា​ក្តី​ខ្មែរក្រហម​ (ECCC) ​ក្រោយពី​មាន​ការស្នើ​តែងតាំង​ពី​លោក Antonio Guterres អគ្គលេខាធិការ​អង្គការ​សហប្រជាជាតិ និងមាន​ការអនុម័ត​យល់​ព្រម​ពី​ឧត្តមក្រុមប្រឹក្សា​នៃ​អង្គចៅក្រម​។

បើតាម​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា ឬ​ហៅថា​សាលាក្តី​ខ្មែរក្រហម​បញ្ជាក់​ក្នុង​សេចក្តី​ប្រកាស​ព័ត៌មាន​កាលពី​ថ្ងៃទី​ ១៣ ខែ​មីនា​​​ គឺ​លោក Gaynor បាន​បំពេញ​ការងារ​ជា​មេធាវី​ជំនុំជម្រះ​ (Trial Attorney) ​ក្នុង​ការិយាល័យ​រដ្ឋអាជ្ញា​នៅ​តុលាការ​ព្រហ្មទណ្ឌ​អន្តរជាតិ​សម្រាប់​ប្រទេស ​រ្វ៉ាន់ដា​ (ICTR) ​និង​តុលាការ​ព្រហ្មទណ្ឌ​អន្តរជាតិ សម្រាប់​អតីត​ប្រទេស​ យូហ្គោស្លាវី​ (ICTY) ​ពី​ឆ្នាំ​ ២០០៥ ដល់​ឆ្នាំ​ ២០១៣ មុនពេល​លោក​បំពេញ​ការងារ​ជា​ជំនួយការ​ជាន់ខ្ពស់​សហព្រះរាជអាជ្ញា​នៅ​សាលាក្ដី​ពី​ឆ្នាំ​ ២០១៥ ដល់​ឆ្នាំ​ ២០១៦​។

សេចក្តី​ប្រកាស​ព័ត៌មាន​ឲ្យ​ដឹង​ទៀត​ថា លោក Gaynor ធ្លាប់​បំពេញ​ការងារ​ជា​មេធាវី​នាំមុខ​តំណាង​ជនរងគ្រោះ​នៅ​តុលាការ​ព្រហ្មទណ្ឌ​អន្តរជាតិ​ (ICC) ​ក្នុង​សំណុំរឿង​ប្រឆាំង​នឹង​ប្រធានាធិបតី​កេនយ៉ា Uhuru Kenyatta ចាប់ពី​ឆ្នាំ​ ២០១២ មក និង​ជា តំណាង​ជនរងគ្រោះ​ ១ ​ក្រុម​នៅក្នុង​ស្ថានភាព​នៅ​ប្រទេស​ អាហ្វហ្គានីស្ថាន ​ចាប់ពី​ឆ្នាំ​ ២០១៩ ​មក​។ បច្ចុប្បន្ន​សំណុំ​រឿងនេះ​កំពុង​ស្ថិត​ក្នុងការ​ស៊ើបអង្កេត​នៅ​តុលាការ​ព្រហ្មទណ្ឌ​អន្តរជាតិ​។

លោក Gaynor ទទួលបាន​សញ្ញាបត្រ​បរិញ្ញាបត្រ​នីតិសាស្ត្រ​ពី​មហាវិទ្យាល័យ Trinity Dublin និង​សញ្ញាបត្រ​អនុបណ្ឌិត​ទស្សនវិជ្ជា​ពី​សាកលវិទ្យាល័យ Cambridge​។ លោក​គឺជា​សមាជិក​គណៈមេធាវី​អៀរឡង់ និង​ជា​សមាជិក​គណៈកម្មាធិការ​និពន្ធនាយក​នៃ​ព្រឹត្តបត្រ​ Journal of International Criminal Justice៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។