The Phnom Penh Post Search

Search form




Logo of Phnom Penh Post newspaper Phnom Penh Post - ព្រះសង្ឃ​នឹង​ធ្វើ​ធម្មយាត្រា​ពី​តាម​ខេត្ត​ក្នុង​ទិវា​សិទ្ធិ​មនុស្ស​ថ្ងៃ ១០ធ្នូ

ព្រះសង្ឃ​នឹង​ធ្វើ​ធម្មយាត្រា​ពី​តាម​ខេត្ត​ក្នុង​ទិវា​សិទ្ធិ​មនុស្ស​ថ្ងៃ ១០ធ្នូ

ព្រះសង្ឃ​នឹង​ធ្វើ​ធម្មយាត្រា​ពី​តាម​ខេត្ត​ក្នុង​ទិវា​សិទ្ធិ​មនុស្ស​ថ្ងៃ ១០ធ្នូ

ភ្នំពេញៈ តំណាង​សង្ឃ​ឯករាជ្យ​មាន​សង្ឃ​ដីកា​កាល​ពី​ម្សិលមិញ​ថា ព្រះសង្ឃ​នឹង​ប្រើ​ពេល ៥ ថ្ងៃ​និមន្ត​លើ​ផ្លូវ​រាប់រយ​គីឡូម៉ែត្រ​ពី​បណ្តា​ខេត្ត​នានា​មក​កាន់​ភ្នំពេញ​មុន​ទិវា​សិទ្ធិ​មនុស្ស​អន្តរជាតិ នៅ​ថ្ងៃ ទី១០ ខែ ធ្នូ ខាង​មុខ​នេះ។

ភិក្ខុ ប៊ុត ប៊ុនតេញ នៃ​បណ្តាញ​ព្រះសង្ឃ​ឯករាជ្យ​បាន​មាន​សង្ឃដីកា​ថា សង្ឃ​មួយ​ក្រុមៗ​ចំនួន ២០អង្គ នឹង​និមន្ត​ចេញ​ពី​ខេត្ត ពោធិ៍សាត់ កំពង់ធំ ស្វាយរៀង កំពត និង កំពង់ស្ពឺ ចាប់ពី​ថ្ងៃ ទី១ ខែ ធ្នូ លោក​នឹង​និមន្ត​លើ​ចម្ងាយ​ផ្លូវ ២០ គីឡូម៉ែត្រ ក្នុង ១ ថ្ងៃៗ។

ព្រះតេជគុណ​មាន​ថេរដីកា​ថា៖ «អាត្មា​នឹង​ជុំគ្នា​នៅ​មុខ​រដ្ឋសភា​នៅ​ព្រឹក​ថ្ងៃ ទី១០ ខែ ធ្នូ។ ក្នុង​ការ​ធ្វើ​ធម្មយាត្រា​នេះ​ពេល​សម្រាក ភិក្ខុសង្ឃ​នឹង​ធ្វើ​វេទិកា​ដើម្បី​ឲ្យ​មាន​ទំនាក់​ទំនង​ជាមួយ​អ្នក​ស្រុក នឹង​បង្កើត​ទំនាក់​ទំនង​តាម​គោលការណ៍​ព្រះពុទ្ធ​សាសនា និង​ការ​គោរព​សិទ្ធិ​មនុស្ស»។

ព្រះអង្គ ប៊ុនតេញ បាន​បន្ត​ថា ព្រះសង្ឃ នឹង​ដាក់​ញត្តិ​មួយ​ដែល​អំពាវនាវ​ឲ្យ​មាន​ការ​គោរព​សិទិ្ធ​មនុស្ស​ឲ្យ​បាន​ប្រសើរ​ជាង​នេះ​នៅ​រដ្ឋសភា ហើយ​នឹង​ស្នើ​ឲ្យ​តំណាង​រាស្រ្ត​មក​ពី​គណបក្ស​នយោបាយ​ទាំង​ពីរ​ទទួល​យក​ញត្តិ​នោះ។

ព្រះអង្គ​បញ្ជាក់​ថា៖ «យើង​នឹង​ផ្ញើសារ​នេះ​ទៅ​រដ្ឋាភិបាល​ព្រោះ​រដ្ឋាភិបាល​នេះ គឺ​ថ្មី។ យើង​មិន​ចង់​ឃើញ​ការ​អនុវត្ត​ដដែល​ដូច​កាល​ពី​មុន​ទេ។ យើង​ចង់​ឃើញ​ការ​ផ្លាស់​ប្តូរ​ចាប់​ពី​ទស្សន​វិស័យ​សិទ្ធិ​មនុស្ស»។

កាល​ពី​ដើម​ខែ​នេះ ក្រុម​ព្រះភិក្ខុ ប៊ុនតេញ បាន​និមន្ត​ចម្ងាយ ៣០ គីឡូម៉ែត្រ​កាត់​តាម ព្រៃ​ខេត្ត កោះកុង កាត់​មក​ទំនប់​មួយ​ដែល​គេ​ស្នើ​សុំ​ដោយ​មាន​រឿង​ចម្រូង​ចម្រាស​នៅ​ជ្រលង​ភ្នំ អារ៉ែង។

អ្នក​ស្រាវជ្រាវ​សង្គមលោក កែម ឡី ថ្លែង​ថា៖ «ព្រះសង្ឃ​ទាំងអស់​មិន​មែន​ជា​សមាជិក​បក្ស​ប្រជាជន​ទេ ប៉ុន្តែ​លោក​គ្រាន់​តែ​ធ្វើ​តាម​សម្ពាធ​ពី​មេ​ប៉ុណ្ណោះ»៕ NR

អត្ថបទគួរចាប់អារម្មណ៍