The Phnom Penh Post Search

Search form




Logo of Phnom Penh Post newspaper Phnom Penh Post - មនុស្ស​មួយ​ក្រុម ​សម្លាប់​បុរស​ម្នាក់​អាយុ ​៣៤ ឆ្នាំ ហើយ​គេច​ខ្លួន

មនុស្ស​មួយ​ក្រុម ​សម្លាប់​បុរស​ម្នាក់​អាយុ ​៣៤ ឆ្នាំ ហើយ​គេច​ខ្លួន

Content image - Phnom Penh Post
សាកសពជនរងគ្រោះ ដែលត្រូវគេវាសម្លាប់។ ហ្វេសប៊ុក

មនុស្ស​មួយ​ក្រុម ​សម្លាប់​បុរស​ម្នាក់​អាយុ ​៣៤ ឆ្នាំ ហើយ​គេច​ខ្លួន

ភ្នំពេញៈ បុរស​ម្នាក់​ត្រូវ​ក្រុម​ជនល្មើស​ ​១ ​ក្រុម​តាម​វាយ​សម្លាប់​កាល​ពី​ម៉ោង ​១ ​រំលង​អាធ្រាត​ឈាន​ចូល​ថ្ងៃទី ​១៤ ​សីហា ​នៅ​លើ​ទំនប់​កប់​ស្រូវ ​ក្នុង​ភូមិ​ភ្លូផ្អែម ​សង្កាត់​គោករកា ​ខណ្ឌ​ ព្រែកព្នៅ ​ប៉ុន្តែ​សមត្ថកិច្ច​មិន​ទាន់​សន្និដ្ឋាន​ថា​ អាច​ជា​រឿង​គំនុំ ​ឬ​យ៉ាង​ណា​នោះ​ទេ​ និង​កំពុង​ស្រាវជ្រាវ​រក​មូលហេតុ​បន្ត​ទៀត​។

លោក ​ឈិន​ គឹមធុយ ​អធិការ​នគរបាល ​ខណ្ឌ​ព្រែកព្នៅ​ ប្រាប់​ពី​ម្សិលមិញ​ថា សាកសព​ជន​រងគ្រោះ​ឈ្មោះ ​សុទ្ធ ​សំបូរ​ ហៅ ​ម៉ៅ ​អាយុ ​៣៤ ​ឆ្នាំ​ មាន​លំនៅ​ក្នុង​សង្កាត់​គោក​រកា ​ខណ្ឌ​ព្រែកព្នៅ ​រាជធានី​ភ្នំពេញ​ ហើយ​សមត្ថកិច្ច​របស់​លោក​បាន​ប្រគល់​សាកសព​ទៅ​ជូន​ក្រុម​គ្រួសារ​របស់​ជន​រងគ្រោះ​ហើយ​កាល​ពី​វេលា​ម៉ោង ​១២ ​ថ្ងៃ​ត្រង់ ​ថ្ងៃទី ​១៤ ​សីហា។​

លោក​ថ្លែង​ថា​​៖ ​«​​រឿង​នេះ​ បើ​ទោះ​ជា​ជន​រងគ្រោះ​ត្រូវ​ប្រគល់​ឲ្យ​សាច់​ញាតិ​ក្តី ក៏​កម្លាំង​សមត្ថកិច្ច​របស់​យើង​នៅ​តែ​បន្ត​ស្រាវជ្រាវ​ទៀត ​ដើម្បី​ស្វែងរក​ជនល្មើស​មក​ផ្តន្ទាទោស​តាម​ច្បាប់​»​។

លោក​បញ្ជាក់​ប្រាប់​​ថា​ បើ​តាម​ការ​អះអាង​ពី​ប្រជាពលរដ្ឋ​នៅ​ក្បែរៗ​កន្លែង​កើត​ហេតុ​នោះ​បាន​ប្រាប់​ថា​ នៅ​អំឡុង​ប្រហែល​ជា​ម៉ោង​ ១ ​ទៀប​ភ្លឺ​ឈាន​ចូល​ថ្ងៃទី ​១៤ ​សីហា ​ប្រជាពលរដ្ឋ​​បាន​ឮសូរ​សំឡេង​ស្រែក​ឡូឡា​ពី​មនុស្ស ​១ ​ក្រុម​ ជាមួយ​នឹង​សំឡេង​រោទ៍​ម៉ូតូ​ខ្លាំងៗ​ ហើយ​ក្រោយ​មក​ក៏​ស្ងាត់​សំឡេង​ទៅ​វិញ​។​ បន្ទាប់​ពី​ស្ងាត់​សំឡេង​ម៉ូតូ​ និង​ដោយ​មាន​ការ​សង្ស័យ​ផង​នោះ​ ប្រជាពលរដ្ឋ​បាន​នាំ​គ្នា​ទៅ​មើល​នៅ​កន្លែង​សំឡេង​ម៉ូតូ​នោះ​​ក៏​ស្រាប់​តែ​ឃើញ​មនុស្ស​ម្នាក់​ដេក​ស្លាប់​ផ្កាប់​មុខ​ទៅ​នឹង​ស្មៅ ​ហើយ​នៅ​ក្បាល​មាន​បែក​រយះ​ហូរ​ឈាម​ផង​។ ជាមួយ​គ្នា​​នោះ​ គេ​​ឃើញ​មាន​បន្សល់​ទុក​ម៉ូតូ ​១ ​គ្រឿង ​ម៉ាក ​C 125 ​ពណ៌​ខ្មៅ​ ដួល​នៅ​មិន​ឆ្ងាយ​ប៉ុន្មាន​ពី​សាកសព​។​ ​

លោក​ឲ្យ​ដឹង​ថា​​ ក្រោយ​ពី​មាន​ការ​ភ្ញាក់​ផ្អើល​ និង​មាន​សេចក្តី​រាយការណ៍​ពី​ប្រជាពលរដ្ឋ​មក​សមត្ថកិច្ច​របស់​លោក​ក៏​បាន​ចុះ​ទៅ​ដល់​កន្លែង​កើត​ហេតុ​ ហើយ​បាន​ពិនិត្យ​មើល​សាកសព​ឃើញ​ថា​ នៅ​ផ្នែក​ក្បាល​របស់​ជន​រងគ្រោះ​​ត្រូវ​ជន​​សង្ស័យ​វាយ​​នឹង​វត្ថុ​រឹង​បែក​ក្បាល​។​

ទោះ​យ៉ាង​ណា ​លោក ​ជៀស ​ចាន់​ អនុប្រធាន​នគរបាល​ប៉ុស្តិ៍​សង្កាត់​គោករកា​ បាន​ប្រាប់​តាម​សម្តីរ​បស់​ប្រពន្ធ​សាកសព​ពី​ម្សិលមិញ​ថា​ ប្តី​​របស់​គាត់​ជា​​អ្នក​រត់​ម៉ូតូ​ឌុប​ហើយ​នៅ​យប់​មុន​ពេល​កើត​ហេតុ​ប្តី​របស់​គាត់​បាន​ជិះ​ម៉ូតូ​​ចេញ​ពី​ផ្ទះ​ ប៉ុន្តែ​ស្រ្តី​ជា​ប្រពន្ធ​​មិន​​បាន​ចាប់​​អារម្មណ៍​ថា​ប្តី​​ទៅ​ទីណា​ទេ​។​ លុះ​ដល់​ពេល​យប់​ជ្រៅ​ស្រ្តី​ប្រពន្ធ​​បាន​ដើរ​រក​​ប្តី​សព្វ​ទី​​កន្លែង​ដែរ​ តែ​រក​មិន​ឃើញ ​រហូត​ដល់​វេលា​ថ្ងៃ​ត្រង់​ថ្ងៃទី ​១៤ ​សីហា​ ទើប​បាន​ដឹង​ដំណឹង​ថា ​ប្តី​របស់​គាត់​ត្រូវ​បាន​គេ​សម្លាប់​។

លោក ​ជៀស​ ចាន់ ​បញ្ជាក់​ថា​ ជន​រងគ្រោះ​ត្រូវ​គេ​វាយ​បែក​ក្បាល​ពី​ក្រោយ​រយះ​ប្រហែល ​២ ​តឹក​​ បែក​​លលា​ដ៏​ក្បាល​​ចេញ​ខួរ​ និង​ដេក​ស្លាប់​ផ្កាប់​មុខ​៕

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។