The Phnom Penh Post Search

Search form




Logo of Phnom Penh Post newspaper Phnom Penh Post - មនុស្ស​ ៦ ​នាក់​ត្រូវ​ចាប់​ខ្លួន​ ព្រោះ​បន្លំ​ជា​សមត្ថកិច្ច​ឆែក​ជំរិត​ទារប្រាក់




មនុស្ស​ ៦ ​នាក់​ត្រូវ​ចាប់​ខ្លួន​ ព្រោះ​បន្លំ​ជា​សមត្ថកិច្ច​ឆែក​ជំរិត​ទារប្រាក់

Content image - Phnom Penh Post
មនុស្ស​ ៦ ​នាក់​ត្រូវ​ចាប់​ខ្លួន​ ព្រោះ​បន្លំ​ជា​សមត្ថកិច្ច​ឆែក​ជំរិត​ទារប្រាក់ ដោយ​បាន​ចោទប្រកាន់​រឿង​កញ្ចប់​គ្រឿងញៀន​។ រូបថត នគរបាល

មនុស្ស​ ៦ ​នាក់​ត្រូវ​ចាប់​ខ្លួន​ ព្រោះ​បន្លំ​ជា​សមត្ថកិច្ច​ឆែក​ជំរិត​ទារប្រាក់

ព្រះសីហនុៈ បុរស​ខ្មែរ ៥ ​នាក់​ និង​ចិន​ម្នាក់​ នៅក្នុង​ខេត្ត​ព្រះសីហនុ​ត្រូវ​បាន​ចាប់ខ្លួន​ជា​​បន្តបន្ទាប់​គ្នា​កាលពី​ថ្ងៃទី​ ៨ ខែ​កញ្ញា ក្រោយពី​ជនរងគ្រោះ​ជា​ជនជាតិ​ចិន​ម្នាក់​ប្ដឹង ក្រោយពី​បុរស​ទាំងនោះ​ជំរិត​ទារប្រាក់​ដោយ​បាន​ចោទប្រកាន់​រឿង​កញ្ចប់​គ្រឿងញៀន​។

លោក ជួន ណារិន្ទ បាន​ប្រាប់​ភ្នំពេញ​ប៉ុស្តិ៍​កាលពី​ម្សិលមិញ​ថា បុគ្គល​ ៦ ​នាក់​ ដែល​សមត្ថកិច្ច​ចាប់ខ្លួន​បាន​ពាក់ព័ន្ធ​ករណី​បន្លំ​ខ្លួន​ធ្វើជា​សមត្ថកិច្ច ជំរិត​ទារប្រាក់​ពី​ជន​ជាតិចិន​អាច​ត្រូវ​បញ្ជូន​ទៅ​តុលាការ​នៅ​ថ្ងៃ​ព្រហស្បតិ៍ ក្រោយពី​សមត្ថកិច្ច​រៀបចំ​ឯកសារ​ផ្លូវច្បាប់​រួចរាល់​។

លោក ជួន ណារិន្ទ បាន​ប្រាប់ថា ក្រុម​ជនសង្ស័យ​បាន​ទទួល​ថវិកា​ចំនួន ២ ៣០០ ​ដុល្លារ ​រួចហើយ​ពី​ជនរងគ្រោះ ប៉ុន្តែ​នៅ​តែ​បន្ត​ជំរិត​ទារ​ទៀត​ឲ្យ​គ្រប់​ចំនួន​ ៤ ​ពាន់​ដុល្លារ​។

លោក ណារិន្ទ ថ្លែងថា​៖ «​ដោយ​ជនរងគ្រោះ​មិនអាច​រកប្រាក់​បង់​ឲ្យ​ក្រុម​ជនសង្ស័យ​បាន​ក៏​មក​កន្លែង​ផ្លូវច្បាប់ ដើម្បី​ឲ្យ​យើង​ជួយ​គាត់​។ អ៊ីចឹង​ទេ ក្នុង​នាម​នគរបាល​យុត្តិធម៌ យើង​ត្រូវតែ​ធ្វើ​កិច្ចការពារ​ទៅ​លើ​ជនរងគ្រោះ អ្វី​ក៏ដោយ​ឲ្យ​តែ​មាន​ភាពច្បាស់លាស់ យើង​នឹង​អនុវត្ត​ទៅ​តាម​នីតិវិធី​របស់​យើង​»​។

តាម​របាយការណ៍​កម្លាំង​​ជំនាញ​ផែន​ការងារ​នគរបាល​ព្រហ្មទណ្ឌ​នៃ​ស្នងការដ្ឋាន​នគរបាល​ខេត្ត​ព្រះសីហនុ​បាន​ឲ្យ​ដឹងថា ជនសង្ស័យ​ទាំង​ ៦ ​នាក់​នោះ​មាន​ ៤ ​នាក់​បម្រើ​ការងារ​ឲ្យ​ស្ថាប័ន​សារព័ត៌មាន​នៅក្នុង​ខេត្ត ដូចជា ភ្នាក់ងារ​សារព័ត៌មាន​កម្ពុជា​ញូវផ្លាស ភ្នាក់ងារ​សារព័ត៌មាន CAM POST ​ភ្នាក់ងារ​សារព័ត៌មាន NEWS Online​។

ចំណែក​ ២ ​នាក់​ផ្សេងទៀត​ជា​អ្នកម៉ៅការ​សំណង់ និង​ជួល​រថយន្ត​។ ក្រុម​ជនសង្ស័យ​ទាំង​ ៦ ​នាក់​នោះ​បាន​ធ្វើការ​ឆែកឆេរ​ក្នុង​រថយន្ត​របស់​ជនរងគ្រោះ ហើយ​បាន​ទម្លាក់​គ្រឿងញៀន​ ១ ​កញ្ចប់ នៅក្នុង​រថយន្ត​របស់​ជនរងគ្រោះ ដើម្បី​ចោទប្រកាន់​ថា គ្រឿងញៀន​ជា​របស់​ជនរងគ្រោះ​រួច​គំរាម​ទារប្រាក់​ពី​ជនរងគ្រោះ​ចំនួន​ ៤ ​ពាន់​ដុល្លារ​៕

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។