The Phnom Penh Post Search

Search form




Logo of Phnom Penh Post newspaper Phnom Penh Post - មន្ត្រី​ជាន់​ខ្ពស់​មកពី​ CPP និង CNRP គ្រោង​ជួប​គ្នា​ថ្ងៃ​នេះ




មន្ត្រី​ជាន់​ខ្ពស់​មកពី​ CPP និង CNRP គ្រោង​ជួប​គ្នា​ថ្ងៃ​នេះ

Content image - Phnom Penh Post
មន្ត្រី​ជាន់​ខ្ពស់​មកពី​ CPP និង CNRP គ្រោង​ជួប​គ្នា​ថ្ងៃ​ពុធនេះ។ ហេង ជីវ័ន

មន្ត្រី​ជាន់​ខ្ពស់​មកពី​ CPP និង CNRP គ្រោង​ជួប​គ្នា​ថ្ងៃ​នេះ

ភ្នំពេញ: អ្នក​នាំពាក្យ​គណបក្ស​កាន់​អំណាច​បាន​ឱ្យ​ដឹង​កាលពី​ម្សិលមិញ​ថា​លោក សខេង រដ្ឋមន្ត្រី​ក្រសួង​មហាផ្ទៃ និង​មេដឹកនាំ​គណបក្ស​ប្រឆាំង​លោក កឹម សុខា គ្រោង​នឹង​ជួប​ប្រជុំ​ដើម្បី​ពិភាក្សា​គ្នា​នៅ​រដ្ឋសភា​នា​ថ្ងៃ​នេះ បើ​ទោះបី​ជា​អ្នក​នាំ​ពាក្យ​គណបក្ស​ប្រឆាំង​បាន​ថ្លែង​ថា​គណបក្ស​របស់​លោក​មិន​បាន​ដឹង​អំពី​គម្រោង​នេះ​ក៏ដោយ។

លោក ឈាង វុន អ្នក​នាំពាក្យ​ក្រុម​តំណាងរាស្ត្រ​សំឡេង​ភាគច្រើន​របស់​គណបក្ស​ប្រជាជន​កម្ពុជា​បាន​ឱ្យ​ដឹង​ថា​កិច្ចប្រជុំ​រវាង​មេដឹកនាំ​សំឡេង​ភាគច្រើន និង​ភាគតិច​តាម​ពិត​ទៅ​បាន​គ្រោង​ធ្វើ​កាលពី​ម្សិលមិញ​ប៉ុន្តែ​វា​មិន​បាន​ធ្វើ​នោះ​ទេ​ជំនួស​មក​វិញ​កិច្ចប្រជុំ​នេះ​នឹង​ធ្វើ​នៅ​ថ្ងៃ​នេះ។

គម្រោង​សម្រាប់​កិច្ចប្រជុំ​រវាង​ថ្នាក់ដឹកនាំ​ទាំង​ពីរ​នៅ​មុន​ដំណាច់​ឆ្នាំ​នេះ​ត្រូវ​បាន​ប្រកាស​ដោយ​លោក ស ខេង ពី​ពីរ​សប្តាហ៍​មុន។

គណបក្ស​ប្រឆាំង​បាន​ថ្លែង​នៅ​ពេល​នោះ​ថា​​ អាច​នឹង​មាន​ការ​ពិភាក្សា​អំពី​មន្ត្រី​សិទ្ធិ​មនុស្ស​ចំនួន​បួន​រូប និង​មន្ត្រី​បោះឆ្នោត​មួយ​រូប​ដែល​ត្រូវ​បាន​ចាប់​ខ្លួន​ដាក់​ពន្ធនាគារ​ពី​បទ​ជាប់​ពាក់ព័ន្ធ​ទៅ​នឹង​ករណី «ពេស្យាចារ» របស់​លោក​ កឹម សុខា ដែល​ត្រូវ​បាន​លើកលែង​ទោស​កាលពី​ថ្ងៃ​ទី ២ ខែ​ធ្នូ​កន្លង​ទៅ។

លោក វុន បាន​ថ្លែង​ថា​លោក​រំពឹង​ថា​អាច​នឹង​មាន​ដំណោះស្រាយ​មួយ។

លោក ឈាង វុន បញ្ជាក់​ថា៖ «ជាធម្មតា​នៅ​ពេល​ដែល​យើង​ជួប​គ្នា, វា​នឹង​មាន​ដំណោះស្រាយ​នៅ​លើ​បញ្ហា​ចម្រូងចម្រាស​មួយ​ចំនួន​ហើយ​លោក​បាន​បន្ថែម​ទៀត​ថា​គណបក្ស​ប្រជាជន​ក៏​ពេញ​ចិត្ត​ផង​ដែរ​ប្រសិន​បើ​គ្មាន​ដំណោះស្រាយ​ណា​មួយ​ត្រូវ​បាន​រកឃើញ​នោះ។ ប្រសិន​បើ​គ្មាន​ដំណោះស្រាយ​ណា​មួយ​ទេ​នោះ​យើង​ក៏​នៅ​តែ​ជួប​គ្នា​ដើម្បី​ញញឹម​ដាក់​គ្នា​ដែរ»។

ទោះ​ជា​យ៉ាង​ណា​អ្នក​នាំពាក្យ​គណបក្ស​សង្គ្រោះ​ជាតិ​លោក យឹម សុវណ្ណ បាន​ថ្លែង​ថា​លោក​បាន​និយាយ​ទៅ​កាន់​លោក កឹម សុខា នៅ​ពេល​ព្រឹក​ហើយ​នៅ​ពេល​និយាយ​ដល់​ចំណុច​នេះ​អនុប្រធាន​គណបក្ស​រូប​នេះ​មិន​បាន​ដឹង​អំពី​ផែនការ​បែប​នេះ​ទេ។

លោក​ថ្លែង​ថា៖ «ប្រសិន​បើ​មាន [គម្រោង] អ្វី​នោះ​គាត់​នឹង​ហៅ​ឲ្យ​មក​ប៉ុន្តែ​គាត់​មិន​ទាន់​បាន​ហៅ​ទេ»។

ទោះ​ជា​យ៉ាង​ណា​ក៏ដោយ​មន្ត្រី​មកពី​អង្គការ​សង្គម​ស៊ីវិល​មួយ​ចំនួន​បាន​ទទូច​ទាមទារ​ឲ្យ​មាន​ការ​ដោះលែង​សកម្មជន​សិទ្ធិ​មនុស្ស និង​មន្ត្រី​បោះឆ្នោត​ដែល​កំពុង​ជាប់​ពន្ធនាគារ​ព្រៃស​ដែល​ពួកគេ​គិត​ថា​ជា​រឿង​អយុត្តិធម៌៕ NS

អត្ថបទគួរចាប់អារម្មណ៍