តាកែវៈ សត្វជ្រូកដែលនាំចូលជាង ១០០ ក្បាល ត្រូវបានដុតបំផ្លាញចោលនៅថ្ងៃនេះ នៅក្នុងស្រុកបាទី ខេត្តតាកែវ ក្រោយពីវិភាគសំណាករកឃើញមានមេរោគជំងឺប៉េស្តជ្រូកអាហ្វ្រិក។ យោងតាមការឲ្យដឹងពីមន្ត្រី អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្របាញ់ និងនេសាទ។
លោក តាន់ ផាន់ណារ៉ា អគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម បានប្រាប់ ភ្នំពេញ ប៉ុស្តិ៍ នៅថ្ងៃនេះថា ការដុតកម្ទេចចោលនេះ គឺដើម្បីបង្ការការឆ្លងដល់សត្វជ្រូកក្នុងស្រុក និងបង្កហានីភ័យដល់អ្នកទទួលទាន។
លោកបញ្ជាក់ថា៖ «ខ្ញុំបានកម្ទេចចោលហើយ មុនហ្នឹងបន្តិច នៅភ្នំតាម៉ៅ ទាំង ១០២ ក្បាល។ យើងមិនបានដុតលាយឡំជាមួយសត្វដទៃទេ ការដុតនេះ គឺដុតតែសត្វជ្រូកដែលចាប់បាននៅខេត្តស្ទឹងត្រែងនេះឯង»។
កាលពីថ្ងៃទី ២៣ មីនា កម្លាំងសមត្ថកិច្ចខេត្តស្ទឹងត្រែង នឹងមន្ត្រីជំនាញនៃក្រសួងកសិកម្ម បានឃាត់រថយន្តធុញធំមួយគ្រឿង ដែលដឹកជ្រូកជាង ១០០ ក្បាល បាននាំចូលដោយខុសច្បាប់ចេញពីប្រទេសថៃ ឆ្លងកាត់ប្រទេសឡាវ តាមច្រកព្រំដែនខេត្តស្ទឹងស្រែង៕