.jpg)
ជនសង្ស័យត្រូវបានសមត្ថកិច្ចចាប់ឃាត់ខ្លួន ករណីវាយសម្លាប់មន្ត្រីយោធាម្នាក់ស្លាប់ កាលពីម្សិលមិញ។ រូបថត ប៉ូលិស
ត្បូងឃ្មុំៈ មន្ត្រីយោធាម្នាក់យាមនៅមន្ទីរពេទ្យបង្អែកស្រុកពញាក្រែក ត្រូវបានបុរសជាអ្នកជំងឺកូវីដ ១៩ ញៀនថ្នាំញៀនវាយសម្លាប់ កាលពីល្ងាចថ្ងៃទី ២៥ ឧសភា ក្នុងគោលបំណងរត់ចេញពីមន្ទីរពេទ្យ ខណៈមន្ត្រីយោធានោះកំពុងអង្គុយយាម។ ប៉ុន្តែជនសង្ស័យ ត្រូវបានសមត្ថកិច្ចកងរាជអាវុធហត្ថស្រុកពញាក្រែកចាប់ខ្លួនបានភ្លាមៗ។
របាយការណ៍របស់កងរាជអាវុធហត្ថស្រុកពញាក្រែកបានឱ្យដឹងថា ជនរងគ្រោះ ឈ្មោះមាន វ៉ៃ អាយុ ២៩ ឆ្នាំ រស់នៅភូមិហួចកើត ឃុំក្រែក ស្រុកពញាក្រែក ជាមន្រ្តីយោធាផ្នែកសឹករងស្រុកពញាក្រែក។ ចំណែក ជនសង្ស័យ ឈ្មោះ មឿន ម៉ឺន អាយុ ៣៨ ឆ្នាំ មានទីលំនៅភូមិក្រពើសារ ឃុំដំរិល ស្រុកអូររាំងឪ ត្រូវបានចាប់ខ្លួនក្រោយធ្វើសកម្មភាពសម្លាប់ជនរងគ្រោះ។
ប្រភពដដែលបញ្ជាក់ថា ជនសង្ស័យបានប្រើដំបង និងចបកាប់វាយចំសៀតផ្កា របស់ជនរងគ្រោះកំពុងអង្គុយយាមម្នាក់ឯង រហូតដល់ស្លាប់ដោយសារអំណាចនៃថ្នាំញៀន ខណៈអ្នកយាមដទៃទៀតកំពុងនៅហូបបាយ។ ជនរងគ្រោះត្រូវបានអង្គភាពបញ្ជូនឲ្យទៅយាមនៅមន្ទីរពេទ្យនោះ៕
វីដេអូ៖
