ភ្នំពេញៈ ខណៈ​ដែល​មជ្ឈដ្ឋាន​ជាច្រើន​បាន​ដាក់​ការ​ព្រួយបារម្ភ​ថា​ការ​ចាប់​ខ្លួន​លោក កឹម សុខា អាច​ជា​ដំណើរ​ជាក់ស្តែង​មួយ​ឆ្ពោះ​ទៅ​រំលាយ​គណបក្ស​ប្រឆាំង​ទៅ​តាម​ច្បាប់​ស្តីពី​គណបក្ស​នយោបាយ​ដ៏ចម្រូង​ចម្រាស​ដែល​ទើប​តែ​ត្រូវ​បាន​ធ្វើ​វិសោធនកម្ម មន្ត្រី​ជាន់ខ្ពស់​ក្រសួង​មហាផ្ទៃ​បាន​ព្រមាន​ថា ក្នុង​ករណី​គណបក្ស​ប្រឆាំង​ត្រូវ​រំលាយ ក្រុម​ប្រឹក្សា​ឃុំ សង្កាត់ ស្រុក ខេត្ត រាជធានី និង​សមាជិក​រដ្ឋសភា ព្រឹទ្ធសភា​ទាំងអស់​របស់​គណបក្ស​នេះ​ក៏​នឹង​ត្រូវ​រំលាយ​ចោល​ផង​ដែរ​។