The Phnom Penh Post Search

Search form




Logo of Phnom Penh Post newspaper Phnom Penh Post - មន្ត្រី CPP៖ បើ​ចង់​ចរចា​គ្នា​ចូល​តាម​គណៈកម្មាធិការ​រដ្ឋសភា




មន្ត្រី CPP៖ បើ​ចង់​ចរចា​គ្នា​ចូល​តាម​គណៈកម្មាធិការ​រដ្ឋសភា

Content image - Phnom Penh Post
លោក សុខ ឥសាន អ្នក​នាំពាក្យ​គណបក្ស​ប្រជាជន​កម្ពុជា​​​។ ផា លីណា

មន្ត្រី CPP៖ បើ​ចង់​ចរចា​គ្នា​ចូល​តាម​គណៈកម្មាធិការ​រដ្ឋសភា

ភ្នំពេញៈ មន្ត្រី​គណបក្ស​កាន់​អំណាច​​បាន​ព្រលយ​ពាក្យ​ថា​ប្រសិន​បើ​គណបក្ស​ប្រឆាំង​​​ចង់​​ចរចា​​​​ពី​​បញ្ហា​​នយោបាយ​​ពួកគេ​គួរ​តែ​ចូលរួម​ក្នុង​​​​គណៈកម្មាធិការ​អចិន្រៃ្តយ៍ និង​​សម័យ​ប្រជុំ​​​រដ្ឋសភា​ហើយ​​​លើក​របៀបវារៈ​នៅ​ពេល​​នោះ​។

ប្រាប់​ភ្នំពេញ​ប៉ុស្តិ៍​ពី​ម្សិលមិញ​អ្នក​នាំពាក្យ​គណបក្ស​ប្រជាជន​ (CPP) ​​លោក សុខ ឥសាន ​​បាន​ព្រលយ​​​ពាក្យ​ថា​ការ​ជជែក​ពី​បញ្ហា​នយោបាយ​ CPP ​​នៅ​តែ​បន្ត​ជាមួយ​ទៅ​​គណបក្ស​សង្គ្រោះជាតិ (CNRP) ​ដើម្បី​ជាតិ​ហើយ​ថា​ប្រសិន​បើ​​ CNRP ​​ចង់​​ចរចា​​​ ពួកគេ​គួរ​តែ​ចូលរួម​​ជាមួយ​គណៈកម្មាធិការ​អចិន្រៃ្តយ៍​​ និង​សម័យ​ប្រជុំ​រដ្ឋសភា​ដោយសារ​វា​ជា​ឱកាស​ល្អ​សម្រាប់​ភាគី​ទាំង​ពីរ​​​ជជែក​ពី​​ស្ថានភាព​នយោបាយ​​ ​ប៉ុន្តែ​ហាម​​​លើក​​​របៀបវារៈ​​ស្តីពី​ការ​ដោះលែង​​អ្នក​ទោស​តែ​ប្រសិន​បើ CNRP ​​និយាយ​អំពី​ការ​ដោះលែង​អ្នក​ទោស​ មេធាវី​របស់​ CNRP ​គួរ​និយាយ​ជាមួយ​តុលាការ​។ ប៉ុន្តែ​​លោក​មិន​បាន​ប្រាប់​ពី​ចំណុច​សំខាន់​​នៃ​ការ​ជជែក​រវាង​បក្ស​ទាំង​ពីរ​ទេ។

លោក សុខ ឥសាន បាន​បន្ត​ថា៖ «​​យើង​មិន​អាច​បញ្ជាក់​ចំណុច​ ក ខ គ...[នៃ​ការ​ជជែក​បញ្ហា​នយោបាយ​]ទេ​។ គាត់​ [គណបក្ស​សង្គ្រោះ​ជាតិ​] ​យល់​​​ហើយ​អ្វី​ជា​បញ្ហា​នយោបាយ​ អ្វី​ជា​បញ្ហា​ច្បាប់​។ ទុក​ឲ្យ​គាត់​​គិត​ចុះ​»។

កាល​ពី​សប្តាហ៍​មុន​លោក​នាយក​រដ្ឋមន្រ្តី ហ៊ុន សែន ​បាន​ប្រកាស​ថា ​CPP ​​នៅ​បន្ត​វប្បធម៌​​សន្ទនា​ជាមួយ​ CNRP ដើម្បី​ដោះស្រាយ​បញ្ហា​នយោបាយ​​ បើ​ទោះបី​ជា​​តំណាងរាស្រ្ត​​ CPP ​​បាន​ធ្វើ​វិសោធនកម្ម​​មាត្រា​​ ៤៨ ​ថ្មី​ (៣) ​​នៃ​បទ​បញ្ជា​ផ្ទៃក្នុង​​របស់​រដ្ឋសភា​​ដើម្បី​លុប​ចោល​សំឡេង​​ភាគតិច​​ និង​​សំឡេង​ភាគច្រើន​ក្ដី។

កាលពី​ម្សិលមិញ​អ្នក​នាំពាក្យ​ CNRP លោក យឹម សុវណ្ណ ​បាន​បដិសេធ​មិន​ធ្វើ​អត្ថាធិប្បាយ​​ទេ​ដោយ​ឲ្យ​ទៅ​សួរ​លោក យ៉ែម បុញ្ញឫទ្ធិ ​តំណាងរាស្រ្ត​ CNRP និង​​លោក អេង ឆៃអ៊ាង ដែល​ជា​សមាជិក​គណៈកម្មាធិការ​អចិន្រៃ្តយ៍ ប៉ុន្តែ​អ្នក​ទាំង​ពីរ​រូប​មិន​អាច​ទាក់ទង​បាន​ទេ​៕ PS

អត្ថបទគួរចាប់អារម្មណ៍