The Phnom Penh Post Search

Search form




Logo of Phnom Penh Post newspaper Phnom Penh Post - មេធាវី​ការពារ​ក្តី​មន្ត្រី​ និង​សកម្មជន​អតីត​បក្ស​​ប្រឆាំង​ស្នើ​តុលាការ​ជួយ​កូនក្ដី​ចូល​ស្រុក




មេធាវី​ការពារ​ក្តី​មន្ត្រី​ និង​សកម្មជន​អតីត​បក្ស​​ប្រឆាំង​ស្នើ​តុលាការ​ជួយ​កូនក្ដី​ចូល​ស្រុក

Content image - Phnom Penh Post
លោក មេធាវី សំ សុគង់ កាលពី​ពេល​កន្លងមក​។ រូបថត FN

មេធាវី​ការពារ​ក្តី​មន្ត្រី​ និង​សកម្មជន​អតីត​បក្ស​​ប្រឆាំង​ស្នើ​តុលាការ​ជួយ​កូនក្ដី​ចូល​ស្រុក

ភ្នំពេញៈ មេធាវី​ការពារ​ក្ដី​មន្ត្រី​ និង​សកម្មជន​អតីត​បក្សប្រឆាំង​កាលពី​ម្សិលមិញ​បាន​ស្នើ​តុលាការ​អន្តរាគមន៍​ឱ្យ​អ្នក​ជាប់​ក្នុង​សំណុំរឿង​អាច​ចូលមក​កម្ពុជា ដើម្បី​ចូលរួម​ក្នុង​នីតិវិធីតុលាការ ប៉ុន្តែ​មន្ត្រី​រដ្ឋាភិបាល​ពន្យល់​ពី​​ហេតុផល​មួយចំនួន​ដែល​រដ្ឋាភិបាល​មិនអាច​ចេញ​ទិដ្ឋាការ​ដល់​​ក្រុម​អតីតមន្ត្រី​បក្សប្រឆាំង​។

លោក សំ សុគង់ មេធាវី​ការពារ​ក្ដី​ក្រុម​អតីតមន្ត្រី និង​សកម្មជន​បក្សប្រឆាំង​បាន​ថ្លែងថា ការដាក់​លិខិត​ទៅ​សាលា​ដំបូង​រាជធានី​ភ្នំពេញ​គឺ​ស្នើសុំ​ឱ្យ​តុលាការ​ជួយ​អន្តរាគមន៍​ទៅ​រដ្ឋាភិបាល ដើម្បី​កូនក្ដី​របស់​លោក​អាច​ចូលមក​តតាំង​ក្ដី​បាន​។

លោក​ សំ សុគង់ បញ្ជាក់ថា​៖ «​ក្នុង​លិខិត ខ្ញុំ​សុំឱ្យ​តុលាការ​ធ្វើ​ម៉េច​ឱ្យមាន​វត្តមាន​កូនក្ដី​ក្នុង​សវនាការ ដោយសារ​តាម​ក្រមនីតិវិធី សិទ្ធិ​របស់​ជនជាប់ចោទ​ត្រូវតែ​មាន​វត្តមាន​របស់​ជនជាប់ចោទ​នៅក្នុង​សវនាការ​ដើម្បី​ស្ដាប់​ការចោទប្រកាន់ និង​ឆ្លើយ​ដោះសា​ចំពោះ​បទ​ចោទ​។ ​ខ្ញុំ​ដាក់​ទៅនេះ​គោលដៅ​ឱ្យ​តុលាការ​ជួយ​អន្តរាគមន៍​ទៅ​អាជ្ញាធរ​ដែលជា​អ្នកអនុវត្ត​ដីកា​កោះហៅ​ឱ្យជួយ​សម្រួល​ធ្វើ​ម៉េច​ឱ្យ​កូនក្ដី​មាន​វត្តមាន​នៅពេល​មាន​សវនាការ​»​។

លោក អ៊ី រិន្ទ ប្រធាន​លេខាធិការដ្ឋាន​រដ្ឋបាល​នៃ​សាលាដំបូង​រាជធានី​ភ្នំពេញ បានបញ្ជាក់​ពី​ម្សិលមិញ​ថា សាលាដំបូង​រាជធានី​ភ្នំពេញ​ទទួលបាន​លិខិត​អន្តរាគមន៍​នេះហើយ​។

សាលាដំបូង​រាជធានី​ភ្នំពេញ​គ្រោង​នឹង​បន្ត​សវនាការ​លើ​សំណុំរឿង «​រួមគំនិត​ក្បត់​» និង «​ញុះញង់​» ដែលមាន​ជនជាប់ចោទ​ជា​អតីតមន្ត្រី សកម្មជន និង​អ្នកគាំទ្រ​អតីត​បក្សប្រឆាំង​ចំនួន​ ១៣៩ ​នាក់​ក្នុង​នោះ ៦១ ​នាក់​នឹងត្រូវ​ជំនុំជម្រះ​នៅ​ថ្ងៃទី​ ១៤ មករា និង​ហើយ ៧៨ ​នាក់​ទៀត​នឹង​ជម្រះ​នៅ​ថ្ងៃទី​ ៤ មីនា​។

លោកស្រី មូរ សុខហួរ អតីត​អនុប្រធាន​គណបក្ស​សង្គ្រោះជាតិ​ដែល​តុលាការ​កំពូល​រំលាយ​នៅ​ខែវិច្ឆិកា ២០១៧ និង​ជា​ជនជាប់ចោទ​ម្នាក់​បានដាក់​ពាក្យសុំ​ទិដ្ឋាការ ដើម្បី​មក​ចូលរួម​ក្នុង​សវនាការ​នេះ​នៅ​ស្ថាន​ឯកអគ្គរាជទូត​កម្ពុជា​នៅ​សហរដ្ឋ​អាមេរិក ប៉ុន្តែ​លោកស្រី​មិន​ទទួលបាន​ទិដ្ឋាការ​ទេ​។ លោកស្រី គ្រោង​មកដល់​កម្ពុជា​នៅ​ថ្ងៃទី​ ១៧ មករា បន្ទាប់ពី​បានពន្យារការធ្វើដំណើរដែល​គ្រោង​ដំបូង​នៅ​ថ្ងៃទី​ ៤ មករា​។

ភ្នំពេញ​ ប៉ុស្តិ៍​ មិនអាច​ទាក់ទង​លោកស្រី​ មូរ សុខហួរ ដើម្បី​សុំ​ការបញ្ជាក់​បន្ថែម​ពី​ផែនការ​ត្រឡប់​មក​ចូលរួម​សវនាការ​បានទេ កាលពី​ម្សិលមិញ​។ ប៉ុន្តែ​លោកស្រី​បាន​បង្ហោះ​សារ​នៅលើ Twitter ថា ការកាត់ទោស​ដោយ​មិន​អនុញ្ញាតឱ្យ​ជន​ត្រូវ​ចោទ​មាន​វត្តមាន​នៅក្នុង​សវនាការ​មិន​យុត្តិធម៌​ទេ​។

លោកស្រី​ថ្លែងថា​៖ «​ពួកគេ​មិន​ចេញ​ទិដ្ឋាការ​ឱ្យ​យើង​បាន​ទៅ​ប្រឈមមុខ​ក្នុង​តុលាការ ពួកគេ​ចាប់​អ្នកគាំទ្រ​របស់​យើង​មុនពេល​យើង​ត្រឡប់​ទៅវិញ​ពី​ព្រោះ​តែ​ពួកគេ​មិនមាន​ភ័ស្តុតាង​ពី​បទក្បត់ជាតិ ឬ​ភ័ស្តុតាង​ពី​ការងើប​បះបោរ​»​។

លោក ជិន ម៉ាលីន អ្នក​នាំពាក្យ​ក្រសួងយុត្តិធម៌​ថ្លែងថា តុលាការ​បំពេញ​កិច្ចការ​តាម​នីតិវិធី​ដូច​ដែលមាន​បញ្ញត្តិ​នៅក្នុង​ច្បាប់​។ ដូចជា​ការស៊ើបសួរ ការស៊ើបអង្កេត និង​ការបើក​សវនាការ​ជាដើម​។ ​ក្នុងករណី​ខាងលើ តុលាការ​បាន​ឈានដល់​នីតិវិធី ចេញ​ដីកា​កោះ​ឱ្យចូល​សវនាការ ព្រមទាំង​បានចេញ​ដីកា​បង្គាប់​ឱ្យ​នាំខ្លួន​ដែល​គ្រប់​សមត្ថកិច្ច​ត្រូវអនុវត្ត​តាម​ដីកា​បង្គាប់​ឱ្យ​នាំខ្លួន​តាម​គ្រប់​មធ្យោបាយ​។

លោក​បញ្ជាក់ថា​៖ «​រួមទាំង​អង្គទូត​ក៏ដោយ​គឺ​ត្រូវអនុវត្ត​តាម​ដីកា​បង្គាប់​ឱ្យ​នាំខ្លួន មិនមែន​ចេញ​ទិដ្ឋាកា ចេញ​សុពលភាព​លិខិត​ឆ្លងដែន​ទេ គឺ​ត្រូវ​ប្រើ​គ្រប់​មធ្យោបាយ​ការទូត និង​គ្រប់​យន្តការ និង​កិច្ចព្រមព្រៀង​ដែលមាន​ដើម្បី​ចាប់ខ្លួន ឬ​នាំខ្លួន​ជន​ហ្នឹង​តាម​អំណាច​ដីកា​ឱ្យ​នាំខ្លួន​នោះ​ចូលមក​ប្រឈម​នឹង​ផ្លូវច្បាប់​។ ​តែ​ទោះ​នាំមក​បាន​ ឬ​មិនបាន នីតិវិធីតុលាការ​នឹង​បន្តទៅ​មុខ​តាម​នីតិវិធី​»​។

ស្រដៀង​គ្នា​នេះ អ្នកនាំពាក្យ​រាជរដ្ឋាភិបាល​លោក​ ផៃ ស៊ីផាន ថ្លែងថា តុលាការ​បាន​ចេញ​ដីកា​ទៅតាម​នីតិវិធី ប៉ុន្តែ​ការរក​លទ្ធភាព​ចូលមក​ស្រុក​ខ្មែរ​វិញ​គឺជា​ការទទួលខុសត្រូវ​របស់​សាមីជន​។ ​រដ្ឋាភិបាល​មិន​លូកលាន់​ទេ ហើយ​ច្បាប់​មិន​អនុញ្ញាត​ផ្ដល់​លិខិតូបករណ៍​ណាមួយ​ដែល​ធ្វើឱ្យ​ជន​កំពុង​ស្ថិត​ក្នុងការ​ស្វែងរក​ចាប់ខ្លួន ឬ​ជន​ជាប់ចោទ​អាចមាន​លទ្ធភាព​គេចវេះ​ពី​ការអនុវត្ត​ច្បាប់​ទេ​៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ