ភ្នំពេញៈ សហ​មេធាវី​ជាតិ និង​អន្តរជាតិ ការពារ​ក្តី​ជន​ជាប់​ចោទ ខៀវ សំផន និង នួន ជា បាន​ប្រកាស​ពហិការ​ចូល​រួម​សវនាការ​សាលា​ក្តី​ខ្មែរ​ក្រហម លើ​សំណុំ​រឿង ០០២ វគ្គ ២ រហូត​ដល់​ដើម ឆ្នាំ​២០១៥ ដើម្បី​មាន​រយៈ​ពេល​គ្រប់​គ្រាន់​ក្នុង​ការ​រៀបចំ​បណ្តឹង​សារ​ទុក្ខ​លើ​សំណុំ​រឿង ០០១ វគ្គ ១ និង​បណ្តឹង​ដិត​ចិត្ត (បណ្តឹង​ដក​ចៅ​ក្រម) ០០១ វគ្គ ២។ ការ​ប្រកាស​នេះ ធ្វើ​ឡើង​កាល​ពី​ថ្ងៃ​សៅរ៍​សប្តាហ៍​មុន ក្នុង​សន្និសីទ​សារ​ព័ត៌មាន​មួយ បន្ទាប់​ពី​សវនាការ​លើ​សំណុំ​រឿង ០០២ វគ្គ ២ កាល​ពី​ថ្ងៃ​សុក្រ ត្រូវ​បាន​ផ្អាក​ដោយ​សារ​សហ​មេធាវី​ជន​ជាប់​ចោទ​ទាំង​ពីរ​រូប បាន​ដើរ​ចេញ​ពី​សវនាការ។