ភ្នំពេញៈ មេធាវីការពារក្តីឲ្យលោក នួន ជា កាលពីម្សិលមិញបានវាយប្រហារសាលាក្តីខ្មែរក្រហមថា បរាជ័យជាប្រព័ន្ធមិនអាចផ្តល់យុត្តិធម៌ឲ្យកូនក្តីគេទេ និងបានរិះគន់ព្រះរាជអាជ្ញាថាធ្វើឲ្យប្រវត្តិកម្ពុជាប្រជាធិបតេយ្យមានភាពសាមញ្ញនិងប្រើភ័ស្តុតាងជ្រើសរើស។
ក្រុមមេធាវីការពារក្តីក៏ចង្អុលទៅមេដឹកនាំរដ្ឋាភិបាលជាន់ ខ្ពស់មាន លោក ហេង សំរិន លោក ជា ស៊ីម និង លោក ហ៊ុន សែន ថា មាន «ការពាក់ព័ន្ធផ្ទាល់» នៅក្នុងឧក្រិដ្ឋកម្មទាំងនោះ។
សហមេធាវីរបស់ នួន ជា លោក Victor Koppe បានថ្លែងសន្និដ្ឋានបិទការការពារក្តីដោយហៅការកាត់ទោសនោះថា «ជាការសម្តែងល្ខោន» ដោយផ្អែកលើការសន្និដ្ឋានពីកំហុសចុងចោទមុន។
លោកថ្លែងថា៖ «តុលាការនេះមិនមែនបង្កើតឡើងសម្រាប់ស្វែងរកអ្វីដែលបានកើតនៅក្នុងរបបកម្ពុជាប្រជាធិបតេយ្យទេ។ តុលាការនេះបង្កើតឡើងសម្រាប់ហេតុផលផ្ទុយពីនេះ ពីព្រោះមនុស្សដែលបង្កើតវា គិតថាគេបានដឹងជាមុនអំពីអ្វីដែលបានកើតឡើង...និងអ្នកដែលត្រូវទទួលខុសត្រូវ»។
លោកបន្តថា បើទោះមានការសន្មតទូលំទូលាយថាខ្មែរក្រហម «សម្លាប់អ្នកពាក់ព័ន្ធនឹងរបបសាធារណរដ្ឋខ្មែរ» ភ័ស្តុតាងភ្ជាប់ចុងចោទទៅនឹងឧក្រិដ្ឋកម្មចោទប្រកាន់គឺ «មាន កម្រិតណាស់» ដែលនាំឲ្យយុទ្ធសាស្រ្តរបស់ព្រះរាជអាជ្ញាផ្ទុយទៅវិញ និងមានបំណងឲ្យអង្គជំនុំជម្រះជឿថា មេដឹកនាំជាន់ខ្ពស់នាំនៃរបប... ជាបិសាច»។
លោក Koppe បន្តថា នៅក្នុងការធ្វើបែបនេះ ពួកគេបង្ខំចិត្តពឹងផ្អែកលើប្រភពបន្ទាប់បន្សំដូចជា ការងារនិងប្រភពពីអ្នកកាសែតនិងអ្នកប្រវត្តិសាស្រ្តដើម្បី បន្តសាច់រឿងធ្វើឲ្យមានភាពសាមញ្ញជាមួយនឹង «ការសន្និដ្ឋាន បិទមុននឹងបញ្ចប់»។ លោកបានបន្តថា៖ «លោកប្រធាន បើនេះជាវិធីដើម្បីអនុវត្តការកាត់ទោសឧក្រិដ្ឋជន យើងអាចចំណេញប្រាក់បានច្រើន។ យើងបានអនុវត្តលើការកាត់ទោសនេះអស់ប្រហែល ៤១ លានដុល្លារ... យើងសង្ឃឹមថា វាមានហេតុផលមួយដែលយើងមិនបានធ្វើបែបនោះ»។
លោក Koppe បានសង្ខេបប្រធានបទសំខាន់ៗ ដែលមេធាវីការពារក្តីជឿថាជាប្រសិទ្ធភាពនៃនីតិវិធីរបស់តុលាការ ក្នុងនោះរួមមានសកម្មភាពទៅលើមេដឹកនាំជាន់ខ្ពស់របស់គណបក្ស ប្រជាជនកម្ពុជា អំពីតួនាទីពួកគេនៅក្នុងឧក្រិដ្ឋកម្មទាំងនោះ។ «ការបដិសេធមិន ស្តាប់សាក្សីផ្ទាល់ភ្នែកអង្គជំនុំជម្រះធ្វើឲ្យមេធាវីការពារក្តីអត់ជម្រើសនិងទទួលយកកាកសំណល់សាក្សី»៕ PS
