ភ្នំពេញៈ សាលា​ដំបូង​រាជធានី​​បាន​​ចេញ​ដីកា​កោះ​ហៅ​ប្រធាន​អង្គការ​ល្បី​ឈ្មោះ​ម្នាក់​ទៀត​ដែល​សកម្ម​ក្នុង​យុទ្ធនាការ​ថ្ងៃ​ចន្ទ​ពណ៌​ខ្មៅ​ និង​​ធ្លាប់​ជា​​សមាជិក​នៃ​គណៈកម្មការ​រៀបចំ​ពិធី​បុណ្យ​សព​លោក​បណ្ឌិត កែម ឡី ឱ្យ​ចូល​ខ្លួន​ទៅ​បំភ្លឺ​​ពី​ដំណើរ​រឿង​សូកប៉ាន់​​សាក្សី​នៅ​ពាក់​កណ្តាល​ខែ​នេះ​ទាក់ទង​នឹង​សំណុំ​រឿង​កញ្ញា ខុម ចាន់តារាទី ហៅ​ ស្រីមុំ ដែល​មជ្ឈដ្ឋាន​​ជា​ច្រើន​ចាត់​ទុក​​ថា​ជា​រឿង​នយោបាយ​។