The Phnom Penh Post Search

Search form




Logo of Phnom Penh Post newspaper Phnom Penh Post - យន្ត​ហោះ​ក្រុម​ហ៊ុន​ចិន​ចុះ​ចត​វិញ​ បន្ទាប់​ពី​មាន​បញ្ហា​បច្ចេកទេស

យន្ត​ហោះ​ក្រុម​ហ៊ុន​ចិន​ចុះ​ចត​វិញ​ បន្ទាប់​ពី​មាន​បញ្ហា​បច្ចេកទេស

Content image - Phnom Penh Post
អ្នកដំណើរដើរចេញពីយន្តហោះ ក្រោយពេលចុះចត បន្ទាប់ពីដឹងថាមានបញ្ហា។ Fresh News

យន្ត​ហោះ​ក្រុម​ហ៊ុន​ចិន​ចុះ​ចត​វិញ​ បន្ទាប់​ពី​មាន​បញ្ហា​បច្ចេកទេស

ភ្នំពេញៈ យន្ត​ហោះ ១​ គ្រឿ​ង​របស់​​ក្រុមហ៊ុន​អាកាសចរ​ចិន «Lanmei» បាន​វិល​ត្រឡប់​មក​ចុះ​ចត​នៅ​ព្រលាន​យន្តហោះ​អន្តរជាតិ​ភ្នំពេញ​វិញ​បន្ទាប់​ពី​មាន​បញ្ហា​បច្ចេកទេស​ក្នុង​ការ​​ហោះ​ទៅ​ទីក្រុង​បាងកក​កាល​ពីព្រឹក​ថ្ងៃ​ពុធ ដោយ​មិន​បណ្ដា​ល​ឲ្យ​មាន​​អ្នក​ដំណើរ​ណា​ម្នាក់​ទទួល​គ្រោះ​ថ្នាក់​ឡើយ។

បើ​តាមក្រុម​ហ៊ុន Lanmei ឲ្យ​ដឹង​ថា​ ជើង​ហោះ​ហើរ​ទៅ​ទីក្រុង​បាងកក​នេះ​មាន​អ្នក​ដំណើរ​ប្រមាណ​ជាង ២០០ នាក់ ដោយ​ទើប​តែ​ហោះ​ហើរ​ចេញ​ពី​ព្រលាន​យន្តហោះ​អន្តរជាតិ​ភ្នំពេញ​បាន​ ៣០ នាទី ​ប៉ុណ្ណោះ ក៏​វិល​មក​ចុះ​ចត​វិញ បន្ទាប់​ពី​​សង្កេត​ឃើញ​ថា ​មាន​បញ្ហា​បច្ចេកទេស។

តំណាង​ក្រុម​ហ៊ុន Lanmei ម្នាក់​សុំ​មិន​បញ្ចេញ​ឈ្មោះឲ្យ​ ដឹង​ថា​៖ «ក្រុម​ហ៊ុន​យើង​បាន​រៀបចំ​ឲ្យ​ហោះ​ទៅ​វិញ​នៅ​អំឡុង​ម៉ោង​ ៥ កន្លះ​ទៅ​ម៉ោង​ ៦ ល្ងាច​​។ យើង​មិន​ដែល​ធ្លាប់​ជួប​បញ្ហា​បែប​នេះ​ទេ​ពីមុន​មក។ រឿង​នេះ​គ្រាន់​តែ​ជាបញ្ហា​បច្ចេកទេស​ប៉ុណ្ណោះ»។

លោក ជា អូន អ្នក​នាំពាក្យ​អាកាសចរស៊ីវិល​កម្ពុជា បាន​​ប្រាប់​ភ្នំពេញ​ប៉ុស្ដិ៍​ម្សិល​មិញ​ថា រឿង​នេះ​គ្រាន់​ជា​បញ្ហា​តិច​តួច មិន​​មាន​បញ្ហា​ធំដុំ​អ្វីនោះ​ទេ។ «រឿង​នេះ គឺ​ក្រុមហ៊ុន​ ពេល​គេ​មាន​អី​មិន​ស្រួល​បន្តិច ពេល​ហោះ​ឡើង​ហើយ ក៏​ចុះ​មក​វិញ​ តែ​បើ​ហោះ​ទៅ​ក៏បាន​ដែរ​រឿង​នេះ​មិន​អីទេ​ តែ​ដើម្បី​សុវត្ថិភាព​គេ​ចុះអ៊ី​ចឹង​ហើយ»។

បើ​តាម លោក អូន​ ករណី​​យន្ត​ហោះ​ ហោះ​ឡើ​ង​ហើយ ចុះវិញ​នេះ គឺមិន​មែន​​ជា​លើក​ទី​ ១ ទេ ហើយ​ក៏​មិន​មែន​​កើត​មាន​តែ​នៅ​​ស្រុក​ខ្មែរ​ដែរ​ គឺ​តែង​តែ​កើត​មាន​នៅ​​លើ​ពិភពលោក​។​ «អ៊ីចឹ​ង​រឿង​នេះកុំ​ឈូ​ឆរ​ពេក ធម្មតាៗ​ទៅ​។ ក្រុម​ហ៊ុន​គេ​​យក​យន្ដហោះ​ ១​ ទៀត​ទៅ​ដឹក​ភ្ញៀវ​ធម្មតា មិន​មាន​បញ្ហា​អីទេ​។​ ម៉ាស៊ីន​អត់​មាន​ខូច​អីទេ​ គេ​ពិនិត្យ​មើល​តិច​តួច​ ឥឡូវ​ដំណើរ​ការ​ធម្មតា​វិញ»៕

អត្ថបទគួរចាប់អារម្មណ៍