The Phnom Penh Post Search

Search form




Logo of Phnom Penh Post newspaper Phnom Penh Post - យុវជន​មួយ​ក្រុម​​នឹង​ជម្នះ​ដើរ​ក្បួន​ក្នុង​ទិវា​បរិស្ថាន​អន្តរជាតិ​ថ្ងៃ​នេះ

យុវជន​មួយ​ក្រុម​​នឹង​ជម្នះ​ដើរ​ក្បួន​ក្នុង​ទិវា​បរិស្ថាន​អន្តរជាតិ​ថ្ងៃ​នេះ

យុវជន​មួយ​ក្រុម​​នឹង​ជម្នះ​ដើរ​ក្បួន​ក្នុង​ទិវា​បរិស្ថាន​អន្តរជាតិ​ថ្ងៃ​នេះ

ភ្នំពេញៈ យុវ​ជន​មួយ​ក្រុម​ មាន​គម្រោង​ដើរ​ក្បួន​នៅក្នុង​​ទិវា​បរិស្ថាន​អន្តរ​ជាតិ​បើ​ទោះ​បី​អាជ្ញាធរ​រាជធានី​បាន​ហាម​ប្រាម​ក៏​ដោយ​។

លោក​ ទឹម ម៉ាឡៃ ប្រធាន​បណ្តាញ​យុវ​ជន​កម្ពុជា​ (CYN) បាន​មាន​ប្រសាសន៍​​កាល​ពី​ថ្ងៃ​ពុធ​ម្សិល​មិញ​ថា ​លោកបាន​ជួប​ជា​មួយ​អភិបាល​រង​រាជធានី​ភ្នំពេញ ​លោក​ ឃួង ស្រេង​ ហើយ​​បាន​សុំ​ការ​អនុ​ញ្ញាត​ដើរ​ក្បួន​ចេញ​ពី​ក្រសួង​បរិស្ថាន​ឆ្ពោះ​ទៅ​ ក្រសួង​កសិ​កម្ម​នៅ​ថ្ងៃ​នេះ​។

លោក​ ទឹម​ ម៉ាឡៃ ដែល​រំពឹង​ថា​នឹង​មាន​អ្នក​ចូល​រួម​​ប្រមាណ​៥០០​នាក់ បាន​និយាយ​ថា៖ «ខ្ញុំ មិន​ដឹង​​ថា​ សាលា​រាជធានី​​នឹង​​មាន​ចំណាត់​ការ​អ្វី​ទេ​មកលើ​ពួក​យើង​ ប៉ុន្តែ​ខ្ញុំ នឹង​រង់​ចាំ​​មើល​ថា​តើ​អាជ្ញាធរ​បង្ក្រាប​លើ​ក្បួន​​របស់​យើង ​ឬ​ក៏ការ​ពារ​ពួក​យើង​»។

អ្នក​នាំ​ពាក្យ​សាលា​រាជ​ធានី​លោក ឡុង ឌីម៉ង់ បាន​បញ្ជាក់​ឲ្យ​ដឹងថា អាជ្ញាធរ​ចង់​​ចៀស​​ឲ្យ​ផុត​ពី​ភាព​គ្មាន​សណ្តាប់​ធ្នាប់​សាធារណៈ និង​ការ​ប៉ះ​ទង្គិច​ណា​មួយ​ដែល​នឹង​អាច​កើត​មាន​ជា​​មួយ​អាជ្ញា​ធរ​។

លោក ឌីម៉ង់ បញ្ជាក់​ថា៖​«វាមិន​ត្រឹម​តែ​ក្រុម​នេះ​ទេ​ ដែល​ស្រឡាញ់​បរិស្ថាន​...​មនុស្ស​ជា​ច្រើន​ក៏​អ៊ីចឹង​ដែរ។ ដូច្នេះ​ប្រសិន​បើ​យើង​អនុ​ញ្ញាត​ឲ្យ​ពួក​គេ​ជួប​ជុំ សមាគម​ និង​ពលរដ្ឋ​ផ្សេង​ទៀត​ក៏​ចង់​ធ្វើ​ដូច្នោះ​ដែរ។ អាជ្ញា​ធរ ​នឹង​ចាត់​វិធាន​ការ​​ប្រឆាំង​នឹង​ពួកគេ ប្រសិន​បើ​ពួក​គេ រំលោភ​លើ​ផែន​ការ​​របស់​យើង​»​៕ NR

អត្ថបទគួរចាប់អារម្មណ៍