The Phnom Penh Post Search

Search form




Logo of Phnom Penh Post newspaper Phnom Penh Post - យូនីសេហ្វ​ ផ្តល់​សម្ភារ​អនាម័យ​ឲ្យ​សាលារៀន​បើក​ឡើងវិញ​ជាង​ ៤០០




យូនីសេហ្វ​ ផ្តល់​សម្ភារ​អនាម័យ​ឲ្យ​សាលារៀន​បើក​ឡើងវិញ​ជាង​ ៤០០

Content image - Phnom Penh Post
ដំណាក់កាល​ទី​ ៣ នាពេល​ខាង​មុខ​»៕នៅមុខ​សាលារៀន​មួយ​ក្នុង​ខណ្ឌ​ពោធិ៍សែនជ័យ​ពី​ថ្ងៃ​ទី​ ៩ ខែកញ្ញា​។ ហេង ជីវ័ន

យូនីសេហ្វ​ ផ្តល់​សម្ភារ​អនាម័យ​ឲ្យ​សាលារៀន​បើក​ឡើងវិញ​ជាង​ ៤០០

ភ្នំពេញៈ អង្គការ​យូនីសេហ្វ ដែល​ទទួល​បាន​ជំនួយ​ពី​ទីភ្នាក់ងារ​សហរដ្ឋអាមេរិក​សម្រាប់​ការអភិវឌ្ឍ​អន្តរជាតិ​ (USAID) ​ផ្តល់​សម្ភារ​អនាម័យ​សំខាន់ៗ​ដល់​សាលារៀន​ចំនួន​ ៤១៧ នៅ​រាជធានី-ខេត្ត​ចំនួន​ ៦ ដើម្បី​ជា​ការចូលរួម​ចំណែក​ក្នុង​យុទ្ធនាការ​ទប់ស្កាត់​ជំងឺ​កូវីដ​ ១៩ ក្នុង​អំឡុងពេល​ដែល​សាលារៀន​ទូទាំង​ប្រទេស បើក​ដំណើរការ​ឡើងវិញ​។

សេចក្តី​ប្រកាស​ព័ត៌មាន​របស់ USAID ឲ្យ​ដឹង​ពី​ថ្ងៃ​ព្រហស្បតិ៍​ថា​សាលារៀន​ចំនួន​ ៤១៧ ក្នុង​ខេត្ត​ចំនួន​ ៥ និង​រាជធានី​ភ្នំពេញ​នឹង​ទទួល​បាន​សម្ភារ​អនាម័យ ដែល​មាន​ដូចជា​សាប៊ូ​លាងដៃ ជែល ទឹក​អាល់កុល និង​ឧបករណ៍​វាស់កម្តៅ​។ សេចក្តីប្រកាស​បន្តថា ការប្រគល់​ជូន​សម្ភារ​ទាំង​នេះ​ដល់​សាលារៀន​ត្រូវធ្វើ​ឡើង​នៅ​ថ្ងៃ​សុក្រ​នេះ​នៅ​ការិយាល័យ​អប់រំ យុវជន​ និង​កីឡា​ក្នុង​ខណ្ឌ​ជ្រោយចង្វារ​រាជធានី​ភ្នំពេញ​ដោយ​មាន​មន្ត្រី​ពាក់ព័ន្ធ សង្គម​ស៊ីវិល​ចូលរួម​។

លោក​ មាស ប៊ុនលី មន្ត្រី​ទំនាក់ទំនង​យូនីសេហ្វ​កម្ពុជា​ប្រាប់​ភ្នំពេញ​ប៉ុស្តិ៍​ពី​ម្សិលមិញ​ថា អង្គការ​យូនីសេហ្វ​បាន​ទទួល​គម្រោង​ជា​ជំនួយ​របស់ USAID ជាច្រើន​ក្នុង​ទិសដៅ​រួមចំណែក​ជាមួយ​រដ្ឋាភិបាល​កម្ពុជា ដើម្បី​ប្រយុទ្ធ​ប្រឆាំង​នឹង​ជំងឺ​កូវីដ​១៩​។ ជាពិសេស​នោះ​លោក​ថា ចំពោះ​គម្រោង​ផ្តល់​ជា​សម្ភារ​អនាម័យ​នេះ គឺជា​ការរួមចំណែក​ជំរុញ​លើក​ទឹកចិត្ត​ដល់​កុមារ​ឲ្យ​មាន​ទំនុកចិត្ត​ក្នុង​ការវិលត្រឡប់​ចូល​សាលារៀន​ជាថ្មី​។

លោក​បន្ថែមថា ក្នុង​អំឡុងពេល​បើក​សាលារៀន​ក្នុង​ដំណាក់កាល​នេះ​ទោះ​ជា​មិន​អាច​និយាយ​បាន​ថា​សាលា​ទាំងអស់​អាច​ទទួល​បាន​ការសិក្សា​ដ៏ពេញលេញ​ ១០០% ​ក៏ដោយ ប៉ុន្តែ​វា​គឺជា​ការប្រសើរ​សម្រាប់​កុមារ​ដែល​អាច​ឲ្យ​កុមារ​ទាំងអស់​បាន​វិល​មក​រក​ថ្នាក់រៀន និង​ជួប​លោកគ្រូ អ្នកគ្រូ ដើម្បី​ទទួល​បាន​ការអប់រំ​ឡើងវិញ​។

លោក​ថ្លែងថា​៖ «​យើង​ចង់​ឲ្យ​សិស្ស​ចូលរៀន​វិញ​ប្រកប​ដោយ​សុវត្ថិភាព​ដែល​សម្ភារ មានដូចជា ទឹក​លាងដៃ ជែល អាល់កុល ដែល​ធ្វើ​ម៉េច​ឲ្យ​ចំ​គោលដៅ​ក្មេងៗ​ដែល​ចូលរៀន​វិញ​ត្រូវ​ប្រើ ហើយ​នេះ​គឺ​គ្រាន់តែ​សកម្មភាព​មួយ​ដែល​យើង​បានធ្វើ​។ អ្វីដែល​ធ្វើបាន​ធ្វើ​ទៀត គឺ​ការចូលរួម​សកម្មភាព​ផ្សព្វផ្សាយ ដោយ​ធ្វើយ៉ាងណា​ឲ្យ​កុមារ អាណាព្យាបាល និង​គ្រូបង្រៀន ចេះដឹង​ថែរក្សា​ខ្លួន​ដោយ​ខ្លួនឯង​»​។

លោក​ រស់ សុវាចា អ្នកនាំពាក្យ​ក្រសួង​អប់រំ យុវជន និង​កីឡា​ថ្លែង​អំណរគុណ និង​លើក​ទឹកចិត្ត​គ្រប់ភាគី​ពាក់ព័ន្ធ​ឲ្យ​បន្ត​កិច្ចសហការ​ជា​វិជ្ជមាន​តាម​គ្រប់​រូបភាព​ក្នុង​ឱកាស​ដែល​ក្រសួង​អប់រំ​ចូលរួម​ជាមួយ​រាជរដ្ឋាភិបាល​បើក​ដំណើរការ​សាលារៀន​ឡើងវិញ ដើម្បី​គ្រប់គ្រង បង្ការ និង​ទប់ស្កាត់​ការរីក​រាលដាល​ជំងឺ​កូវីដ​១៩​។

លោក​បញ្ជាក់ថា​៖ «​ក្រសួង​អប់រំ យុវជន និង​កីឡា​បាន​ទទួល​គោលការណ៍​ពី​រាជរដ្ឋាភិបាល​កម្ពុជា​បើក​ដំណើរការ​សាលារៀន​ទូទាំង​ប្រទេស​តាមរយ:​ ៣ ​ដំណាក់កាល ហើយ​ការបើក​ដំណើរការ​ដំណាក់កាល​ទី​ ១ សាលារៀន​ស្តង់ដា​សុវត្ថិភាព​ខ្ពស់​ចំនួន​ ២០ ​គ្រឹះស្ថានសិក្សា​បាន​ចាប់ផ្ដើម​ក្នុង​ខែ​សីហា ឆ្នាំ​ ២០២០»​។

លោក​ថា​៖ «​ការបើក​ដំណើរការ​ដំណាក់កាល​ទី​ ២ បាន​ចាប់ផ្តើម​ពីថ្ងៃ​ទី​ ៧ ខែ​ កញ្ញា ឆ្នាំ​ ២០២០​។ ក្រសួង​អប់រំ យុវជន និង​កីឡា​បាន​ត្រៀម​លក្ខណ:​បច្ចេកទេស កត្តា​សុវត្ថិភាព សុខភាព​សិក្សា និង​ទិដ្ឋភាព​ពាក់ព័ន្ធ​សម្រាប់​ត្រៀម​បើក​ដំណើការ​ដំណាក់កាលទី៣ នាពេលខាងមុខ។

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។