The Phnom Penh Post Search

Search form




Logo of Phnom Penh Post newspaper Phnom Penh Post - រង្វាន់​អ្នក​ជាប់​និទ្ទេស A នៅ​ក្នុង​ឆ្នាំ​នេះ​ខុស​គ្នា​ពី​ឆ្នាំ​មុន

រង្វាន់​អ្នក​ជាប់​និទ្ទេស A នៅ​ក្នុង​ឆ្នាំ​នេះ​ខុស​គ្នា​ពី​ឆ្នាំ​មុន

សិស្ស​ដែល​ទើប​ប្រឡង​បាក់ឌុប​ជាប់​និទ្ទេស A ពេល​ជួប​សំណេះសំណាល​ជាមួយ​លោក​នាយករដ្ឋមន្ត្រី​ ហ៊ុន សែន ម្សិលមិញ​។
សិស្ស​ដែល​ទើប​ប្រឡង​បាក់ឌុប​ជាប់​និទ្ទេស A ពេល​ជួប​សំណេះសំណាល​ជាមួយ​លោក​នាយករដ្ឋមន្ត្រី​ ហ៊ុន សែន ម្សិលមិញ​។ ហេង ជីវ័ន

រង្វាន់​អ្នក​ជាប់​និទ្ទេស A នៅ​ក្នុង​ឆ្នាំ​នេះ​ខុស​គ្នា​ពី​ឆ្នាំ​មុន

ភ្នំពេញៈ ដូច​ការ​គ្រោង​ទុក​បេក្ខជន​និទ្ទេស A បាក់ឌុប​ឆ្នាំ ២០១៥ សរុប ១០៨ នាក់​កាលពី​ម្សិលមិញ​បាន​ចូល​ជួប​សំណេះ​សំណាល​ និង​ទទួល​អំណោយ​លើក​ទឹកចិត្ត​ពី​លោក​នាយករដ្ឋមន្ត្រី ហ៊ុន សែន ប៉ុន្តែ​ឆ្នាំ​នេះ​មិន​ដូច​ឆ្នាំ​មុន​ដែល​បេក្ខជន​និទ្ទេស A មាន​តែ ១១ ​នាក់​នោះ​ឡើយ។

លោក អ៊ាង សុផល្លែត ជំនួយការ​ផ្ទាល់​លោក​​នាយករដ្ឋមន្ត្រី​បាន​ប្រាប់​អ្នក​សារព័ត៌មាន​នៅ​ខាង​ក្រៅ​វិមាន​សន្តិភាព​ថា​ប្រមុខ​រដ្ឋាភិបាល​បាន​ផ្តល់​ទឹកប្រាក់​ដល់​បេក្ខជន​ម្នាក់ៗ​ចំនួន ២ លាន​រៀល Samsung Tablet ម្នាក់ៗ​មួយ​គ្រឿង​កាក់​ប្រាក់​​អនុស្សាវរីយ៍ និង​សៀវភៅ​អនុស្សាវរីយ៍​មួយ​ក្បាល​ផង​ដែរ​ចំណែក​អាហារូបករណ៍​សិក្សា​ថ្នាក់​បរិញ្ញាបត្រ​គឺ​អាស្រ័យ​ទៅលើ​សាកលវិទ្យាល័យ​ក្នុង​ប្រទេស។

លោក អ៊ាង សុផល្លែត បាន​ឲ្យ​ដឹង​ថា៖ «សម្តេច​បាន​មាន​ប្រសាសន៍​ថា​នេះ​ជា​លទ្ធផល​នេះ​គឺជា​កិច្ចប្រឹងប្រែង​ទ្វេទិស​ទី​មួយ​គឺ​ការ​ខិតខំ​របស់​ប្អូនៗ​ប្រឹងប្រែង​សិក្សា​ទី ២ គឺ​ការ​ខិតខំ​របស់​រដ្ឋាភិបាល​ធ្វើ​ឲ្យ​មាន​សន្តិភាព និង​ការ​សាងសង់​ហេដ្ឋារចនាសម្ព័ន្ធ​សាលា និង​ព្រម​ទាំង​គ្រូបង្រៀន»។

កាលពី​ឆ្នាំ ២០១៤ ខណៈ​ដែល​សិស្ស​និទ្ទេស A មាន​ចំនួន​ត្រឹម​តែ ១១ ​នាក់​លោក​នាយករដ្ឋមន្ត្រី ហ៊ុន សែន បាន​ផ្តល់​ការ​លើក​ទឹកចិត្ត​ដោយ​ក្នុង​ម្នាក់ៗ​ទទួល​បាន​កុំព្យូទ័រ​យួរ​ដៃ​មួយ​គ្រឿង IPAD មួយ​គ្រឿង ម៉ូតូ​មួយ​គ្រឿង និង​ប្រាក់ ១២៥០ ​ដុល្លារ​ព្រមទាំង​ការ​ផ្តល់​អាហារូបករណ៍​ថ្នាក់​បរិញ្ញាបត្រ​ផង​ដែរ។

បេក្ខជន ម៉ាន កូតា អាយុ ១៧ ឆ្នាំ​ជា​សិស្ស​វិទ្យាល័យ​បាក់ទូក​ដែល​ទទួល​និទ្ទេស A ពិន្ទុ​ ១០០ ពេញ និង​ខ្ពស់​ជាង​គេ​បាន​ឲ្យ​ដឹង​ថា​រូប​គេ​បាន​ជួប​សំណេះសំណាល​ផ្ទាល់​ជាមួយ​លោក​នាយករដ្ឋមន្ត្រី និង​បាន​បង្ហាញ​ពី​ចំណាប់​អារម្មណ៍​របស់​ខ្លួន​ចំពោះ​ការ​សិក្សា​ថ្នាក់​បរិញ្ញាបត្រ​ផ្នែក​វិទ្យាសាស្ត្រ។

កូតា និយាយ​ថា៖ «គាត់​បាន​សួរ​ខ្ញុំ​ហើយ​ខ្ញុំ​ក៏​បាន​ឆ្លើយ​ខ្ញុំ​ប្រាប់​គាត់​ថា​ពួក​ខ្ញុំ​មិន​អន់​ចិត្ត​ទេ​ចំពោះ​អំណោយ​ដែល​តិច​ជាង​ឆ្នាំ​មុន​ពីព្រោះ​ឆ្នាំ​នេះ​មាន​ច្រើន​ដល់​ទៅ ១០៨ ​នាក់។ គាត់​​បាន​ផ្តាំ​ផ្ញើ​ឲ្យ​ពួកខ្ញុំ​បន្ត​ខំ​រៀន​ទៀត»។

គួរ​រំឭក​ថា​បេក្ខជន​ប្រឡង​ជាប់​បាក់ឌុប​ឆ្នាំ ២០១៥ នេះ​មាន​ចំនួន ៤៦ ៥៦០ នាក់​ត្រូវ​ជា ៥៥,៨៨ ​ភាគរយ​នៃ​បេក្ខជន​វត្តមាន​សរុប ៨៣ ៣២៥ នាក់​ហើយ​ក្នុង​នោះ​និទ្ទេស A មាន​ ១០៨ នាក់​ B មាន ១ ០៨៥ នាក់ C មាន ៣ ២៩២ នាក់ D មាន ៦ ០៩៣ និង​និទ្ទេស E មាន ៣៥ ៩៨២ នាក់៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។