ភ្នំពេញ៖ រដ្ឋបាលរាជធានីភ្នំពេញនៅព្រឹកថ្ងៃទី ១៥ ខែមេសា បានព្រមានចាត់វិធានការតាមផ្លូវច្បាប់ ចំពោះបុគ្គល ១០ រូប ដែលមានវិជ្ជមានជំងឺកូវីដ ១៩ ហើយគេចវេះពីការព្យាបាល។
យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ បុគ្គលដែលជាអ្នកជំងឺកូវីដ ១៩ ទាំង ១០ នាក់នោះ រួមមាន៖
១-ឈ្មោះ សាំង សុភាព ភេទប្រុស អាយុ ២៧ ឆ្នាំ ជាអាជីវករផ្សារអូរឫស្សី លក់គ្រឿងកាឡៃ ទីលំនៅបច្ចុប្បន្នផ្ទះលេខ ១៩ ផ្លូវលេខ ១៦៦ សង្កាត់អូរឫស្សី ៣ ខណ្ឌ៧មករា;
២-ឈ្មោះ យូ សារី ភេទស្រី អាយុ ២៧ ឆ្នាំ ទីលំនៅបច្ចុប្បន្ន ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ;
៣-ឈ្មោះ វិន ចិត្រ ភេទប្រុស អាយុ ២៨ ឆ្នាំ ទីលំនៅបច្ចុប្បន្នភូមិថ្មី សង្កាត់ស្ទឹងមានជ័យ ខណ្ឌមានជ័យ;
៤-ឈ្មោះ ខែ ស្រីខន ភេទស្រី អាយុ ៣១ ឆ្នាំ ទីលំនៅបច្ចុប្បន្នសង្កាត់ស្ទឹងមានជ័យ ខណ្ឌមានជ័យ;
៥-ឈ្មោះយិន សារិត ភេទប្រុស អាយុ ៣៣ ឆ្នាំ ទីលំនៅបច្ចុប្បន្នភូមិព្រែកតាឡុង សង្កាត់ចាក់អង្រែលើ ខណ្ឌ មានជ័យ;
៦-ឈ្មោះ តុប មឿន ភេទប្រុស អាយុ ៤៨ ឆ្នាំ ទីលំនៅបច្ចុប្បន្នផ្លូវបេតុង ភូមិគោកឃ្លាំង សង្កាត់គោកឃ្លាំង ខណ្ឌសែនសុខ;
៧-ឈ្មោះ ជឿត សុជា ភេទប្រុស អាយុ ២៨ ឆ្នាំ ទីលំនៅបច្ចុប្បន្នផ្ទះជួល ភូមិ ៣ សង្កាត់ទន្លេបាសាក់ ខណ្ឌចម្ការមន;
៨-ឈ្មោះ ជុន ចាន់ដារ៉ា ភេទប្រុស អាយុ ១៦ ឆ្នាំ ទីលំនៅបច្ចុប្បន្នភូមិដីថ្មី សង្កាត់ស្ទឹងមានជ័យ ខណ្ឌមានជ័យ;
៩-ឈ្មោះ ជន់ សុខាវតី ភេទស្រី អាយុ ១៧ ឆ្នាំ ទីលំនៅបច្ចុប្បន្នសង្កាត់បឹងព្រលិត ខណ្ឌ ៧មករា; និង
១០-ឈ្មោះ រឿន វីរៈ ភេទប្រុស អាយុ ៣៥ ឆ្នាំ ទីលំនៅបច្ចុប្បន្នភូមិភ្នាត សង្កាត់ស្ទឹងមានជ័យ ខណ្ឌមានជ័យ។
រដ្ឋបាលរាជធានីភ្នំពេញបានអំពាវនាវដល់សាមីខ្លួន សាច់ញាតិ ឬអ្នកដែលស្គាល់អ្នកជំងឺទាំងនោះ ប្រញាប់បង្ហាញខ្លួនក្នុងរយៈពេល ៣ ថ្ងៃជាកំហិត គិតចាប់ពីថ្ងៃទី ១៥ ខែ មេសា ឆ្នាំ ២០២១ តទៅ ដើម្បីមកទទួលយកការព្យាបាល ដោយសូមទំនាក់ទំនងទៅកាន់លេខ ១២៩៩ ឬ ១១៥។
រដ្ឋបាលរាជធានីភ្នំពេញបានព្រមានថា៖ "ក្នុងករណីសាមីអ្នកជំងឺទាំង ១០ នាក់នេះ មិនបានមកបង្ហាញខ្លួនតាមការកំណត់នេះ រដ្ឋបាលរាជធានីភ្នំពេញនឹងចាត់វិធានការតាមផ្លូវច្បាប់ដោយកសាងសំណុំរឿងបញ្ជូនទៅស្ថាប័នអយ្យការ" ។
រដ្ឋបាលរាជធានីភ្នំពេញបានចាត់ទុកសកម្មភាពរបស់បុគ្គលជាអ្នកជំងឺទាំង ១០ នាក់នោះថា ជាអំពើគេចវេះពីការតម្រូវឱ្យទទួលការព្យាបាល ដែលត្រូវផ្តន្ទាទោសដាក់ពន្ធនាគារពី ១ ឆ្នាំ ទៅ ៥ ឆ្នាំ និងពិន័យជាប្រាក់ពី ៥ លានរៀល ទៅ ២០ រៀល ហើយផ្តន្ទាទោសដាក់ពន្ធនាគារពី ៥ ឆ្នាំ ទៅ ១០ ឆ្នាំ កាលបើអំពើខាងលើនេះបានបណ្តាលឱ្យមានការចម្លងជំងឺកូវីដ ១៩ ដល់អ្នកដទៃ អនុលោមតាមមាត្រា ៨ នៃច្បាប់ស្តីពីវិធានការទប់ស្កាត់ការឆ្លងរីករាលដាលនៃជំងឺកូវីដ ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត៕