.jpg)
ប៉ូលីសបានបិទខ្ទប់នៅលើមហាវិថីសហព័ន្ធរុស្សីក្នុងខណ្ឌពោធិសែនជ័យនៅថ្ងៃទី ១៨ ខែមេសា ឆ្នាំ ២០២១។ ហេង ជីវ័ន
ភ្នំពេញ៖ រដ្ឋបាលរាជធានីភ្នំពេញ បានធ្វើសេចក្តីណែនាំពីការសម្រួលដល់ការធ្វើដំណើររបស់អ្នកដែលត្រូវផ្តល់អាទិភាព ក្នុងអំឡុងពេលអនុវត្តវិធានការបិទខ្ទប់ ដោយតម្រូវឱ្យស្ថាប័នផ្តល់បញ្ជីឈ្មោះបុគ្គលិក ឬកម្មករ មិនឱ្យលើសពី ២ ភាគរយនៃចំនួនបុគ្គលិកសរុប រួចស្នើសុំការអនុញ្ញាតនៅការិយាល័យច្រកចេញចូលតែមួយនៃរដ្ឋបាលរាជធានីភ្នំពេញ ឬនៅតាមខណ្ឌទាំង ១។
លោក ឃួង ស្រេង អភិបាលរាជធានីភ្នំពេញបានចេញសេចក្តីណែនាំនៅថ្ងៃអាទិត្យ ទី ១៨ ខែមេសា នេះថា ដើម្បីធានាប្រក្រតីភាពនៃជីវភាពរស់នៅរបស់ប្រជាពលរដ្ឋ ស្របតាមសេចក្តីសម្រេចរបស់រាជរដ្ឋាភិបាលក្នុងការធ្វើដំណើរក្នុងភូមិសាស្ត្ររាជធានីភ្នំពេញ ក្នុងអំឡុងពេលបិទខ្ទប់ រដ្ឋបាលរាជធានីភ្នំពេញបានធ្វើការណែនាំដល់អ្នកដែលត្រូវផ្តល់អាទិភាពធ្វើដំណើរនាពេលនេះ។
លោកថា ស្ថាប័ននីមួយៗត្រូវរៀបចំបញ្ជីឈ្មោះបុគ្គលិក កម្មករ-កម្មការិនីនៃទីតាំងអាជីវកម្មរបស់ខ្លួន ដោយត្រូវកាត់បន្ថយនូវចំនួនមកនៅត្រឹមកម្រិតអប្បបរមាមិនឱ្យលើសពី ០២ ភាគរយនៃចំនួនបុគ្គលិក ឬកម្មករ-កម្មការិនីសរុប។
ប៉ូលីសបានបិទខ្ទប់នៅលើមហាវិថីសហព័ន្ធរុស្សីក្នុងខណ្ឌពោធិសែនជ័យនៅថ្ងៃទី ១៨ ខែមេសា ឆ្នាំ ២០២១។ ហេង ជីវ័ន
លោកបញ្ជាក់ថា៖ «ត្រូវភ្ជាប់មកជាមួយនូវបញ្ជីឈ្មោះបុគ្គលិក និងកម្មករសរុប និងត្រូវភ្ជាប់មកជាមួយនូវឯកសារបញ្ជាក់ធានាអះអាងចំនួន ០២ ភាគរយនៃបុគ្គលិក ឬកម្មករ-កម្មការិនី ពីម្ចាស់សហគ្រាស ឬម្ចាស់អាជីវកម្មដ្ឋានផងដែរ»។
លោក ឃួង ស្រេង បន្តថា ការស្នើសុំការធ្វើដំណើរនេះគឺត្រូវស្នើទៅអង្គភាពច្រកចេញចូលតែមួយនៃរដ្ឋបាលរាជធានីភ្នំពេញ ឬនៅការិយាល័យច្រកចេញចូលតែមួយនៃរដ្ឋបាលខណ្ឌទាំង ១៤ ពិសេសក្នុងមូលដ្ឋានខណ្ឌ ដែលទីតាំងអាជីវកម្មរបស់ខ្លួនតាំងនៅ ដើម្បីចេញលិខិតបញ្ជាក់អំពីការធ្វើដំណើរចេញចូលក្នុងភូមិសាស្ត្ររាជធានីភ្នំពេញ ជូនដល់ម្ចាស់អាជីវកម្ម និងបុគ្គលិក កម្មករ-កម្មការិនី។
ជាមួយគ្នានេះដែរ រដ្ឋបាលរាជធានីភ្នំពេញនឹងបង្កើតគ្រុបតេឡេក្រាម (Telegram) សម្រាប់ឱ្យអ្នកដែលត្រូវបានផ្តល់អាទិភាពស្នើសុំតាម Online ដែលនឹងជូនដំណឹងតាមសារព័ត៌មាន និង គេហទំព័រ (Page) របស់រដ្ឋបាលរាជធានីភ្នំពេញ ព្រមទាំងគេហទំព័ររបស់រដ្ឋបាលខណ្ឌទាំង ១៤៕
ប៉ូលីសបានបិទខ្ទប់នៅលើមហាវិថីសហព័ន្ធរុស្សីក្នុងខណ្ឌពោធិសែនជ័យនៅថ្ងៃទី ១៨ ខែមេសា ឆ្នាំ ២០២១។ ហេង ជីវ័ន
ប៉ូលីសបានបិទខ្ទប់នៅលើមហាវិថីសហព័ន្ធរុស្សីក្នុងខណ្ឌពោធិសែនជ័យនៅថ្ងៃទី ១៨ ខែមេសា ឆ្នាំ ២០២១។ ហេង ជីវ័ន
